Joshua 10:12 - Ohiatonhseratokénti

¹² Ne tewenhniserá꞉theʼkwe ne Roiá꞉ner sontashaká꞉wen ne ronhnónkwe Israerʼró꞉nons natesenhnié꞉tshera tsi nòkwah ne Amorʼró꞉nons, ne Joshua wahowenhnarà꞉ne ne Roiá꞉ner. Rahothihén꞉ton Nisraerʼró꞉nons wahèn꞉ron, “Entieʼkhené꞉kha karáhkwa, téstann è꞉neken ne Gibeon nón꞉we; Ahsonhtenhné꞉kha karáhkwa, téstann è꞉꞉neken ne Aijalon ahonráhkwakon.”

Joshua 10:12 Iomraidhean Croise

2 Samuel 2:12

Abner ne ne roiénha ne NER, tánon ne raonhatserashón꞉ahs ne Ishbaal ne ne roiénha ne Saul, thóh tahaténhti Mahanaim thóh nón꞉we niahá꞉re Gibeon.

2 Kings 20:10

Ne Hezekiah watharihwasehráko, “Waʼtséʼsen nén꞉ne ne tsi iothasátare noiéri nihiokháhaʼke ohénton niáwe! Tsi ní꞉ioht noiéri nihiokháhake nonàken ahonsáwete.”

2 Kings 20:11

Ne Isaiah iahaterénhnaien rahonhá꞉ke ne Roiá꞉ner, tánon ne Roiá꞉ner warónhnien ne tsi iothasátare oiéri nihiokháhake onàken sá꞉wete; né tsi kanekotháhere né꞉ne Ronnontí꞉iokwe Ahaz ronekóthoʼte

2 Kings 20:9

Ne Isaiah watharihwasehráko, “Ne Roiá꞉ner éntʼhion ne kaieronhnitstákwen nakarihwanírahte tsi kwáh thóh nenhá꞉iere tsi kíʼ nihorahrátston. Nón꞉wa, né kén ahontasheráhko ne tsi iotashá꞉tare tsi kanekotáhere oiéri nihiokháhake ohénton niáhwe khés noiéri nihiokháha: onàken ahonsáwete?”

1 Chronicles 8:13

Né Beriah tánon ne Shema ronón꞉ha nononhtsikowátʼtsions kènhne tsi kawatsirakérons né iehonanáhthaien tsitkanatowanénhke ne Aijalon tánon washakotiʼiatínekenhwe nonhkweʼshónha né nón꞉we nihatinákereʼkwe né kanatowakenhke ne Gath.

2 Chronicles 11:10

Zorah, Aijalon, tánon Hebron.

Job Tánon ne Raoronhiakensera 9:7

ónhka raró꞉ris ne karáhkwa, né tó꞉sa ahontakarakwí꞉nekenhne; ónhka sakoró꞉roks ne tsi iotsistohkwarón꞉nions;

Psalms 148:3

Tehonwanonweráton, ne kará꞉kwah tánon nasonthenhnékha karákwah; tetsisewanonweráton, sewakwékon ne tesewatsistokwátʼtes!

Psalms 19:4

Kíʼ ó꞉ni naotiwénhna ohontsakwékon nitewé꞉tha, ó꞉ni nahotiwenhnaókon iehionhontióktha ne tsi ionwenhtsáte. Né tsi karonhiáte rothosehró꞉te ne kará꞉kwah aoriwáke,

Psalms 74:16

Í꞉se sáhshons ne tsi wénhtate ó꞉ni nasontʼthénhne; í꞉se sakwahtáko ne tsi karákwahre ó꞉ni nasontʼthenné꞉kha karákwah

Isaiah 28:21

Asék ne Roiá꞉ner kwáh thentáhtaʼne tsi ninihoiéren ne tsi ionón꞉te ne Perazim, ne rahón꞉ha kwáh kíʼ enhotenakwahwenrát꞉tsheke tsi nenhiotónhake nahonrákwahkon ne Gibeon; neh nahoióten ne raohioténsera—teiotierón꞉nion ne raoʼioténhsera! Tánon neh naoʼiótenh ne raoioténhsera—ne ne teiakahontsá꞉tes ne raoioténhsera í꞉ken!

Isaiah 38:8

Satkátho, kwáh enkónhni nahontasá꞉taren tsi niahorakwenhenhátie thóh raorakwahkenhenʼióntha ne Ahaz nahonsonkéte oiéri nihiokhá꞉hake.” Sók kí ne karáhkwah sontʼthá꞉te ne karakwahkenhenʼióntha oiéri nihiokhá꞉hake né tsi nienhiorakwénhen.

Isaiah 60:20

Né sará꞉kwah iáh shé꞉kon tsahonsakaráhkwenhne, khés né sará꞉kwah nashotʼthenhnékha nahonterakwáhsehte; asèken né꞉ne Roiá꞉ner tsi nénhwe enkénhake tsi theniaswathéten, tánon né tsi niʼsathenhniseraté꞉nions tsi nisatʼtiónhnion kwáh kí enwatókthen.

Jeremiah 28:1

Ne sahoséhra, ne ne wískʼáhton siwenhníthaʼre ne kaieríhaton sihiosehratátsie nètho Zedekiah sihononhtí꞉io, Hananiah ne roʼníha ne ne Azzur, rotokénse ne ne tsi kanátaien ne Gibeon nónhwe nihanákere, Ononhsatokentiʼkowáhne nónhwe natiakenitháren. Rahotiʼhénton ne rotikháres ó꞉ni nonhkwesónha wahakró꞉ri

Amos 2:9

Tshiehská꞉te kheiahtón꞉ton ne Amorʼró꞉nons ne raotihén꞉ton, tho nihatinenhié꞉sonskwe tsi ní꞉ioht ne onenʼtakwenhténhtshera iorón꞉tote, tánon thóh nihatiʼshátsteʼskwe tsi ní꞉ioht ne karíhton karón꞉ta; wakerihwahtón꞉ton ne raohikshón꞉ʼahs, kwáh waktehrohtshiónkwen ne tsi keríhtonskwe.

Amos 8:9

Ne thóh entewenhniserá꞉teke, rá꞉ton ne Roiá꞉ner Rawenni꞉io, kwáh enhkhónnien nahonterahkwásehte ne éntie nenhkárahke, tánon ne tsi ionhontsá꞉te entiokaráhwe ne tsi niwenhní꞉sehres.

Habakkuk 2:20

Ók kíʼ ne Roiá꞉ner thóh rénhteron ne raononsatokentikówane; Áhnion kíʼ ohontsakwé꞉kon sak tihiontatón꞉ni ne raohénton!

Habakkuk 3:11

Tsi natewatʼtsiró꞉ke ne tehió꞉ka sáwenk kaienkwí꞉res tánon tsi natehiahó꞉ien ne tehiostaratʼte sashí꞉kwahra; ne karáhkwa tánon nasonhthenhné꞉kha karáhkwa watʼkenítane.

Zechariah 2:13

Sak thikénhak, sewakwé꞉kon, ne rahohén꞉ton ne Roiá꞉ner, asè꞉ken thóh nón꞉we nonhthahawehnonhátie ne iotokénhti thonónhsote.

Deuteronomy 17:3

tsi ne konhwatisénhnaiens ó꞉ni tekonwatiriwásniese ne oiáhsons nihioʼokónhas tó꞉ka ó꞉ni ne tsi karáhkware tó꞉ka ó꞉ni nasonhthenʼnékha karáhkwa tó꞉ka ó꞉ni ne tsi iotsistoʼkwahrón꞉nions, oianahatí꞉iere tsi ní꞉ioht tsi rotró꞉ri ne Roiá꞉ner.

Deuteronomy 4:19

Nó꞉nen iensatká꞉tho ne tsi karáhkware tó꞉ka ó꞉ni nashonthenhnékha karáhkwa tó꞉ka ni ó꞉ni ne tsi iotsistoʼkwarónhnions, tó꞉sa iesaʼnikonhrotá꞉ko ne tasaʼtshà꞉kete naseshén꞉naien. Asè꞉ken ne Roiá꞉ner saNí꞉io né꞉ne tesakó꞉wi nakoʼrénhson ne tsi ionwenhtsáte nakonhwatiʼshén꞉naien.

Joshua 10:13

Ne entieʼkhené꞉kha karáhkwa iáh tetsiothorianéron tánon ó꞉ni nashonthenhné꞉kha karáhkwa tsi nió꞉re nonhkweshón꞉a wahonwatisén꞉ni ne tehontatʼtsons. Thóh nón꞉we kí꞉ken nikahiá꞉ton né꞉ne Kaiatonhserákon ne Jashar. Nenhtieʼkhené꞉kha karáhkwa asénhnon ne tsi karonhiá꞉te nón꞉we natká꞉thaʼne tánon iáh tsiatehiotsénhtho nenhniserakwé꞉kon.

Joshua 19:42

Shaalbim, Aijalon, Ithlah,

Joshua 21:24

Aijalon, tánon ne Gathrimmon, í꞉kare ne watenhenrowá꞉nens.

Judges 12:12

Ethòne ónenh warénheie tánon Aijalon nónhwe nihonwahiatháthen né꞉ne Zebulun kanakerasehrákon.

Judges 5:20

Né tsihiotsistón꞉nions ne tsi karonhiáte wakonhtsiátharen tsi waʼterí꞉io; tsi ní꞉ioht tsi watʼkonhtironhí꞉hiake, wahonterí꞉io ne Sisera.

1 Samuel 12:18

Káti ne Samuel iahonáton ne Roiá꞉ner, tánon ne Roiá꞉ner tahaténieʼte ne owèrha tánon nokenhnoréhsera nètho wenhniserá꞉tekwe; tánon onkweʼtakwé꞉kon teiotenonianíton tsi nahonwakwéniensʼte ne Roiá꞉ner ó꞉ni ne Samuel.

1 Samuel 14:31

Ne nó꞉nenh sahonwatisénhni ne Philistines nètho siwenhniserátekwe thóh tonʼtásawen Michmash tsi ní꞉iore ne Aijalon, ne ronterí꞉ios kwáh í꞉ken tsi ronatakenró꞉kwenhni;