Joshua 11:11 - Ohiatonhseratokénti

¹¹ kwáh onhkweʼtakwé꞉kon ne nón꞉we washakotinonhwarià꞉kon; tánon ne kanatowanénhke wahontenonhkwatekthánion.

Joshua 11:11 Iomraidhean Croise

Deuteronomy 20:16

“Ók ki nó꞉nen enshié꞉na ne kanatowá꞉nen ne Roiá꞉ner saNí꞉io thiawì꞉re, kanenrahkwé꞉kon senonhwarià꞉kon.

Deuteronomy 3:7

Iahakihiatenhásehron ne kontiʼtshénens tánon wahakwanenskwehá꞉ton ne tsi kanatowá꞉nens.

Deuteronomy 7:2

Nó꞉nen ne Roiá꞉ner saNí꞉io sashatstenhserá꞉kon nón꞉we nenhsakotkà꞉we kí꞉ken onhkweshón꞉a tánon ensheʼsén꞉ni, ó꞉nenk tsi ratikwé꞉kon ensenonhwarià꞉kon. Akwáh tó꞉sa thé꞉nen iatesewateriʼwá꞉iest ne ronónha tó꞉sa ó꞉ni thé꞉nen ietsinaʼtónhas nataniʼténron.

Joshua 10:40

Ne Joshua washakosenhniónko nonhontsakwé꞉kon. Wahosénhni ne ronhnonhtí꞉io ne tsi iononhténion kanakerahserá꞉ien, ne tsitkarahkwí꞉nekens nokwá꞉ti iononhtakarenhrénions, tánon ne tsi iaʼtewatsénhtos iononhthaientáserons, kwáh ó꞉ni tsi niká꞉iens ne ionakeraserà꞉iens ne entieʼné꞉sons nokwahtí꞉son. Iáh ónhka tesakohiaʼthanonstá꞉ton; kwáh onkweʼtakwé꞉kon wahontatenonhwariaʼkónhnion. Thóh ki ní꞉ioht ne Roiá꞉ner Raní꞉io ne Israerʼró꞉nonke tsi rotenhnàhon.

Joshua 6:21

Né꞉ne rahonashá꞉rekowah wahonsthe tsi akwékon washá꞉kotinonhwariakon ne kanató꞉wahnenke, ronhnónhkwe ó꞉ni ne konhnónhkwe, kenhtithó꞉thihionsas ó꞉ni nakotstenhó꞉konhas. Kwáh ó꞉ni wahonwatinonhwarhiakonhnion ne tsiononhskwahrons, teiotinakaronhtonʼa, tánon ne tewahóntes.

Joshua 6:24

Ethòne ónenh wahontenatenhthawe ne kanató꞉wanenhke ó꞉ni wahó꞉teke kwáh okenhrake wahón꞉hni, kwáh tsi nahó꞉ten ne thóh nónhwe nikaienthakwe, nek khók tsi nahó꞉tensons ne kawistarahke, owistanorons, ne tehiotʼtsinokwahronhte notsinekwar karisthatsis, ó꞉ni ne karisthatsi íken, tsi né iehó꞉thiha tánon Roiá꞉ner tsi rawisthaienthakwah nónhwe iehó꞉nathakweniaien.