Joshua 1:5 - Ohiatonhseratokénti

⁵ Joshua, iáh ónhka thaiekwé꞉ni naieshashén꞉ni kwáh tsi nikarì꞉wes ensónhnheke. Kwáh Í꞉i enteʼnikwekónhake tsi ki nihiothónhne ne Mahís. Kwáh tió꞉konte tsi enteʼnikonhkwéhake; Kwáh iáh nonhwénton takonhiatewenhthè꞉te.

Joshua 1:5 Iomraidhean Croise

Genesis 39:2

Ne Roiá꞉ner nikwekón꞉ne ne Só꞉se, ne kíʼ waʼkarihón꞉ni kwáh í꞉ken tsi wahoianeráhsten; thóh renʼterón꞉tahkwe raonónhskon ne Egyptró꞉non né roioʼtenhséhahkwe.

1 Kings 1:37

Tsi kíʼ ní꞉ioht ne Roiá꞉ner tsi sehnikweʼkónhne Sanonhtí꞉io, aiáwens kíʼ nònhne ne Solomon anikwekónhake tánon né arónhniaʼthe ne rahononhtiʼiótsera sénha ahiokwásthonhke tsi niʼiohthónhne ní꞉se.”

1 Kings 11:38

Tó꞉ka kwáh toʼkénʼen enskewénhnaraʼkwe, tánon tsi enshón꞉nheke né énhtsere natsanerénhseras, tánon né enserienhtí꞉iosʼthe tsi thóh nénhshiere tsi niwakerihwatháton, tsi né niʼiohthónhne nakenhátsera Táwit, kwáh kíʼ tiókonhte tsi entenikweʼkónhake. Kwáh í꞉se enkonhnonhtí꞉iosʼte Nisraerʼró꞉nonhke tánon kwáh orihwí꞉io enkónhni tsi nienhsatwatsírihne né thenhtsesanakthákwen, kwáh kíʼ tsi nihihiatiéraʼse ne Táwit.

1 Kings 6:13

Thóh skátʼke enhiakwenhterónhtake nakonhkwetashón꞉as kénʼen kíʼ Ononhsatokentiʼkówaʼne né sanonhshón꞉nihatie, tánon iáh ki nonhwénhton takehiatewénhtheʼte.”

1 Kings 8:57

Aiáwens ne Roiá꞉ner Onhkwah Ní꞉io ahitewakwekónhake tsi kíʼ nihatikwékonhne ne ietisotʼthonkonhkénʼen; aiáwens tó꞉sa nonhwénhton ashonkwatewénhtheʼte khés nasonhkwahtsakwahríhsi;

1 Chronicles 28:20

Né Ronnonhtí꞉io Táwit wahawénhase ne roiénha Solomon, “Tashetakwénhak tánon tashanikonhrahkonhtaʼkwénhak. Tashatásawenh ne kahioténhsera tánon tó꞉sa othènen teshá꞉taste. Né Roiá꞉ner Rawenni꞉io, tsi nikáien ne rihiótenhse, kwáh ensenikweʼkónhake. Kwáh iáh thahiatewénhtheʼte, ók ensheʼnikwekónhake tsi niʼió꞉re ienshienthoserénhtaʼne né kénʼen Ononsatokentiʼkó꞉wa.

Psalms 46:11

Ne Roiá꞉ner Roshaststenhserowánen tewakwékonse; ne Raoní꞉io ne Jacob né nonkwatenhénra í꞉ken. Selah

Exodus 3:12

Ne Rawenni꞉io wahthaʼriwahseràko, “Í꞉i enthenikweʼkónhake, tánon nónenh tenhtesehiaʼtínekenʼwe nonhkweshón꞉ʼa ne Egypt nónhwe, kwáh kènʼen tsi ionónhte ensekʼsénhnaien. Né enkariwahnírahte tsi iekonhiaʼteniéthonʼne.”

Isaiah 42:16

Kwáh enkhehéntenhse ne teieronhwèkon né tsi iohatátie ne iáh tehatihaientéri nakohianaken ioháte ne iah tehatiʼientérihkwe Kwáh í꞉i enkeiatenhnikonráren. Kwáh tentʼkaraténi ne tetsiókaras thóh rahotihénton tahioswát꞉thene, ne watenatáʼshens nahontonhontsakwahrísi. Né kí꞉ken nahorihoténshons tsi thóh nénhtiere, tánon iáh takheiatewénhtethe.

Jeremiah 1:8

Tó꞉sa setʼtsaníhsek, asèken entenikwekónhake nahontáhkonhke, Í꞉i, ne Watiá꞉ner wahkahtáti!”

Daniel 11:16

Ne Syrian ronnontí꞉io ne ranenhréntha eʼtho nenshakoié꞉raʼse kwáh tsi nenthanón꞉weʼne, kwáh iáh ónhka thahonwaióʼtatshe. Eʼtho nón꞉we nenhatená꞉taien tsi nón꞉we ne kwáh tiohontsáhskats tsi ne ronwanarharatstén꞉ni, tánon kwáh iaʼtehaiá꞉ti ó꞉ni tsi enhaiaʼtakwení꞉ioke raoʼshatstenhserà꞉kon nón꞉we neniotaténronke.

Matthew 28:20

Ietsirihonnien naieriȣanoronkȣake, aionteȣeienton oni tsinikon Kȣarihonte, nok tiotkon enteȣakȣekonhatie tsiniiore ienȣatonȣentsiokton. Amen!

Romans 8:31

Tsi akwékon kíʼ neh tewanontónʼnions, onh nahóten aihtewahkwéni aihtewénron? Tóhkaʼ neh Rawenni꞉io tewakwékon, ónhka káti aiekwéni nahionkihiatʼkónten.

Romans 8:37

Iáh, kíʼ noriwakwékons kwáh ionkwáien natesenniéntsera rahonháke tsi nikáien neh shonkwanorónkwahon!

Deuteronomy 20:1

“Nó꞉nen enshaterihiósera tsi nokwáh ne tetsatà꞉tsons tánon ensatkátho ne otsónhkwas ó꞉ni ne koshá꞉tens tánon ne ronterí꞉ios ne ieshentioʼkwakén꞉nion, tó꞉sa shetshà꞉nik. Ne Roiá꞉ner saNí꞉io, tsi raónha shaniakénton ne Egypt nón꞉we, kwáh ensenikwekónhake.

Deuteronomy 20:4

Ne Roiá꞉ner sewaNí꞉io raónha wésewe, tánon entetsítson nateʼsenhniétshera.’

Deuteronomy 31:23

Ethò꞉ne ne Roiá꞉ner wahotháhraʼse ne Joshua ne roiénha ne Nun tánon wahohró꞉ri, “Shaʼnikonhranirónhak tánon thashaʼnikonhrakontaʼkwénhak. Enhshehéntenhse nonhkweshón꞉a ne Israerʼró꞉nonhke niasehiaʼténhawe ne tsi tsohontsá꞉ien né꞉tho khehiararatstén꞉ni, tánon entenikwekónhake.”

Deuteronomy 4:31

Kwáh í꞉ken tsi rotaʼnitenrátskon Ní꞉io. Iáh thatsisewatiaʼtontakwáhse iáh ó꞉ni thatsisewanonhwarià꞉kon, iáh ó꞉ni tahoʼnikónhren nateriwaʼseronhniá꞉tshera ne shakosenhèn꞉ni ne sewasoʼtsheraokonhkén꞉en.

Deuteronomy 7:24

Ne rahotinontihió꞉tsheras sewashatstenhserá꞉kon nónhwe nenshakótkaʼwe. Akwáh í꞉se enieʼtsinonhwarià꞉kon, tánon kwáh enhonwatihiataʼnikónhren. Iáh ónhka tahiekwé꞉ni ne taietsí꞉taste; akwáh ratikwé꞉kon tsi enieʼtsinonhwarià꞉kon.

2 Timothy 4:17

Nók ne Roiá꞉ner wahakarískothe ó꞉ni tahákon ne kasatsʼténsera, neh natkwéni akerihówahnahthe nakananónhake nateriwahnothátsera ratikwékon ne iáh tehatisitaerónons nahónronke; tánon sakeniákenʼne nahionkeriwénton nahonkihéion.

Hebrews 13:5

Tóhsa sewahwistanorónkwak, nók sewaktsennonníhak tsi nahoténson sewáhien. Asèken ráwen ne Ní꞉io, “Iáh nonwénton tiakonhiatewénhtethe; iáh nonwénhton tiakonhiáʼkaweh.”

Joshua 1:17

Kwáh enkwahwénhnaraʼkwe, kwáh ki tsi nishakwahwenhnaráhkwakwe ne Mahís, tánon aiá꞉wens ne Roiá꞉ner Onhkwaní꞉io ahiseʼnikwekónhake tsi ki ne nihioʼthónhne ne Mahís!

Joshua 1:9

Iáh kén tekonhnáʼon níse? Naʼseshástsʼteke tanon naʼesanikonrashsátsʼteke; tósa sateronhnísek, khéhs nasanikonrókʼten, asèken ne Roiá꞉ner sani:io tsi ensenikwekónhake ne kwaʼtsikʼnónwe nienhénse.”

Joshua 10:8

Ne Roiá꞉ner wahoró꞉ri ne Joshua, “Tó꞉sa seʼtshá꞉nik. Ó꞉nenk thonká꞉wi natesenhniétshera. Iáh ne sahiáta tahakwé꞉ni nahonthahiatiaʼtónti.”

Joshua 21:44

Ne Roiá꞉ner thashaká꞉wen ne skén꞉non kwáh tsi niwatenáskwa ne tsi ionhontsá꞉ien, kwáh ki tsi nishakorahratstén꞉ni ne shakotisoʼthonkonhkén꞉en. Iáh ne shahiátha ne tehontaʼtsons tehothikwénion nahonthahonwanatiaʼthóntion, tiorì꞉wa ne Roiá꞉ner tsi thashakáwe Nisraerʼró꞉nons natesenhnié꞉tsheras tsi nòkwah ne tehontaʼtsons.

Joshua 3:7

Ne Roiá꞉ner wahawénhase ne Joshua, “Tsi nenhtiére nón꞉wa wenhniserá꞉te ratikwé꞉kon nonhkweshón꞉as ne Israerʼró꞉nonhke enieshakwénienste tsi nitisaʼtshénhnathe, tánon enhonktó꞉ke tsi tenikwé꞉kon kwáh ki tsi nihiotónhne ne Mahís.

Joshua 6:27

Káti ne Roiá꞉ner nikwekonhaties ne Joshua, tánon tsi nironhkwetó꞉wahnen kwáh watewaterihwareni tsi nikanakerahsera.

Judges 2:18

Kát꞉ke ne Roiá꞉ner nashakahonkwéton nʼIsraerʼró꞉nons nahonwatihéntenhse, ne Roiá꞉ner enhosniénon nètho shakohéntenhse tánon enshakonónsthate nonhkweshón꞉as tsi nòkwah ne tehontátʼtsons kwáh kíʼ tsi nikaríhwes enhrónhnheke nètho shakohéntenhse. Né Roiá꞉ner kwáh ensakoténhre tsioríhwa tsi nihononhsèhna ne rahothironhiakensehrákon ó꞉ni tsi nihotiwísens.

Judges 6:16

Ne Roiá꞉ner watharihwasehráko, “Enskwéni tsioríhwa tsi Í꞉i enkonsniénon. Kwáh teseskwáhsehron ne Midiarró꞉nons thóh nenhwatsesénhake tsi shí꞉ken ní꞉ioht ne sahiáta khók akénhake.”

1 Samuel 10:7

Nón꞉wa nó꞉nen kí꞉ken waʼtenientensʼtánions ensatʼkathóseron, thóh nátier tsi nisatʼkáthos ne tkaʼriwaié꞉ri, asèken Ní꞉io ní꞉se senikwé꞉kon.