Joel 3:2 - Ohiatonhseratokénti

² kwáh enkhehiaʼtaró꞉rohke ratikwé꞉kon ne niateiakahontsiákes tánon ienkhehiaʼténhawe nahonráhkwakon Jehoshaphat, tánon thóh nón꞉we naʼthenkhehiatórete, tsi ronónha nakonkweʼtashón꞉as í꞉ken nʼIsraerʼró꞉nons, tiorì꞉wa tsi nateshakonareniáton tsi ratinákeres nonkweshón꞉as. Tehotihiakhónhnion nakonhóntsa,

Joel 3:2 Iomraidhean Croise

2 Chronicles 20:26

Né kaieríhaton shiʼwenhniserakéhaton wahontsataróhroʼke né꞉ne Beracah Ahonráhkwahkon nón꞉we tánon wathonwanonweráhton ne Roiá꞉ner norihwakwé꞉kon tsi naháiere. Né kíʼ aoríhwa nahonráhkwahkon né konwanatónhkwah “Beracah.” Kí꞉ken kasénhna né Hebrew né꞉ne kéntons “Tahiontenonweráton.”

Isaiah 66:16

Asèken né nó꞉tsire énraste né Roiá꞉ner tsi ensakorihwénhtakwe, tánon né꞉ne raosarekó꞉wa, ensakótsthen nonkwetaʼkwékon; tánon tsi niʼiákon né sakotónhton né Roiá꞉ner enhonatiokowanénhke.

Isaiah 66:18

Asèken khehiothenseraʼientérih tánon né raonanonhtonniónhtsheras, tánon taʼiákwe skát꞉ne ratiʼkwé꞉kon né ronhnonhontsakeró꞉nons tánon tsi niaʼtewenhnásakes; tánon kwáh entʼthónhne tánon kwáh enhontkátho naʼtiatanerakwáhtshera,

Jeremiah 12:14

Ne Roiá꞉ner ráton, “Wakateriwahiénni ne thènen akíron tsi nòkwah ne Israel tehonthonhontsanekʼkhánion ne ronhnonhontsatshá꞉ton ne thekhehiáwi nakonhkwetaʼshón꞉a Israel. Ahéren enkhehiatenháwiʼte thí꞉ken ionkwetaksénskwa ne rahothiʼnakerahserákons tsi ní꞉ioht ne kaiéntʼthon kahterhiótsion, tánon enskeniákente ne Judah ne rohnonháke.

Jeremiah 25:31

tánon ne kawènnote kwáh iaʼtenkawennaʼnihárahne ne tsi iehionthonhontsiotʼtahníhon. Asèken ne Roiá꞉ner róien nahshaʼkoriwáhroh nonhkweshón꞉a. Kwáh onhkwetaʼkwékon tsi tenshkohiató꞉rehte tánon ne ronnonhkweʼtahétkens enshaʼkononhwahrhiákon. Ne Roiá꞉ner rothatíhon.’”

Jeremiah 49:1

Kén kíʼ nahó꞉ten ne Roiá꞉ner ráwenh tsi nòkwah ne Ammon: “Káh nihónnes ne ronnónhkwe ne Israerʼró꞉nonhke? Iáh kén ónhka tehióien nahonthaʼhátiʼne ne rahononhontsiashón꞉a? Nonhtiéren tsi wahonwahtiríhon nonhkweshón꞉a né konhwahsénhnahiens ne Molech ne ne ahatiʼiéna ne ratitaráhien Gad raotinahkerásera tánon thóh nónhwe nahontenáhthaien?

Jeremiah 50:17

Ne Roiá꞉ner ráton, “Nisraeró꞉nonhs kwáh ne ne teiotinahkaronhtónʼa né kénreks tehiakorieniáton. Thontiérente ne ne Assyria ronnonhtí꞉io wahshakowáhrahke. Ethóhʼne Ronhnonhtí꞉io Nebuchadnezzar ne ne Babylon nónhwe washaʼkostsiókaʼne.

Ezekiel 25:8

Ne Ronhnontí꞉io Roiá꞉ner wahénron, “Tioríhwah ne Moab tsi iáwenh ne Judah thóh nikahiató꞉ten tsi ní꞉ioht nakorénhson rononhontsakeró꞉nonhs,

Ezekiel 34:6

Káti nahkhitsenenhókonhs tsiatehionahréhnions ne tsi hionhniarónhnions ó꞉ni tsi iononhténions. Kwáh tsatehionahréhnion tsi kakónhsonhte ne tsi ionhwenhtsáte, tánon iáh ónhka teskonhwahtihiatishá꞉konh tó꞉ka ó꞉ni nahionteniénten nahonsakonhwahtihiatatʼtsénhri.

Ezekiel 35:10

“Í꞉sen thí꞉ken tehotinahkerahseráhke Judah tánon ne Israel, skátke ne raononhontsashónhas, í꞉se sáwenhk tánon í꞉se enshatiathakweʼní꞉ioste, iawerohá꞉tien tsi Í꞉i, ne Watiá꞉ner, Raotiní꞉io í꞉ken.

Ezekiel 36:1

Ne Roiá꞉ner wahénron, “Rónhkwe iaiénha, stháras tsi iononhtáhere Israel tánon sehró꞉ri nateriwahnhothá꞉tshera tsi Í꞉i,

Ezekiel 36:5

“Í꞉i, ne Wakenonhtí꞉io Watiá꞉ner, wahkathatíhon né kwáh shiʼwahkenhakwénhen ne aktátsies kanakerahserahkéronhs, tánon sénha tsi nóhkwa ne Edom. Kwáh ronatʼtsenhnónhni tánon tsewáhtion tsi wahatiʼiéna nakonhóntsa tánon wahontʼtháwa ne tsi konhwahthiteronhtákwah ne katshénenhs.

Ezekiel 38:22

Kanhrahtarinhétshera tsi enhirewáhthakwe tánon enhinhétkwahte. Tánon entkenahkwahwéronh tsi nenhiokénnhore tánon enhiowisónhti, skátke ne ótsire tánon ne iontenatentásta tekaiéston, enthihiawéron ó꞉ni ne rahonkwetaʼshón꞉ʼas ronhterí꞉ios tánon ne iakotiokowáhnen ne rahonháke nòkwah thónnethe.

Ezekiel 39:11

Ne Roiá꞉ner wahénron, “Nónenh kí꞉ken akwékon et nenhiáwenhne, Kwáh éntkon ne Gog tsi iontatsatathahástha thóh nónhwe ne Israerʼró꞉nonhke, tsi nónhwe ne tehontawénhries ahonráhkwahkon, né꞉ne tsit karahkwínekens nokwáhti ne iawenhéion kaniatarahkheʼkówa (Dead sea.) Gog tánon ratikwékon ne raotiókwah ne ronhterí꞉ios thóh nónhwe nenhonwahtihiatháta, tánon ne ahonráhkwahkon né enkonhwanahthónkwahke ‘Ne ahonráhkwahkon ne Gog Raonénhrah-ronhterí꞉ios.’

Joel 3:12

Áhnion ne thiiononhontsá꞉tes ronhthanenenrahserón꞉ni, tánon iehón꞉ne nahonráhkwakon ne Jehoshaphat; asè꞉ken thóh nón꞉we nenhkátsien nakherihwénhte ratikwé꞉kon ne ronhnonhontsakeró꞉nons.

Joel 3:14

Iotsiokwatsani, thóh rónhnes nahonráhkwakons ne tekaiatoréhton í꞉ken! Asè꞉ken ne rawenhní꞉sera ne Roiá꞉ner ákta í꞉wes thóh ahonráhkwakon ne tekaiatoréhton.

Amos 1:11

Ne kí꞉ken aorí꞉wa Rá꞉ton ne Roiá꞉ner: Asè꞉ken áhsen nieioterátston iorihwanéren ne Edom, tánon ki ne kaieríhaton, kwáh ki nenʼneʼeh iáh thaʼtaonsonkaterihwaténien ne karewahtáhtshera; tiorí꞉wa tsi aʼshareʼkó꞉wa wáhonste tsi wahonwanató꞉rate ne rontatekoʼokón꞉as tánon akwé꞉kon wahatirihwáhtonʼteʼ natanitèn꞉ron; onterihwató꞉kenhste tsi wahatháwa ne raonaʼkwáhtshera tánon iáh nonwén꞉ton tshaʼtetsoientá꞉ʼon.

Micah 4:12

Ók iáh kíʼ tehonaterièn꞉tare tsi nihonikonró꞉then ne Roiá꞉ner; iáh teotinikonraiéntas tsi nishakoteʼnikonrá꞉wis; ne tiorì꞉wa tsi sakohiataró꞉ron nonkweshón꞉as tsi ní꞉ioht ne kaʼthokwahnerénkʼkons ne tsi iewahektákwa kenská꞉ron.

Zephaniah 3:8

“Ne káti aorí꞉wa, takwahteráhrat” ráton ne Roiá꞉ner, “asè꞉ken ne thóh enwenhniserá꞉teke kwáh thentekʼtane tsi ní꞉ioht ne ronwathonkwetawenhtháton; asè꞉ken tsi natewatiatoréton ne nakheiataró꞉roke nonkweshón꞉as, nakeró꞉roke tsi nionakeráhsera ne ronnontí꞉io ne nahontakawé꞉ron nakenakwáhtshera rohnonhà꞉ke; akwé꞉kon tsi niiotarí꞉hen nakenakwáhtshera kwáh ohontsakwé꞉kon otsiráhke enwát꞉tsa ne tsi niwakatekéffen.

Revelation 11:18

Ne ronhnonhontsakeró꞉nons waonatenakwahwenhrát꞉tse, ók saterhiatitkhóntsera ón꞉we, tánon iaʼká꞉hewe ne tasheiató꞉rehte ne ronenhé꞉ion, Asè꞉ken ne nasekariatseniónhase ne sanhatseraó꞉kons, ne ne rotitokénhse ó꞉ni ne rotiiatatokéntis tánon ratikwé꞉kon ne ratikweniénstha sasénhna, tetsá꞉ron né꞉ne kenk naiesenhnáske ó꞉ni naiesenhnowanénhake, tánon ne naseiatón꞉te tsi niiá꞉kon ne iakohetkénton tsi ionwenhtsá꞉te.”

Revelation 16:14

Ne kí꞉kens ne rontʼkonseráksens í꞉ken, iatékon tehatiieronhnionhátons, tsik nonwéhsons niehonhnétha tsi thathì꞉teronh ne ronhtinontí꞉ios ne tsi ionwenhtsá꞉te, ne nasakotiiataró꞉roke nahonterí꞉io ne thóh entewenhniserá꞉teke ne wenhniserowá꞉nen ne Ní꞉io rawenhní꞉sera né꞉ne Roshatstenhserowanenhkó꞉wa.

Revelation 16:16

Tánon wahontiaʼtaró꞉roke tsi tewatená꞉taien né꞉tho ne Hebrew aronkhá꞉tsera konwanaʼtónhkwa Harmageddon.

Revelation 16:6

tiorì꞉wa tsi sakotinekʼkwáhton ne rotiiatatokentískwe ó꞉ni rotitokenséhakwe, í꞉se tesheiá꞉wi nonekwénhsa ahatinekí꞉ra. Eʼtho senateonathéntion!”

Revelation 20:8

tánon tentaiá꞉kenhne ne nasakonikonrá꞉ten ne ronnonhontsakeró꞉nons thóh tsi tekaiosaké꞉rons ne kaié꞉ri tsi ionwenhtsá꞉te, ne Gog tánon ne Magog, ne nahón꞉ton nahonhnitsiokwahró꞉roke nahonterí꞉io; thóh nihonatióhkwas tsi ní꞉iot nonesarónhkwas ne kaniatarakeʼkowáhne.