Joshua 10:2 - Ohiatonhseratokénti

² Nó꞉nen nonhkweshón꞉as ne Jerusalem wahatirihwà꞉ronke ne Gibeonró꞉nons tsi skén꞉non ronónhni ne Israerʼró꞉nons, kwáh í꞉ken tsi wahonateronhiénhten. Tiorì꞉wa ne Gibeon tsi sénha ne kanatowá꞉nen tsi ní꞉ioht ne Ai, tánon kwáh é꞉tho nikanatowá꞉nen tsi ki ní꞉ioht ne oiásons ne kanatowá꞉nens né꞉ne rotkoráston ne ronhnonhtí꞉io. Sénha tsi ní꞉ioht, ne ahonkweʼtashón꞉as ne ronhnónkwe kwáh í꞉ken tsi ronhterihioseraweiénhons.

Joshua 10:2 Iomraidhean Croise

2 Samuel 12:26

Nón꞉wa ne Joab iahaʼtashón꞉teren wahonterí꞉io ne Rabbah, Ammonró꞉nons ne ne raotinatakweni꞉io íken, tánon wahatiénawaste ne kanontiʼiótsera aonatowanénhke.

Proverbs 10:24

Ne tionkweʼtaié꞉ris ratiié꞉nas nahò꞉ten ronhská꞉neks. Nok ne iáh tetionkweʼtaié꞉ris ne enhatiié꞉na nahò꞉ten kwáh aonhá꞉ʼa thatitshá꞉nis.

Deuteronomy 11:25

Kwáh tsikʼnonwéhson nienhénsewe nonhontsá꞉kes, ne Roiá꞉ner sewaNí꞉io ensakahón꞉nien nonhkweshón꞉as naietsitsaʼníseke, kwáh ki tsi nihorahrátston, tánon kwáh iáh ónhka tahatikwé꞉ni ne taietshitáste.

Deuteronomy 2:25

Kén꞉en ienwatáshawen kwáh tsit nonhwéson tsi enkheión꞉nien nonkweʼshón꞉ʼas naiesatsaní꞉sehke. Onhkweʼtakwé꞉kon tsi enhotihiatiʼtshónkwe tsi nenhotiʼterónhne nenieshasenhnà꞉ronhke.’

Deuteronomy 28:10

Ethò꞉ne ki kwáh ohontsakwé꞉kon enhiontkátho né꞉tho Roiá꞉ner tsi í꞉se tsisewahiaʼtarákwen ne rahonkwè꞉ta ahisewá꞉ton, tánon káti enietsitshaʼní꞉sheke.

Hebrews 10:27

Khé꞉kenk, thotʼkhók níkon tiotatenron nahitewahterahráthe katerontierakon ne táh꞉we kahiatórethatshera tánon ne kahtienhowá꞉nen nen iakothonthe tsi nihiakon ronwahshóns ne Rawenni꞉io!

Hebrews 10:31

Kwáh íken tsi ioʼteronkó꞉wa ne ronnhehonwe Rawenni꞉io raotiana aisewahiena!

Joshua 2:24

tánon ethò꞉ne waní꞉ron, “Orihwí꞉io onhkenónhni ne Roiá꞉ner tsi teshonkwá꞉wi kí꞉ken kanakerahserakwé꞉kon. Ratikwé꞉kon ne nón꞉we nonhkweshón꞉as kwáh hionkhitsà꞉nis.”

Joshua 9:24

Tsi wathatirihwaʼserá꞉ko, “Thóh nahakwáiere, shén꞉shion, tiorì꞉wa tsi wahakwarihwà꞉ronke tsi kwáh tósken í꞉ken né꞉tho Roiá꞉ner Saní꞉io tsi rohró꞉ri ne raonhátsera Mahís tsi ohontsakwé꞉kon ahontáhion tánon nashakononhwariaʼkónhnion nonhkweshón꞉as tsi nihatinakeré꞉nions tsi nienhénse. Thóh nahakwáiere tiorì꞉wa tsi kwaʼtsá꞉nis; hionkwatéronskwe tsi nihiatsionhnhiénion.

Joshua 9:3

Ók nonhkweshón꞉as ne Gibeon nón꞉we, Né꞉ne Hivró꞉nons nahatinekwenhsó꞉ten, rotirihwarónhken ne Joshua tsi nishakoierà꞉se ne Jericho ó꞉ni ne Ai,

1 Samuel 27:5

Ehʼthó꞉hʼne ne Táwit wahawénhase ne Achish, “Tó꞉ka waketsénhri nahonkerientí꞉io tsi nateská꞉nere, áhnion kí ionkatenáton énskak ne kahentáke kanatahiéntons, ne káti nahón꞉ton thóh nón꞉we nakiterón꞉tahke; asèken nontiʼéren tsi kwáh ne thóh kiteróntahke ne kanontiʼiótshera aonátahkon skát꞉ne ní꞉se?”