Joshua 1:7 - Ohiatonhseratokénti

⁷ Kwáh ne khók ne tashaʼnikonrakonhthaʼkwénhak, ó꞉ni shaʼnikonhranirónhak; tánon orihwí꞉io sónhni tsi kwáh orihwakwé꞉kon enshatewénhnaraʼkwe ne kaianerénhsera né꞉tho akenhátshera Mahís thiá꞉wi. Kwáh tó꞉sa thé꞉nen ne kák tsi ní꞉kon ne iáh karíhwa thasonhnià꞉ne tánon kwáh enshaterihwaʼténtiaʼse ne tsik nón꞉we nienhénse.

Joshua 1:7 Iomraidhean Croise

1 Kings 2:2

“Ónen ónhwe ne kawistáheks nakíheie. Sanikonhranirónhak tánon tashanikonhrakonhthaʼkwénhak,

1 Kings 2:3

tánon thóh nátser tsi nahó꞉ten ne Roiá꞉ner Saní꞉io enhiarihhónhten. Orihwaʼkwékon satewánhnarak ne rahohianerénhseras ó꞉ni ne rahorihwatátʼtseras, tsi nikahiatónhnions ne Mahís rahohianerenserákon, né káti ne kwáh tsikʼnonhwésons niáse tsi ensahianerásthen tsi nenhshá꞉tiere.

2 Kings 22:2

Né Josiah né꞉ne wahaterihwathéntiaʼte tsi nahó꞉ten rawerientiʼiosthákwah ne Roiá꞉ner; né꞉ne wahá꞉sehre tsi thontahotenienténste ne Rosotʼkénʼen Ronnontí꞉iokwe Táwit, iorihwahnirón tsi roʼtewenhnarákwen akwé꞉kon ne Rawenni꞉io raoianerénhseras.

1 Chronicles 22:13

Tó꞉ka ensatewenhnaráhkwe akwé꞉kon ne kaianerénhseras tsi nikáien ne Roiá꞉ner thó꞉wi ne Mahís Nisraeʼró꞉nons raoʼtirihwáke, kwáh kíʼ ensahianerásten. Tashaʼnikonrahkonthakwénhak tánon sanikonhranirón꞉hak, tánon tó꞉sa othènen ahishaterónhkwen.

2 Chronicles 15:7

Ók ní꞉se ónenk kíʼ tsi ensheshástsʼteke tánon tó꞉sa tashanikonhró꞉ko. Né kahioténhsera nenhsahióten tsi kwáh kíʼ tenhiesarihwasehrákwahse.”

2 Chronicles 26:5

Tsi kíʼ nikaríhweskwe ne Zechariah, né rahonkwé꞉ta rorihwihiostóntaʼkwe roʼtenikonhráwisʼkwe, shiʼrónhnekwe, iorihwatókenhne tsi wahohiótenhse ne Roiá꞉ner, tánon ne Rawenni꞉io wahohiatatériste.

Job Tánon ne Raoronhiakensera 1:8

Tánon ne Roiá꞉ner wahawénhase ne Sakoriwaros, “Watsianontónhnionwe ken nakenáhtshera Job? Kwáh onwenhtsakwé꞉kon iáh ónhka teshonwáiere; iáh tewá꞉tonskwe ne othé꞉non ahontahonwá꞉rase tánon tronkweʼtaié꞉rih. Ne nénska rónkwe ne rokweniénstha ne Rawenni꞉io tánon rahtaróntsiens tsi nokwáh ne karihwahetkénhsera.”

Psalms 80:19

Saskwarihwasehrón꞉nien, O Saiá꞉ner Sashaststenhserowanenhkówa; takwahnatónhas ne sanitenhrétsera, tánon kwáh kíʼ enhionkihiatanónsthaʼte.

Proverbs 4:27

Satatiaʼtohtáhrho ne karihwanéren tánon iottakwarihshiónhak tsi sahtén꞉ti. Tóhsa ó꞉ni ne tsoʼkháha ákte nahsahtén꞉ti tsi nón꞉we niiohahí꞉io.

Proverbs 8:20

Tsi tekatekhaháhkhwa né꞉ne tkarihwaié꞉ri; né꞉ʼe wakathahitáhkhe ne aterihwakwarihshionhtsherá꞉kon,

Daniel 10:19

Wahén꞉ron, “Ianorónhkhwa ne Rawenni꞉io, tóhsa kátiʼ thé꞉nen tesatateʼnikonrhá꞉ren tóka ni ó꞉ni aesahterónhkwen.” Ne né shahén꞉ron, ó꞉nen sénha sakeʼshátstenʼne ók waʼkí꞉ron, “Sénhshie, takró꞉ri tsi nahò꞉ten íhsehre ahsí꞉ron. Kwáh í꞉ken tsi sahskonnhaserón꞉ni.”

Numbers 27:23

Kwáh kíʼ tsi nihotenhnáhon ne Roiá꞉ner, ne Mahís ranonhtsíne ne Joshua wathanisnonhsáren tánon wahatróri tsi rahónha thonsahonatʼthákwen.

Deuteronomy 11:8

“Sewatewénhnarak orihwakwé꞉kon tsi nahoʼténhsons wakwahró꞉ri nón꞉wa wenhniserá꞉te. Ethò꞉ne ensewakwé꞉ni ne tahisewaniaʼtarihiáke tánon niahisewatié꞉nawatste nonhóntsa ne ó꞉nen thóhwa iahitionhontsárahne.

Deuteronomy 12:32

“Akwé꞉kon thóh naʼsewáier tsi nakwahró꞉ri; tó꞉sa othé꞉nen iaʼsewáiest tó꞉sa ó꞉ni thé꞉nen tasewatókʼtat.

Deuteronomy 28:14

Ók kwáh tó꞉sa nonhwénton ne iáh thashatewénhnaraʼkwe ne tsík nahonthahiotserá꞉ton, tó꞉ka ó꞉ni nasehshén꞉naien ó꞉ni nasehioʼténhse nó꞉ia nihioʼokón꞉as.

Deuteronomy 29:8

wetewatié꞉nawatste ne rahononhóntsas, tánon wahithihiakhónhase ne tsi ratiʼtaraiéntons ne Reuben ó꞉ni ne Gad, tánon ne satekanenhrí꞉hen ne Manasseh.

Deuteronomy 29:9

Iorihwatokénhak tsi sewatewénhnarak kí꞉ken owenhnaʼshón꞉as ne kí꞉ken ateriwaʼseronhniá꞉tshera, ne káti noriwakwé꞉kon ahisahianerásten tsi nenhshá꞉tiere.

Deuteronomy 31:7

Ethò꞉ne ne Mahís iahonónhke ne Joshua tánon wahoró꞉ri rahotihénton nonhkweshón꞉a ne Isaerʼró꞉nonke, “Iasenikonhrakónhtat tánon saʼnikonhranirónhak; í꞉se kók enhshehéntenhse kí꞉ken onhkweshón꞉a niahontié꞉nawatste ne tiohontsá꞉ien né꞉tho Roiá꞉ner shakorahratstén꞉ni ne shakotisoʼthonkonhkén꞉en.

Deuteronomy 4:2

Tó꞉sa othé꞉nen iaʼsewáiest tsi nahoʼténsonhs kwaroriánions, tánon tó꞉sa othé꞉nen tatsónhnek. Sewatewénhnarat ne Roiá꞉ner raowenhnaʼsónhas ne sewaNí꞉io né꞉tho tkwá꞉wi.

Deuteronomy 5:32

“Israerʼró꞉nons, kwáh orihwí꞉io kénhak tsi akwé꞉kon thóh nenhsewá꞉iere tsi niháwen ne Roiá꞉ner sewaNí꞉io tsiʼnítsi sewahró꞉ri. Tó꞉sa othé꞉nen sewatewenhnónti ne raoianerénhseras.

Joshua 1:1

Nó꞉nen sihawenhé꞉ion ne Roiá꞉ner raonátshera Mahís, ne Roiá꞉ner wahotháhraʼse ne Mahís roié꞉nawaʼse, Joshua iaiénha ne Nun.

Joshua 1:8

Iorihwiióhak né꞉tho kahiatónhsera ne kaianerénhsera tsi tió꞉konte enwatewenhnanót꞉thake nenhshaterén꞉naien. Shatéweiest tsi niwenhniseréhsons ó꞉ni noʼkarasnéha, tánon orihwí꞉io sónhni tsi enshatewénhnaraʼkwe akwé꞉kon tsi nikahiatónhnion. Ethò꞉ne ki kwáh enshahianerásten tánon enshaterihwaténtiaʼse.

Joshua 1:9

Iáh kén tekonhnáʼon níse? Naʼseshástsʼteke tanon naʼesanikonrashsátsʼteke; tósa sateronhnísek, khéhs nasanikonrókʼten, asèken ne Roiá꞉ner sani:io tsi ensenikwekónhake ne kwaʼtsikʼnónwe nienhénse.”

Joshua 11:15

Ne Roiá꞉ner thotká꞉wen ne rahoriwataʼtsheras raonhà꞉ke ne raonhátshera Mahís, Ne Mahís Joshua nénhne teʼthó꞉wi, tánon ne Joshua wahatewénhnaraʼkwe. Kwáh akwé꞉kon é꞉tho naháiere tsi nihorihónte ne Roiá꞉ner ne Mahís.

Joshua 23:6

Káti sewathateʼnikónhrarak sewatewénhnarak tánon orihwakwé꞉kon thóh naʼsewáier tsi nikaiáton ne kahiatonhserá꞉kon ne Mahís rahoianerénhsera. Tó꞉sa othé꞉nen sewakénron ne thé꞉nnen akénhake,