Joshua 1:2 - Ohiatonhseratokénti

² Wahèn꞉ron, “Akhenhá꞉tsera Mahís rawenhé꞉ion. Ó꞉nen ki shathateweienénhtan, í꞉se tánon onkweʼtakwé꞉kon ne Israerʼró꞉nonke, tánon ietesewahiáiak ne Jordan Kaniataratátie tsi tiohontsá꞉ien niahá꞉sewe né꞉tho tkwawì꞉re.

Joshua 1:2 Iomraidhean Croise

Genesis 17:8

Tánon kwáh Entkón꞉ion, tánon tsi niensathwatsí꞉rine ó꞉ni nó꞉nen ensenhé꞉ionke, tsi nón꞉wa nón꞉we thisonhontsá꞉te í꞉ken, aontonhontsà꞉ke ne Canaan, né꞉ne tsi nén꞉we ensawenkhón꞉weke; tánon Í꞉i ne Raotiní꞉io enkénhake.”

Nehemiah 9:23

Ne washehionhniá꞉te ne raotinekenteronhtsherashón꞉as Toh nahonatiókwasʼke tsi iotsistohkwarónhnions ne tsi karonhiá꞉te, tánon ní꞉se thóh niashehiaténhawe tsi tiohontsá꞉ien tsi niká꞉ien ne sheró꞉ri ne shakotinihó꞉kons tehiotonhontsó꞉hon thóh niahón꞉ne tánon ronhtié꞉nawast né꞉tho.

Job Tánon ne Raoronhiakensera 1:8

Tánon ne Roiá꞉ner wahawénhase ne Sakoriwaros, “Watsianontónhnionwe ken nakenáhtshera Job? Kwáh onwenhtsakwé꞉kon iáh ónhka teshonwáiere; iáh tewá꞉tonskwe ne othé꞉non ahontahonwá꞉rase tánon tronkweʼtaié꞉rih. Ne nénska rónkwe ne rokweniénstha ne Rawenni꞉io tánon rahtaróntsiens tsi nokwáh ne karihwahetkénhsera.”

Isaiah 42:1

Kénʼen í꞉res nakenhá꞉tsera, rahónha thiʼiatsʼwanónhne, í꞉i rihiaʼtarákwen, rahonháke nakwatón꞉nhets iawerientiʼióstha; wá꞉tsien nakenikonratokentítshera rahonháke; kwáh enthesakohawíthen ne kariwakwahrishióntshera niaʼkawenhtsakeró꞉nons

Numbers 12:7

Iáh né ètho tetiéra tsi nó꞉kwah nakenátshera Mahís; rahónʼa riʼríhonte nashaʼkotenhnikónhraren nakonhkwetaʼshón꞉ʼas NʼIsraerʼró꞉nons.

Deuteronomy 3:28

Tserihónten ne Joshua. Seshatsʼtén꞉seron ne rahohiatoreʼtátshera, asè꞉ken enshakohéntenhse nonhkweshón꞉ʼa niatahatihiá꞉iake niahontié꞉nawatste nonhóntsa ne satkáthos.’

Deuteronomy 31:7

Ethò꞉ne ne Mahís iahonónhke ne Joshua tánon wahoró꞉ri rahotihénton nonhkweshón꞉a ne Isaerʼró꞉nonke, “Iasenikonhrakónhtat tánon saʼnikonhranirónhak; í꞉se kók enhshehéntenhse kí꞉ken onhkweshón꞉a niahontié꞉nawatste ne tiohontsá꞉ien né꞉tho Roiá꞉ner shakorahratstén꞉ni ne shakotisoʼthonkonhkén꞉en.

Deuteronomy 34:5

Sók ki ne Mahís, ne Roiá꞉ner rahoná꞉tshera, warenhé꞉ie tsi wathonwenhtsá꞉ien ne Moab, kwáh ki tsi niháwenh ne Roiá꞉ner tsi thóh nenhoiatháwen.

Joshua 1:1

Nó꞉nen sihawenhé꞉ion ne Roiá꞉ner raonátshera Mahís, ne Roiá꞉ner wahotháhraʼse ne Mahís roié꞉nawaʼse, Joshua iaiénha ne Nun.

Joshua 1:11

toniehónhne tsi ronataʼtoseró꞉tons tánon nashakotiró꞉ri nonhkweshón꞉as, “Sewaweienénhtan ne kákhwas, asè꞉ken shé꞉kon asenhnónhta nió꞉re ó꞉nen iaʼtesewahiáiake ne Jordan Kaniataratátie niahisewathatiaʼtakwhní꞉ioste ne ohóntsa né꞉tho Roiá꞉ner Sewaní꞉io thetsisewawì꞉re.”