Joshua 1:6 - Ohiatonhseratokénti

⁶ Thashaʼnikonhrakontaʼkwénhak tánon shaʼnikonhranirónhak, asè꞉ken í꞉se enshehéntenhse kí꞉ken onhkweshón꞉as tsi ienhontiaʼtakwehní꞉ioste kí꞉ken ohóntsa ne kehiararatstén꞉ni ne shakotisoʼthonkonhkén꞉en.

Joshua 1:6 Iomraidhean Croise

Genesis 12:7

Ethó꞉ne ne Roiá꞉ner wahototáhshien ne Abram tánon wahén꞉ron, “Tsi nienhsathwatsí꞉rine, né kí ne kanakeráhsera kheiawí꞉re.” Sók kíʼ thóh nón꞉we nahaónnien ne ietsenhahráhkwa ne Roiá꞉ner, ne ne rototahshién꞉ni.

Genesis 26:3

Nikarihwésha kén꞉ʼen tsi ionhwentsá꞉ien tsiʼ terón꞉tak, entenikwekónhake ó꞉ni enkoniaʼtaté꞉rihste; ní꞉se tánon tsi nienhsathwatsí꞉rine kwáh énttion akwé꞉kon kí꞉ken ionhwentsá꞉ienʼs, kwáh kíʼ énkenahne tsi niwakerihwahnirá꞉ton tsi nihihrharatstén꞉ni ne Abraham iaʼníha.

2 Samuel 10:12

Sesháststet, tánon áhnion ionkenihnikonrhatsanitónhak ne raotiriwá꞉ke akénhake nontionkwetaʼshón꞉ahs, tánon ne raotirihwá꞉ke akénhake ne raonatowanenhshón꞉ahs nònkwah Ní꞉io; tánon aiáwenhs ne Roiá꞉ner thóh nahá꞉iere tsi nahó꞉ten akénhake ioiá꞉ner ne raoriwá꞉ke.”

1 Kings 2:2

“Ónen ónhwe ne kawistáheks nakíheie. Sanikonhranirónhak tánon tashanikonhrakonhthaʼkwénhak,

1 Chronicles 22:13

Tó꞉ka ensatewenhnaráhkwe akwé꞉kon ne kaianerénhseras tsi nikáien ne Roiá꞉ner thó꞉wi ne Mahís Nisraeʼró꞉nons raoʼtirihwáke, kwáh kíʼ ensahianerásten. Tashaʼnikonrahkonthakwénhak tánon sanikonhranirón꞉hak, tánon tó꞉sa othènen ahishaterónhkwen.

1 Chronicles 28:10

Ónenk tsi ensanikonhraiéntaʼne nètho Roiá꞉ner tsi í꞉se iahiatarákwen natienonsónhnien ne Raoʼnonsatokentiʼkówa. Ó꞉nen kíʼ thóh nátier—tánon thaʼsanikonhrakonhtakwénhak.”

1 Chronicles 28:20

Né Ronnonhtí꞉io Táwit wahawénhase ne roiénha Solomon, “Tashetakwénhak tánon tashanikonhrahkonhtaʼkwénhak. Tashatásawenh ne kahioténhsera tánon tó꞉sa othènen teshá꞉taste. Né Roiá꞉ner Rawenni꞉io, tsi nikáien ne rihiótenhse, kwáh ensenikweʼkónhake. Kwáh iáh thahiatewénhtheʼte, ók ensheʼnikwekónhake tsi niʼió꞉re ienshienthoserénhtaʼne né kénʼen Ononsatokentiʼkó꞉wa.

2 Chronicles 15:7

Ók ní꞉se ónenk kíʼ tsi ensheshástsʼteke tánon tó꞉sa tashanikonhró꞉ko. Né kahioténhsera nenhsahióten tsi kwáh kíʼ tenhiesarihwasehrákwahse.”

2 Chronicles 20:11

Kén kíʼ ní꞉ioht tsi sahionkhikáriakse—tahónhne nahonsahionkhihiatínekenhwe ne tsi ionhontsáien ne taʼkwáh꞉wi.

2 Chronicles 20:7

Í꞉se nonhkwahní꞉io í꞉ken. Nó꞉nen ne shonkweʼtashón꞉as Nisraeʼró꞉nons kénʼen nonhtahón꞉ne kíʼ ionhontsáien, washehiatínekenhkwe nonhkweʼshón꞉as ne kén ratinákereʼkwe tánon né thontaʼshé꞉hion nohóntsa tsi nithonatwatsirínon né Abraham, tiatenhróʼkenʼne, né nahonahwenhkhónhweʼke tsi nénhwe enhkénhake.

Psalms 27:14

Tatiethakwénhak ne Roiá꞉ner; sehsháststet, tánon sehríhon ne seriáne nahionikonraníronhke; tatiethakwénhak ká꞉ti ne Roiá꞉ner!

Daniel 10:19

Wahén꞉ron, “Ianorónhkhwa ne Rawenni꞉io, tóhsa kátiʼ thé꞉nen tesatateʼnikonrhá꞉ren tóka ni ó꞉ni aesahterónhkwen.” Ne né shahén꞉ron, ó꞉nen sénha sakeʼshátstenʼne ók waʼkí꞉ron, “Sénhshie, takró꞉ri tsi nahò꞉ten íhsehre ahsí꞉ron. Kwáh í꞉ken tsi sahskonnhaserón꞉ni.”

Haggai 2:4

Nek kík sá꞉ka saʼnikonranirón꞉hak, Zerubbabel, rá꞉ton ne Roiá꞉ner; saʼnikonranirón꞉hak, Joshua, né Jehozadak, né꞉ne kwáh è꞉neken tókte ratsihénstatsi. Sewaʼnikonhranirón꞉hak, sewakwé꞉kon ne tionhontsakeró꞉nons, asè꞉ken skát꞉ne í꞉tewes ní꞉se, rá꞉ton ne Sakoiá꞉ner ne ratironhiakeró꞉nons.

Zechariah 8:9

“Sewaʼnikonhrahnirónhhak! Ó꞉nenh kwáh ne sahowén꞉nas sewahrónhkas ne rotitokenséhake ronahthatí꞉hon né꞉tho shikahá꞉wi shathatitstenróh꞉ten nahkonwenhskwáhren nahkenonhshatotentikó꞉wah.

Numbers 26:53

“Tetsinárit nonhóntsas tsi natehónteres nonhkweshón꞉ʼas, né tewanónhton tsi niháti.

Numbers 33:53

Sewatiénawast nonhóntsa tánon thóh nónhwe nasewatenatónhni, tsioríhwa tsi í꞉se tkwawíre.

1 Corinthians 16:13

Sewahtatennikonráhren, sewahriwahnirónhak tsi nónwah ne tewetákwen, sewahnikonrahtianitónhak, sewahshát꞉tet.

Ephesians 6:10

Iakáhewe, sewatesatsʼtenserónni tsi tesewateriwasóntere ne Roiá꞉ner tánon tsi nikéntons tsi nihosastenserowánen.

Deuteronomy 1:8

Akwé꞉kon ne kí꞉ken nohóntsa ne Í꞉i, ne Watiá꞉ner, wakarahrátston tsi entekhéion ne sewasótsheras, Abraham, Isaac, tánon ne Jacob, tánon tsi nienhontwatsirì꞉ne. Wás tánon iaʼsewaná꞉taien.’”

Deuteronomy 11:8

“Sewatewénhnarak orihwakwé꞉kon tsi nahoʼténhsons wakwahró꞉ri nón꞉wa wenhniserá꞉te. Ethò꞉ne ensewakwé꞉ni ne tahisewaniaʼtarihiáke tánon niahisewatié꞉nawatste nonhóntsa ne ó꞉nen thóhwa iahitionhontsárahne.

Deuteronomy 31:23

Ethò꞉ne ne Roiá꞉ner wahotháhraʼse ne Joshua ne roiénha ne Nun tánon wahohró꞉ri, “Shaʼnikonhranirónhak tánon thashaʼnikonhrakontaʼkwénhak. Enhshehéntenhse nonhkweshón꞉a ne Israerʼró꞉nonhke niasehiaʼténhawe ne tsi tsohontsá꞉ien né꞉tho khehiararatstén꞉ni, tánon entenikwekónhake.”

2 Timothy 2:1

Onk níse, koniénha, sesátsʼtek thoʼnónwe ne kenténron neh tsi I꞉i onhkwáwenk tsi tehionkwaterihwasóntere ne Kerístos Ié꞉sos.

Joshua 1:18

Ónhka ki akénhake naieriʼwí꞉shake ne shashatsténhsera tó꞉ka ó꞉ni iáh thahionhtewenhnaraʼkwáne kák tsi ní꞉kon ne shatenhnáhon kwáh ki enhionhthatenonhwarià꞉kon. Tashaʼnikonhrakontaʼkwénhak tánon shaʼnikonhranirónhak!”

Joshua 1:7

Kwáh ne khók ne tashaʼnikonrakonhthaʼkwénhak, ó꞉ni shaʼnikonhranirónhak; tánon orihwí꞉io sónhni tsi kwáh orihwakwé꞉kon enshatewénhnaraʼkwe ne kaianerénhsera né꞉tho akenhátshera Mahís thiá꞉wi. Kwáh tó꞉sa thé꞉nen ne kák tsi ní꞉kon ne iáh karíhwa thasonhnià꞉ne tánon kwáh enshaterihwaʼténtiaʼse ne tsik nón꞉we nienhénse.

Joshua 1:9

Iáh kén tekonhnáʼon níse? Naʼseshástsʼteke tanon naʼesanikonrashsátsʼteke; tósa sateronhnísek, khéhs nasanikonrókʼten, asèken ne Roiá꞉ner sani:io tsi ensenikwekónhake ne kwaʼtsikʼnónwe nienhénse.”

Joshua 10:25

Ethò꞉ne ne Joshua washakawénhase ne rahonkweʼtashón꞉as ne ronaterihóntons, “Tó꞉sa sewaʼtshà꞉nik tó꞉ka ó꞉ni nahontesewaʼnikónrenhne. Tasewaʼnikonhrakonhthaʼkwénhak ó꞉ni sewaʼnikonhranirónhak tiorì꞉wa tsi thóh kí꞉ken nenshakoié꞉raʼse ne Roiá꞉ner ratikwé꞉kon ne tesewataʼtsons.”

Joshua 13:6

Thóh í꞉kare kí꞉ken ne rahononhontsà꞉kes ne Sidonró꞉nons, thóh nonh nihatinákere ne tsi ionhniarónhnions kanakerahseraké꞉rons tsi naʼtetiátere ne Lebanon Ionhnontharónhnions tánon ne Misrephoth Maim. Kwáh ratikwé꞉kon kí꞉ken onhkweshón꞉ʼas enkhehiaʼtínekenhwe tsi nienhónhne Nisraerʼró꞉nons. Kwáh ó꞉nenk tsi thenshenahrí꞉ten nonhontsaʼshón꞉as Nisraerʼró꞉nons, kwáh ki tsi nikonhró꞉ri tsi náshiere.

Joshua 18:3

Sók ki ne Joshua washakawénhase nonhkweshón꞉as ne Israerʼró꞉nonhke, “Tonikarí꞉wes ensewateráhrate nohén꞉ton iaísehwe tánon sewatié꞉nawats nonhóntsas nètho Roiá꞉ner ne Sakoní꞉io ne ietsisothonkonhkén꞉en tetsisehwá꞉wi?

Joshua 21:43

Káti ne Roiá꞉ner thashaká꞉wen Nisraerʼró꞉nons akwé꞉kon nohóntsas ne kwáh rorihwanirá꞉ton tsi shakorahratstén꞉ni ne sakotisoʼthonkonhkén꞉en tsi enteshaká꞉wen. Ne nó꞉nen shihonatiaʼthakwehniióstons, thóh nón꞉we nahontená꞉taien.

1 Samuel 4:9

Sewanikonranirón꞉hak, tánon rón꞉kwe kénhak, Ó Philistines, sewatatʼkwatáko ne tó꞉sa aietsinaskónhni ne Hebrews kwáh tsi niiót ní꞉i tsi ietinaskónhnisʼkwe; rón꞉kwe kénhak tánon sewaterí꞉io.”