Joel 2:1 - Ohiatonhseratokénti

¹ Sewatá꞉tis ne iehonrawatsthakó꞉wa ne Zion nón꞉we; sewatá꞉tist ne watewenhnhót꞉tha nakenontatokenhtí꞉ke! Kwáh ratikwé꞉kon ne ienáhkere nonwenhtsà꞉ke iakohiathiʼshónk! Asè꞉ken ne Roiá꞉ner rahwenhní꞉sera tsi tá꞉we, ákta í꞉wes—

Joel 2:1 Iomraidhean Croise

1 Chronicles 15:28

Ká꞉ti ratikwé꞉kon Nisraeʼró꞉nons wakonwaʼtsatóntʼthaʼse tsi niahatíhaʼwe Naterihwaseronniátshera Oneró꞉kwah ne tsi niahónhne ne Jerusalem tehotihenréthaʼne tsi nihonatʼtsenhnínon, kawenhnotáʼtse ne kahonrahwatsʼkówa ó꞉ni ne iehonrahwáts꞉tha, tánon ne tehiotwashakweʼnónhnis, tánon tsi niʼkarenhnotátse nonowaʼkówa.

Psalms 119:120

Í꞉se saríhwa tsi wák꞉terons; tánon ne wakteronhkwénhnis ne sarihwenhthátshera.

Psalms 87:1

Thóh tsi ionontaʼtokenhtíke kanátaien ne Roiá꞉ner rotenatón꞉ni;

Exodus 10:14

Tenhontiʼhonwaʼrowáhʼnenhke tsi enhonʼné꞉we tánon kanakerahʼseraʼkwékon tsi enhontaʼtiténron. Né꞉ne kwáh thotihonwaroʼwáhnen ne tsistàraʼre ne nonhwénhton ahonwatikènʼke iáh ó꞉ni nonhwénhton shé꞉kon etʼtèhiot tsi ahonsaʼhonwaʼtíken.

Isaiah 13:6

Satsitówak, asèken ne rawenhnísera ne Roiá꞉ner ákta í꞉wes; tsi nènhtewe kwáh né꞉ne atkaronhniátsera thóh nitsawénon ne roshatstenhserowanénhke!

Isaiah 13:9

Satkátho, ne rawennhnísera ne Roiá꞉ner í꞉was, kaniakasténsera, ne kenikwékon ne ateriaʼtitkhóntshera tánon ne teiotenonhianíton kanakwáhtshera, ne enhiónhniaʼte nohóntsa iáh othènen tahonsakastátonhke, tánon nahiakótonhte ne iakorihwáneren né thóh ratinákere.

Isaiah 2:12

Asèken ne Sakoiá꞉ner ne ronterí꞉os ratironhiakerónons tsi rawenhniserahrákwen né sakokkónten ratikwékon ne iontatónhni tánon ne iakotatkowaná꞉ton ensakokkónten tsi niháti ne iakotatʼtharatáton tánon aiesenhnowanénhke;

Isaiah 66:2

Oriwaʼkwékon kí ken katsaná꞉ke ioshaʼáhnion, tánon káti orihwaʼkwékon kí꞉kens Í꞉i akáwenk, rá꞉ton né Roiá꞉ner. Ók né kí kíken tsi nikáien né kwáh tenkhehiatʼkáneren, né nehthàke iakotatónhni tánon né teiakawerhiaʼsaríhon, ronón꞉ha rotiʼiatíshonʼkwe nakewenhnaʼókons.

Isaiah 66:5

Sewatahónsatat né raowénhna né Roiá꞉ner, í꞉se né ensewaiatíshonʼkwe né raoʼwénhnake: Né kwáh í꞉se tionkwetaʼshón꞉has iesáhswenhse tánon iesatewenhtétonne nakʼsénhna iorihonhníhon wá꞉ken, “Ahnion né Roiá꞉ner ronwahiatanerá꞉kwat, né káti nahónton aiawatkátho né satonhnhaʼrátshera”; ók kí ronónha né kwáh enhonwanatéhaʼte.

Jeremiah 16:10

“Nónen kí꞉ken oriwahkwékon ensehró꞉ri, enhieshariwanónhtonʼse onhʼnihiotiéren tsi en nióre tsi wakateniaʼkátsthaʼte tsi wahkheréhwaʼte. Enhatiriwahnónhton onhʼní꞉ioht ne kariwahétken tsi ahothiníkhon tánon onhʼní꞉ioht ne kariwáhneren tsi tahonaʼterientahwehréhon tsi nòkwah ne Roiá꞉ner ronwahNí꞉io.

Jeremiah 16:7

Kwáh iáh ónhka skátke thatahiontskáhon iáh ó꞉ni thaʼhatinikírah naʼhionthatenikonhrahníraʼthe nónen ne tehionthatenorónkwah enhiahiéheʼie. Kwáh iáh ónhka thaʼiénesthe ne kanikonhraniráttshera, akwékon iáh ó꞉ni ne ónhka wahakóthonse ne kanísehra tó꞉ka ó꞉ni kanisténsera.

Jeremiah 4:5

Sehwahthátists ne iehonrahwátstha nonhwenhtsiakwékon! Iohrahkarehníhak tsi tesehwahénret tánon ioronkathónhak! Ietʼtsiró꞉ri nonhkweʼshón꞉a ne Judah ó꞉ni ne Jerusalem iasehwahkwísron tsi tetkanathanákthon nosténrah ne kanahtowáhnenh.

Jeremiah 5:22

Í꞉i ne Watiá꞉ner; nonhtiéren tsi iáh teskhetsiánis? Nonhtiéren tsi iáh teshahiathisónkwa nakʼkénton? Wakenehsahronkóntion ne tahkawahnátʼte ne kaniatarahkheʼkówa, ne iahontkónhthaʼkwe tahontʼwáhnahke ne ne iáh tahónton tahkahiáiake. Ne kaniatarahkheʼkówah ne tahiowehrahtháse, ók iáh kíʼ tahónton ne iahonthóhetste; ne iononhthakwarontáties nahioronkathónhake, ók iáh kíʼ thahónthon ne iathakonnótʼkaweh.

Ezekiel 12:23

Káti ónenh seró꞉ri tsi nahó꞉ten Ní꞉i, ne Wakenonhtí꞉io Watiá꞉ner, akíronh nètho ahoriwáhke. Kwáh éntiake nètho hatrorhiátsera. Iáh ónenh shé꞉kon thatahontʼnanétenhkeh ne Israerʼró꞉nonhke. Khék sehró꞉ri: Ónenh iakáhewe, tánon ne iekariwáhken tsi kwáh tó꞉kenske táhwe!

Ezekiel 21:12

Sahtewenhnhóten ne kanikonhraksénhtshera, rónhkwe iaiénha; kí꞉ken asahrekówah né raotiriwáhke nakonhkwetashón꞉ʼa tánon ratikwékonh ne sakotihéntenhse Nisraeró꞉nonh. Kwáh enhonwahtinonhwahrhiakónnion tsewahkónhkon ne ronáhtsakes nakonhkwetaʼshón꞉ʼa. Shatatetskwenahiahákkon tsi nenhshanikonhrókten!

Ezekiel 30:3

Nenhnísehrah ákta íwes, né wenhniseráhte ne Roiá꞉ner kwáh enhohióten, Né enwenhnisehronhthá꞉kwen ne enhiotsikerahrónhnionhke ó꞉ni tenhionhnikonhráhren nonhkweshón꞉ʼa.

Ezekiel 33:3

Nónen ensahkóken ne tehontátʼtsions tahónʼne, enhatáhtiste nahsakahonronhkáten ratikwékon.

Ezekiel 33:6

Tó꞉ka, sehnónhwa, né rotʼkárahre shakókens ne tehontátʼtsions tahónʼne tánon iáh thaʼhatátiste, ne tehontátʼtsionhs kwáh entʼthónhne tánon enshakotinonhwahrhiakónhnion ne rotiriwáhnerens, ók kíʼ né꞉ne tehotkáhrahre entʼthírahse tsi wahonhníheie.

Ezekiel 7:10

Nenhnísera ne kariwenhthátshera kénʼen íwes; ne satkaronhniátshera shá꞉rahne! Nonhkweshón꞉ʼa akoriwahneraháktsheras tánon tsi niʼienáhie ónenh onhtawénhrahte.

Ezekiel 7:12

Ienkáhewe. Ákta íwes nenhnísehra nónenh ne tsi nihienínonhs ó꞉ni tsi nihiontkéronhs kwáh iáh othènenh tahonshakariwastháthonke, tioríwa ne Rawenni꞉io tsi kwáh akwékon tsi sahtenhiothónhake tsi enshakoréwahthe.

Daniel 6:26

Waʼtianerenhserón꞉ni kwáh tsik nonwéhshon né akeʼshatsténshera iekaníharaʼs tánon né tiaʼtakweʼní꞉io kwáh ioterihwí꞉son tsi niaʼteionkwè꞉take ahonwakwenién꞉stake ó꞉ni tahonwarenhsarónhsheke ne Daniel Raoʼní꞉io. Raónha ne Rawenni꞉io né ronhnheʼónʼwe, iáh ó꞉ni nonwén꞉ton thiaontókten. Iáh nonhka nonwén꞉ton thaiekwé꞉ni né aiónhtonʼte né raonakeráhsera, tánon iáh ó꞉ni nonwén꞉ton ne raoʼshatsténhsera thiaonʼtókten.

Daniel 9:16

O Saiá꞉ner, tsi nitiawé꞉non seriwahnirá꞉ti ne sarihwatokenhtíhtshera ne Israerʼró꞉non, ne katiʼ aorì꞉wa nasathontátsheke ne táhstaʼne tsi shenaʼkhwáse tsi rotinátaien ne Jerusalem. Í꞉se saná꞉ta, tánon ne sanonhsatokénhti. Akwé꞉kon ne thihotitiohkwaténion niakwaiaʼtaktóntie ratinakerénion ratikenhrón꞉ni ne saná꞉ta, tánon ó꞉ni ne sonkweʼtaʼshón꞉ʼa ne tsi nihotirihwanéren nonkwahsótshera ó꞉ni nonkwatiaʼkéshon.

Daniel 9:20

Iaʼkatahshónteren tsi wakaterénnaien, kerihwahní꞉rats nakerihwanerenʼáktshera ó꞉ni ne raotirihwanerenʼáktsheras nakonkweʼtaʼshón꞉ʼa Israerʼró꞉non ó꞉ni riianitenhtá꞉se ne Roiá꞉ner Akeʼní꞉io naonsahanonhsahserón꞉ni ne raononhsatokenhtiʼkó꞉wa.

Hosea 5:8

Sewatátist nonákare ne Gibeah nón꞉we, ne iohonrawátsta Ramah ne nón꞉we nasewatátist. Sewatátsist ne watewenhnót꞉tha ne Beth-aven nón꞉we; ionsasewatkáto ne sewashón꞉ne, Benjamin!

Hosea 8:1

Sewatenón꞉tha ne iehonrawátstha! Kwáh tsi ní꞉ioht ne kaweró꞉kwats ne è꞉neken ká꞉tses ne tsi ronónshote Roiá꞉ner, tiorì꞉wa tsi teotihiá꞉kon nakaterihwaseronhniá꞉tshera, tánon ronatewenhnóntion natsanerénhsera.

Joel 1:15

Oh tsi niiotakwaskwa ne tho entewenniserateke! Asè꞉ken ne rawenhní꞉sera né Roiá꞉ner ákta í꞉wes, tánon né꞉ne kaʼkaronhniá꞉tsheras tsi nénhtewe ne Roshatstenhserowanenhkó꞉wa rahonhà꞉ke.

Joel 2:11

Ne Roiá꞉ner kwáh enhatá꞉ti raotihén꞉ton ne raonkweʼtashón꞉as ronterí꞉ios; ne raonkweʼtashón꞉as ronterí꞉ios iáh tewashé꞉ton tsi nionatiokowanen, nón꞉ka enhatewénhnaraʼkwe ne raorihwatatʼtsera enhashátsteke ki! Asè꞉ken ne rawenhní꞉sera ne Roiá꞉ner tsi enwenhniserowá꞉nen tánon thenhiotenonhianì꞉tonke! Ónhka iaiekwé꞉ni nahiontakátsthate?

Joel 2:15

Sewathá꞉tist ne iehonrawátstha ne Zion nón꞉we; sewarihowánat tsi ensewenhtóntiete! Iahitsinontʼset nonkweshón꞉a ne naierihwatokentíste raohénton ne Ní꞉io!

Joel 2:31

Ne karáhkwa entsiokárawe, tánon nasonhthenhné꞉kha karáhkwa thenwatenekwenhsónhten, raohén꞉ton ne teiotenonhianì꞉ton tánon iothenhniserát꞉teron rawenhní꞉sera ne Roiá꞉ner enwá꞉we.

Joel 3:14

Iotsiokwatsani, thóh rónhnes nahonráhkwakons ne tekaiatoréhton í꞉ken! Asè꞉ken ne rawenhní꞉sera ne Roiá꞉ner ákta í꞉wes thóh ahonráhkwakon ne tekaiatoréhton.

Joel 3:17

Káti kwáh ní꞉se ensaterientá꞉rane tsi Í꞉ih, ne Watiá꞉ner Saní꞉io í꞉ken, thóh Zion nón꞉we nikená꞉kere, nakenontatokenhtí꞉ke. Tánon ne Jerusalem kwáh kí enhiotokenhtí꞉ke, tánon ne thihiakahontsá꞉te kwáh iáh nonhwén꞉ton thóh nón꞉we tahonsahontohestà꞉ke.

Amos 3:6

Rontatístha kenh ne iehonrawátstha ne kanatowanén꞉ke, tánon nonkwehó꞉konʼs iáh thaiakóhteronʼne? Ne karihwaiesáhtshera kaièn꞉tas kenh ne tsi kanatowanén꞉ke, nek khok tó꞉kaʼ ne Roiá꞉ner thóh nenháhsa?

Amos 5:18

Ionikonrát꞉sat asè꞉ken ní꞉se nesewaskáneks ne rawenhní꞉sera ne Roiá꞉ner! Nontié꞉ren tsi tesewatonhontsó꞉ni ne rawenhní꞉sera ne Roiá꞉ner? Kwáh tetiò꞉karas, iáh thateioswát꞉te;

Amos 8:2

Wahèn꞉ron, “Amos, nahó꞉ten satkátos” Tánon waí꞉ron, “á꞉there titkáhere nakenhnakékha kahiksónhas.” Ethò꞉ne ne Roiá꞉ner wahakénhase, “Ne tsi iehiotót꞉te iahónwe rononhà꞉ke nakonkweʼtashón꞉as nʼIsraerʼró꞉nons; kwáh iáh shé꞉kon nonhwénton tahonsatkhenikonhrénhse.

Obadiah 1:15

Asè꞉ken ne rawenhní꞉sera ne Roiá꞉ner ó꞉nen ákta í꞉weʼs niahonatiaʼtón꞉ti onkweʼtakwé꞉kon. Tsi nihsheierá꞉se, kwáh kiʼ tho nentiesaié꞉raʼse; tsi nihseweiennó꞉ten senontsì꞉ne enská꞉raʼne.

Zephaniah 1:14

Ne wenhniseró꞉wahne tewenhniserónhte ne Roiá꞉ner rawenhní꞉sera ákta í꞉wes, tánon thentsawénhstsi tsi nonhtaiawenhnonhátie; tsi nenhiorahkáre ne rawenhní꞉sera ne Roiá꞉ner ne kwáh ronikonhraktshen; otsitó꞉wa tenhasénhto ne ronikonratsani ratiriios ne nón꞉we.

Zephaniah 1:16

ne enwenhniserontákwen nahiehonhráwate tánon sotar ateriiosera ratiwenhnote ne wathenhénrote ne tekanatanákton kanatowanénhhke tánon ne tsi tekahiosakérons kanikató꞉tons.

Zephaniah 1:7

Sak thasatatón꞉ni raohénton ne Roiá꞉ner Rawenni꞉io! Asè꞉ken ne rawenhní꞉sera ne Roiá꞉ner ákta í꞉wes; ne Roiá꞉ner roweienhnenhtàhon rokʼkhwáhere, sakohiatatokenhtíston ne sakohonkará꞉wi.

Zephaniah 3:11

Ne é꞉tho enwenhniserá꞉teke, kwáh iáh tesatehénsehke nakwé꞉kon tsi nisahiothénhen ne tsi thóh nitsawéhnon tsi wasehrihwanérake ne tsi naskatkónten; asè꞉ken ethò꞉ne kwáh é꞉ren enkheiathenháwite ne sewanenhrí꞉hen ne ionhtatón꞉ni ne iontaʼtsenhnakaráhtats, tánon iáh shé꞉kon nahonsashatatkowánenhke nakenonhtatokentíke.

Zechariah 14:1

Nenhní꞉sera nó꞉nenh ne Roiá꞉ner enhátsien ne tahahiató꞉rete ákta í꞉wes. Ethò꞉ne ne Jerusalem kwáh enkonhwanenskwenhá꞉ton, tánon ne kanénhskwen kwáh tenkaiákhonke ne sahénton.

Zechariah 8:3

Jerusalem niénske, nakenahthatokentí꞉ke, tánon thóh nón꞉we ienskeʼnhakérehke. Ne enkaientheresthákwen né꞉tho kanahtowá꞉nen ne ienáhkere tsi rohthiriwahtó꞉ken tsi nokwáh ní꞉i, tánon ne ionhniáhere né꞉ne Roiá꞉ner Roshatstenhserowá꞉nen raówenk enkonwahnahtónhkwake iononhthatokénhti.

Malachi 4:1

Satkáhtho, nenhnísera tá꞉we, iotékha tsi ní꞉ioht ne iontenaʼtarontáhkhwa, nó꞉nen ratikwé꞉kon ne rontatkowanáhtha tánon ratikwé꞉kon ne karihwahétkenʼs rotiióʼtens kwáh kawá꞉ʼeh enhón꞉ton; nenhnísera ne én꞉wawe kwáh kiʼ eniakotiaʼtátsaʼahte, rá꞉ton ne Sakoiá꞉ner ne ronterí꞉ios ratironhiaʼkehró꞉nonʼs, ká꞉tiʼ kwáh iáh tshiaʼtaonsahonwanèn꞉rahse nohté꞉ra khehs nʼonhateshón꞉ʼa.

Numbers 10:2

“Tèkeni sonhniánion ne kawistarákens kahonrawatsʼkówa né꞉ne karistonhniáton íken né ahónsthonke niaʼhionhtatinónhksehke nonhkweshón꞉ʼas nahionhtatiaʼtarohró꞉rohke tánon nahonshaʼhontosehrohtáko.

Numbers 10:3

Nónen karíhwes tánon iorakaréni tsi entiatewenhnóten, kanakeraseraʼkwékon ne ienákere tsatákʼtha enhionhteróhroʼke né꞉ne tsi iehionhtaʼwehiatáhkwa natóhsehra tsi nónhwe nikíteron.

1 Corinthians 14:8

Tánon tóhkaʼ tsi nikáien ne iakoterénnothe ne iehonrahwátsʼta iáh tahontahaiérihthe tsi ní꞉ioht tsi enhaterénnothe onhʼní꞉ioht tsi ahontatheweiennéntaʼne nahonterí꞉io?

Philippians 2:12

Tekanórons tewathoronsónhas, tiotkonhónwe takwawennarákwakwe sesʼnónen skátne ítewes. Nonkʼkinónwa onensewakaténtion, ónen kisènha teiohthonwentióhon naisewatewénnarakwe. Katerontserákon tsi ní꞉ioht tsi sewahióten tánon aisewahiathisónkwaʼke tsi aisewátʼthoke tsi nikéntons nahonsaieniákenʼne.

1 Thessalonians 5:2

Asè꞉ken kwáh iatesewahiáti kwáh ioiánereh tsi sewahteriéntare wáhi nónen téntre ne Roiá꞉ner thóh nenʼiáwen꞉ne tsi ní꞉ioht ne ranénskwahs ensakohnonsórenʼne tsi niwahsóntes.

Ne꞉ne Sák Rohiaton 5:8

Í꞉se ó꞉ni ónenk tsi ensanikonkátsʼteke. Éhneken nontástat tsi nisaráre, ónen ákʼtha íhwes tsi niwenʼniseraténion ne Roiá꞉ner ahonsáraʼwe.

1 Tiér 4:7

Tsi ieʼiotókʼte noriwakwékon ákta íwes. Ónenk tsi í꞉se entisewatatheniarótaroke ó꞉ni sewatateweiennentahónhak, naisewakwéni aisewaterénnaien.

Revelation 6:17

asè꞉ken ne teiahonhniseranón꞉hiani tsi natehonterhiatítʼkons iaʼkáhewe, tánon ónhka naiekwé꞉ni naionthakatstá꞉te?”