Joel 2:11 - Ohiatonhseratokénti

¹¹ Ne Roiá꞉ner kwáh enhatá꞉ti raotihén꞉ton ne raonkweʼtashón꞉as ronterí꞉ios; ne raonkweʼtashón꞉as ronterí꞉ios iáh tewashé꞉ton tsi nionatiokowanen, nón꞉ka enhatewénhnaraʼkwe ne raorihwatatʼtsera enhashátsteke ki! Asè꞉ken ne rawenhní꞉sera ne Roiá꞉ner tsi enwenhniserowá꞉nen tánon thenhiotenonhianì꞉tonke! Ónhka iaiekwé꞉ni nahiontakátsthate?

Joel 2:11 Iomraidhean Croise

Psalms 18:14

Waʼharónh꞉thate ne raoiénkwires tánon waʼtesahkhoktékwahte ne ronhwásons; waʼthatsirahríhkhon tsi waʼtewahninekarahwá꞉nion, tánon waʼsaʼkotékwate.

Psalms 46:6

Nonkweshón꞉ha iakotsarokwáhton tsi natehiakonikonká꞉rion, tsi kanakerasehrakérons tehiowisónhkwa; ne Rawenni꞉io ne waʼrón꞉niate nahonwaʼwenhnáronhke, ne tsi ionwenhtsáte wakawistanáwenhne.

Psalms 68:18

Onotoharakénhiaʼte niahá꞉re, ronatsokowánen sakohiatenháwi ne ratinótonkwe; waʼhaienásehron nathatawítseras tsi nahonwahwí꞉hon ne ronhnerhiasanírons, né nahónton nètho Roiá꞉ner Rawenni꞉io thóh nón꞉we nahenterónhtake.

Isaiah 13:4

Satahónshaʼtat tsi niʼtiorítstare né tsi tsiʼionontarónhnions tsi ní꞉ioht nahiakotsiokowanénhke! Satahónsatat, tsi nihonatʼtsarokwáton ne tsi kanontiʼiotseráiens, ne rononhontsakeró꞉nons ronaniʼtsiokonhnihátie! Ne Sakoiá꞉ner ne ronterí꞉ios ratironhiakeró꞉nons sakohiataroronhátie ne ronhterí꞉ios nahonterí꞉io.

Isaiah 42:13

Né Roiá꞉ner iahaténti tsi ní꞉ioht ne raterí꞉ios, tsi ní꞉ioht ne raterí꞉ios tahonakwénhsere; iathohénrete, iorakaréni tsi wathohénrete, teiotenonʼianíton tsi wahathaténesʼte rahotihénton ne ronwáshons.

Isaiah 7:18

Né thóh entewenhniseráteke ne Roiá꞉ner kwáh ienhrenhnákare niasakónonke notsíks ne tsi tsiotáhsawe ne tsi kaniataratátie ne Egypt, tánon notsinakonhtakwáhne nahontahónhne thóh tsi tsohontsáien ne Assyria.

Jeremiah 25:30

“Ní꞉se, Jeremiah, ónenhk tsi ensatró꞉ri kwáh tsi niatehioriwáhke tsi niwahken. Onenhk tsi kwáh ensehró꞉ri ki onhkwehshón꞉ʼa, ‘Ne Roiá꞉ner kwáh enthatonráien karonhiáke tánon enkawérer è꞉nekens tsi karonhiá꞉ke. Rahónha kwáh ensakotonrá꞉ien ne rahonkweʼtashón꞉as; kwáh tenhohénrete tsi ní꞉iot ne rónhkwe rasrahthátses nonenhará꞉kes. Kwáh onkweʼtakwé꞉kon tsi ionwentsá꞉te enhonwathónhteʼne,

Jeremiah 30:7

Tehiahonniserahnónhiani tháwe; iáh nóhia nawenhnísehra tahónton ne taiéron— iakáhewe ne tahonnikonráhren nakonkwetahshón꞉a, ók kíʼ enhathiniákenʼne.”

Jeremiah 50:34

Ók tsi nikáien ne enseshaʼkoniákenʼte tsi rashástsʼte—ne raosénhna ne꞉ne Roiá꞉ner Roshastsʼtenserowáhnenh. Rahonhatsíwah tenhathaʼtékwahse ne raoʼtiriwahsónha tánon entáhaʼwe ne skénnenh ne tsi ionhwenhtsáte, ók aterihothaʼrókʼtshera enkaiéntahne tsi nòkwah ne onhkweshón꞉a ne Babylonia nónhwe.”

Ezekiel 22:14

Ísehre onhtèken thènen ne kanikonhrahnirátʼtshera iatahonsahiothaténhronhke ne shonháke tó꞉ka ó꞉ni iatakaiérihke ne kashastsʼténsera nashanenhtʼtsakaráhthate nónenh kén nienkonhiérenke? Í꞉i, ne Watiá꞉ner, wakatáti, tánon kathatewenhnahiérits.

Joel 1:15

Oh tsi niiotakwaskwa ne tho entewenniserateke! Asè꞉ken ne rawenhní꞉sera né Roiá꞉ner ákta í꞉wes, tánon né꞉ne kaʼkaronhniá꞉tsheras tsi nénhtewe ne Roshatstenhserowanenhkó꞉wa rahonhà꞉ke.

Joel 1:6

Asè꞉ken rononhontsakeró꞉nons wahatinénhrenhte nakonhontsá꞉ke, ratiʼshátste tánon ronatiohkowá꞉nen; thóh natehatinawiróthens tsi ní꞉ioht ne kénreks, tánon rotinawirhiotí꞉ies tsi ní꞉ioht ne kénreks.

Joel 2:1

Sewatá꞉tis ne iehonrawatsthakó꞉wa ne Zion nón꞉we; sewatá꞉tist ne watewenhnhót꞉tha nakenontatokenhtí꞉ke! Kwáh ratikwé꞉kon ne ienáhkere nonwenhtsà꞉ke iakohiathiʼshónk! Asè꞉ken ne Roiá꞉ner rahwenhní꞉sera tsi tá꞉we, ákta í꞉wes—

Joel 2:2

ne enwenhniserá꞉te tsi nathentsiokaráseke tánon kwáh thentsoká꞉rawe, ne enwenhniserá꞉teke enhiotsatarónhnionke tánon iáh shó꞉tsi tahonsahionkentónke! Kwáh né꞉ne tahiorenhenhátie thóh tewaʼré꞉ni tsi ionhnontarónhnions ronatiohkowá꞉nen tánon ratiʼshátstes onkweshón꞉as; ne ní꞉ioht iáh nonhwén꞉ton thóh tetsawénhon ne wahón꞉nise tkénhne, iáh ó꞉ni nonhwén꞉ton shé꞉kon thóh tahonsaiá꞉wenhne tsi niahawenonhátie.

Joel 2:25

Kwáh enskonkarhiákʼse né tsi nihioserákes né꞉tho rotihonwarenháwis tsistá꞉rare ronatetʼkwí꞉son, ne tehonhnitionkwáhkwa, ne sakonatónhtha, tánon ne ratinatsí꞉iaks; né꞉ne teionenhranonhiáni akitsiókwah ronhterí꞉ios í꞉ken, ne tsi nitekheiateniéhton ne shonhà꞉ke.

Joel 2:31

Ne karáhkwa entsiokárawe, tánon nasonhthenhné꞉kha karáhkwa thenwatenekwenhsónhten, raohén꞉ton ne teiotenonhianì꞉ton tánon iothenhniserát꞉teron rawenhní꞉sera ne Roiá꞉ner enwá꞉we.

Joel 3:14

Iotsiokwatsani, thóh rónhnes nahonráhkwakons ne tekaiatoréhton í꞉ken! Asè꞉ken ne rawenhní꞉sera ne Roiá꞉ner ákta í꞉wes thóh ahonráhkwakon ne tekaiatoréhton.

Joel 3:16

Tánon ne Roiá꞉ner kwáh enhatonrá꞉ien ne Zion nón꞉we, tánon thethawenhnákare Jerusalem nitewé꞉tha, tánon ne tsi karonhiá꞉te ó꞉ni ne tsi ionhontsá꞉te enhioʼwá꞉ke. Ók kiʼ ne Roiá꞉ner rahónha teshakó꞉nes neʼ rahonkweʼtashón꞉as, rohiataní꞉ron tsi nokwáh nonkweshón꞉as Nisraeró꞉nonke.

Amos 1:2

Tánon ne Amos wahén꞉ron: Ne Roiá꞉ner thawennotátieʼs tsi tionón꞉te ne Zion, tánon thotewennóntieʼs Jerusalem nitewéhtha; tánon ne tsi shakotiʼterontáhkhwah ne teiotinaʼkarontón꞉ʼahs natèn꞉rakon iáh oh thé꞉nen tetsókhware, tánon nonontakèn꞉iate ne Carmel akwé꞉kon nenhné꞉eh ionatekhwí꞉son.

Amos 5:18

Ionikonrát꞉sat asè꞉ken ní꞉se nesewaskáneks ne rawenhní꞉sera ne Roiá꞉ner! Nontié꞉ren tsi tesewatonhontsó꞉ni ne rawenhní꞉sera ne Roiá꞉ner? Kwáh tetiò꞉karas, iáh thateioswát꞉te;

Amos 5:20

Iáh ken nenhtewenhniserá꞉te nenhrenhniserón꞉ni ne Roiá꞉ner thatetioʼkaraskó꞉wa enkénhake iáh thataioswát꞉teke, tánon tetiò꞉karas iáh káneka ne kaswathétshera thawésehke?

Obadiah 1:15

Asè꞉ken ne rawenhní꞉sera ne Roiá꞉ner ó꞉nen ákta í꞉weʼs niahonatiaʼtón꞉ti onkweʼtakwé꞉kon. Tsi nihsheierá꞉se, kwáh kiʼ tho nentiesaié꞉raʼse; tsi nihseweiennó꞉ten senontsì꞉ne enská꞉raʼne.

Nahum 1:6

Ónhka aiekwé꞉ni taietá꞉ne ohén꞉ton ne ranakwáhtshersa? Ónhka aiekwé꞉ni naionthá꞉katstate ne ioʼtarí꞉hen raonakwá꞉tshera? Ne raoterhiatitkhóntshera tewawéron tsi ní꞉iot ne ótsire, tánon raónha nosténras teorí꞉tons kenk ní꞉was.

Malachi 3:2

Ók ónhka aiekwé꞉ni naiontahkátstate ne tsi nentewenhniserá꞉teke tsi nontahawenonhátie, tánon ónhka aiekwé꞉ni naiontahkátstate nó꞉nen enhoké꞉tohte? Aseʼkénh tho nihaiaʼtó꞉ten tsi ní꞉ioht ne raristanawènhtha raó꞉tsire tánon ne rahkwenióhares raonoharé꞉tha;

Numbers 24:23

Ne Balaam wahatróriate kí꞉ken iekarihwáken: “Ónhka kí꞉ken onhkweshón꞉ʼas ronatiataroronhátie nothorekéson?

1 Thessalonians 4:16

Kwáh enwahtewenʼnótahke, ne raronhiakerononkówah raowénna, enkontáti ne Rawenni꞉io rahówenk iehonrahwátstha, tánon ne Roiá꞉ner kwáh iatehahiáti entʼtátsnente ne karonhiáke. Tsi nihiákon ne iakawenhéion ne thonwetákwenʼne ne Kerístos neh tentiehénte tentiontʼkétsko nahonsahiontónnhete;

Revelation 18:8

né꞉se wahón꞉ni nahohrashón꞉as kwáh enwá꞉we ne nón꞉we sewenhniserák꞉khok enkénhake— kahnrhaó꞉kon tánon nahiontʼtiónhnion tánon natonkarhiá꞉kon— tánon ne raón꞉ha kwáh kíʼ enkonwatsiatatʼtsáhate otsirá꞉ke; asè꞉ken roshatstenhserowá꞉nen seh ne Roiá꞉ner Ní꞉io raón꞉ha rariwenhtáse.”

Revelation 6:17

asè꞉ken ne teiahonhniseranón꞉hiani tsi natehonterhiatítʼkons iaʼkáhewe, tánon ónhka naiekwé꞉ni naionthakatstá꞉te?”