Jems 4:2 - Mangseng

² Na thomu o sis rintet ur puluanga elnga, aveto thomu o el vet i avele. Na thomu o so rin toko, na o theseal ole ur, aveto thomu o pavurvur nge ur aken elnga avele. Na thomu o vol pel na o patea sisoing nge ur pelie elnga, aveto thomu o el i avele, eneke thomu o nong a God nge avele.

Jems 4:2 Iomraidhean Croise

Panongpolong Sivenga ako Jon i wat i 16:24

Na thomu ini lek wainlangaere, aveto nomenga ma me i mul ponange thomu o nong vet ur e avele a tho nge. Aveto aro o nong ol i a tho nge, naro o el i mo aro lomumu sivenga rintet.

Panongpolong Sivenga ako Jon i wat i 4:10

Na Jisas i olal ile riong ve, “Aro ve lomum mire senu nge a God ile sungong, na nge toko ako i nonga thei a ong nge, maken aro ong nong a i nge, naro i sungpot thei ako i sung mimiong a ong nge.”

Jems 1:5

Na aro ve omu e i oror nge lemi rumong sivenga, aken aro i nong a God nge ako ini God sungonga, maken aro i sungu inga a i nge, eneke God i sungu lemi rumong sivenga aken a or alavusnga ako o nong i a i nge, na ikei palil or nge avele.

Jems 5:6

Na thomu o teltun toko vengvengare oa, ma o so rin polpol or, na tokokoe areken o oma ur pelie avele a thomu nge.

1 Jon 3:15

Na toko e ako ini silal itein lemioonga e, aken ini toko ako i so rin toko ako a God itheki. Na lomumu mire ako ve, toko ako i so rin toko, mimiong ako aro ile vusonga avele, kene i voth a i nge avele.