Joshua 1:16 - Ohiatonhseratokénti

¹⁶ Wathonwariwaʼsehrákwahse ne Joshua, “Kwáh orihwakwé꞉kon thóh nenhiakwáhiere tsi naskwahró꞉ri tánon kwáh ienhiákwe ne tsi nón꞉we ienskwahtó꞉ri.

Joshua 1:16 Iomraidhean Croise

Ezra 10:4

Í꞉se saterihwaién꞉ni nashoténsthe. Entkwahtwasnónhna, káti wás thóh náhtser.”

Numbers 32:25

Ne ronhnónhkwe ne Gad tánon ne Reuben wahonhníron, “Shénshion, thóh kíʼ nenhiakwáhiere tsi kíʼ nishaʼrihwíson.

Numbers 32:31

Ne ronhnónhkwe ne Gad tánon ne Reuben nónhwe waʼthatirihwasehráko, “Sénshion, thóh kíʼ nenhiakwáhiere tsi kíʼ nihorihwatáton ne Roiá꞉ner.

Deuteronomy 34:9

Joshua né꞉ne Nun roiénha kwáh rahiathanáhnon ne aʼthokhátshera, tiorì꞉wa ne Mahís raónha rohiatharákwenh ne tahonsahonaʼthákwen. Nonhkweshón꞉as nʼIsraerʼronónke wahonwawénhnaraʼkwe ne Joshua tánon wahonteweiénte ne karihwatà꞉tshera ne Roiá꞉ner theshakó꞉wi rahonhà꞉ke ne Mahís.

Deuteronomy 5:27

Wás thóh nionhshá꞉se, Mahís, tánon shatahónsatat orihwakwé꞉kon né꞉tho Roiá꞉ner Onhkwaní꞉io rathónhnions. Ethò꞉ne tontáhse tánon saskwaró꞉ri tsi nahó꞉ten wahiaró꞉ri. Kwáh eniakwatahónshatate tánon enhiakwatewénhnaraʼkwe.’

Titus 3:1

Sehiehiaráhkwen ne sonkwetaʼsónha nahonwatiwénnarahkwe ne ratikoráhsons ó꞉ni ne rahonnonkwetaʼsónhas, nahonwatiwénnarahkwe, tánon nahonathateweiennentáʼon kwák tsi nahontahiotseráhton ne ahothiʼióten ne ioiánereh.

Joshua 1:15

tsi nió꞉re nenhatihiathakweʼní꞉ioke nonhóntsa ne tsi iaʼtewatshénhtos nokwá꞉ti ne Jordan né꞉tho Roiá꞉ner Onhkwaní꞉io teshakowì꞉re. Nó꞉nen enteshakó꞉wike ratikwé꞉kon ne rahothitióhkwas ne Israerró꞉nonhke, ethò꞉ne enwá꞉ton thenthí꞉shewe tánon kén꞉en nón꞉we nashewatená꞉taien ní꞉se sonhontsà꞉ke né꞉ne tsitʼkarahkwí꞉nekens nokwá꞉ti ne Jordan, tsi niká꞉ien ne Mahís, ne Roiá꞉ner rahonkwè꞉tha, thetsisehwá꞉wi.”

Joshua 1:17

Kwáh enkwahwénhnaraʼkwe, kwáh ki tsi nishakwahwenhnaráhkwakwe ne Mahís, tánon aiá꞉wens ne Roiá꞉ner Onhkwaní꞉io ahiseʼnikwekónhake tsi ki ne nihioʼthónhne ne Mahís!