Rm 8:16 - Meta’

¹⁶ Əzwî ziə fə fɔtɨ mbɨ mba ɨzwî ghà ni tɨ̀ yɨə bɔn Ŋwiə̀.

Ikan feg

¹⁶ Azwighi Ŋwiye ze fɔ̀tɔ tì àza tì azwighi ni bḛ gha mba ya bɔn Ŋwiye.

Rm 8:16 Iomraidhean Croise

Matìyò 5:9

Ŋwìə̀ zɨ əbɔrəbɔd ɨgun ə bə̂d mbe nɨə ghɨ̀ ni bə̂d chub ənɨ əbɔrəbɔd, ɨmbə̀ʼ ɨghəm nɨ wɨ̀ bɨrɨ tɔŋ mɨ̀mə̌d ənɨ mbi bɔn.

Lk 20:36

Chəi mbɨ bɨrɨ wɨrɨ kwɨ ɨmbə̀ʼ ɨghəm nɨ mbɨ yɨ əndəŋ əndəŋ mbɨ mbɨ̀aŋgɨrə̀. Mbɨ yɨə bə̀ ə bɔn Ŋwiə̀ ɨchî nɨ mbɨ zwemə.

Jn 1:12

Àyɨə mbɨ mɔʼɔ nyaʼa nɨŋ əməd bə̀ ben ɨnû mbe nɨ wɨ̀ nyaʼə ghàə̀, əne wɨ̀ nyaʼa nàʼ ɨka əmbɨ mɨ̀mə̌d mɨjìm ni mbɨ yeʼ bɔn Ŋwiə̀.

Ɨ̀fàʼì 5:32

Mbǎ mbɨ Əzwî ə Zeŋɨ ze nɨ Ŋwìə̀ naʼ əmbɨ ə bə̂d mbe nɨə zuunɨ əməd yɨə mɨ̀zərɨmbin ənɨ ɨnû mbɔ̂.”

Rm 8:14

Bə̂d mɨjìm mbe nɨ Əzwî ə Ŋwiə̀ ə tùmbɨ̀ə̀ yɨə bɔn Ŋwiə̀.

Rm 8:19

Ɨghɨjìm mbe nɨ Ŋwìə̀ tekɨ mbɨə kàŋə̀ wòmə̀ ni wɨ̀ chwi bɔn mbe nɨ yeʼ mbɨ məd,

Rm 8:23

Ka àmei ɨghɨ mbe nɨ Ŋwìə̀ nyaʼa tekɨ mbe ə chwèmə̀. Mba bə nɨ Əzwî ə Ŋwiə̀ ə yeʼ ɨŋga na, nɨ Əzwî ze ə yeʼ ɨneʼe rɨtu we nɨ Ŋwìə̀ naʼ ɨ na, wɨə bə̀ chwèm ɨŋga ta fîŋ ɨchî nɨ tɨə wòmə̀ ni Ŋwìə̀ nɨŋ əwa ənɨ mbi bɔn, ɨmbə̀ʼ choʼ ta nyamnyod tɨ ənɨ ŋgəʼ jìm.

Rm 8:26

À yɨə bə̀ əndəŋ əndəŋ ni Əzwî ə zɨə wèèrɨ̀ əwa ɨchî nɨ tɨ̀ bɔrɨ, ɨmbə̀ʼ ɨghəm nɨ chəi tɨ̀ kyerɨ ɨchî nɨ kɔŋgɨ ə Ŋwiə̀ ɨchî nɨ tɨ̀ berɨ nɨ kɔ̀ŋgɨ̀. Àyɨə ənɨ chəi tɨ̀ berɨ ɨŋgam nɨ ghàm, Əzwî ziə ə zɨə kɔ̀ŋgɨ̀ ə Ŋwiə̀ ənɨ a ɨghəm.

Rm 9:26

Ɨŋga əsɨ ze nɨ mbɨ nyaʼa gha əmbɨ mɨ̀mə̌d ni, 'Ka mbə yɨ ə mbɨ bə̂d,' mbɨ bɨrɨ tɔŋ mɨ̀mə̌d ənɨ ə 'Bɔn Ŋwiə̀ we nɨ yeʼ ɨkǎ.'”

Rm 9:8

Əzɔ̂ ə chwi ni kaʼi bɔn mɨjìm tɨ ənɨ əghaŋ ə Abràham nɨ yeʼ bɔn Ŋwiə̀. À yɨə bɔn mbe nɨ Ŋwìə̀ kaʼ ənû əmbɨ mɨ̀mə̌d yeʼ bɔn tɨ ənɨ əghaŋ ə Abràham.

2 Kɔrèn 1:12

Tɨ̀nîn, ənû ze nɨ tɨə goŋ ɨgɔ̂ ɨgun yɨ ni, ta fîŋ ə zeŋ ni tɨ̀ wɨə ghɨ̀ ɨnû nɨ zeŋɨ mbɨ ni tɨ̀ wɨə bə̀ ghɨ̀ ɨnû mbe nɨ yeʼ mbɨ rəsìʼ ɨchî nɨ tɨ̀ yeʼ ɨŋga ɨsɨg, màànɨ̀ ɨchî nɨ tɨ̀ yeʼ əkaʼ nən. À yɨ ɨ̀chɔ̀m we nɨ Ŋwìə̀ nyaʼa ghɨ ənɨ ə num nyaʼa ghɨ ni mə̀ ghɨ əne, kaʼi ɨwe bə̂d mɨ̀sɔŋɨchù.

2 Kɔrèn 1:22

zɨ̀ ənweenɨ əməd ɨgwɨ na, bə̀ zɨ̀ e Əzwî ɨŋga ta fîŋ. Əzwî ze yɨ əghɨ rəbɔʼ mbe nɨ wɨ̀ kaʼ ni tə bɨrɨ naʼ ɨ na.

2 Kɔrèn 5:5

Ŋwiə̀ nyaʼa fə tekɨ əwa ni tɨ̀ bɨrɨ berɨ nyamnyod fi. Əne wɨ̀ fə nàʼ e Əzwî ɨ na. Əzwî ze yɨ əghɨ rəbɔʼ mbe nɨ wɨ̀ nyaʼa kaʼ ni tə bɨrɨ naʼ ɨ na.

2 Kɔrèn 6:18

Mə bɨrɨ yeʼ Mbǎʼ ɨ nən, əne mbə bɨrɨ yeʼ mbɨ bɔn mbaŋə̀ mbɨ mbɨ bɔn məyi. Əzɔ̂ yɨ ənû nɨ Ə̀nùŋɨ̀sɨg Ŋwìə̀kɔʼ ghǎ.”

Gàlesìyà 3:26

Mbə̀n mɨjìm yɨə bɔn Ŋwiə̀ ənjìm ɨchî nɨ mbə̀ nuŋ fîŋ ɨgun ə Kristo Yeso.

Gàlesìyà 4:6

Ɨchî nɨ mbə̀ yeʼ bɔn, Ŋwìə̀ fə chà Əzwî ə Wan məd ɨŋga ta fîŋ. Əzwî ze ə zɨə kyeŋə ghàə̀ ni, “Mbǎʼ, mɨ Mbǎʼ!”

Efesùs 1:13

Mbə̀n bə̂ mbɨə nyaʼa ənɨ ɨfɔtɨ mbɨ Kristo, ənɨ mbə̀ nyaʼa zu ɨŋgam we nɨ yeʼ wɨ rəsìʼ, nɨ yeʼ ɨkə̂n chɔ̀m ɨmbə̀ʼ ɨchî nɨ Ŋwìə̀ bɨrɨ chɨ əwən rəŋgəʼ. Mbə nyaʼa zu benɨ, əne Ŋwiə̀ nyaʼa zɨ̀ ənweenɨ ɨgwɨ nən nɨ yeʼ Əzwî ə Zeŋɨ ze nɨ wɨ̀ nyaʼa kaʼi.

Efesùs 4:30

Tɨ mbə̀ ghɨ ə ni Əzwî ə Ŋwiə̀ ə Zeŋɨ ə kənə. Əzwî ə Zeŋɨ ze yɨ ənweenɨ nɨ chwi ni mbə yɨə bə̂d Ŋwiə̀ wò pè əni ze nɨ Ŋwìə̀ bɨrɨ choʼ mbə ɨtu.

1 Jɔn 3:1

Mbə̀ zə ɨchî nɨ Mbǎʼ ghaʼ əwa chè əbɔ. Əze ə fə ghɨ̀ wɨ̀ tɔŋ əwa ni tɨ̀ yɨ mbi bɔn. Tɨ̀ yɨə kàŋ mbɨwən. Əton nɨ chəi ɨsɨg kyerɨ əwa yɨ ni chəi wɨ̀ nyaʼa be kyerɨ əməd.

1 Jɔn 3:10

Ɨchî nɨ tɨ̀ rɨ̀ kyerɨ bə̂d mbe nɨ yeʼ bɔn Ŋwiə̀ mbɨ mbe nɨ yeʼ bɔn Debɨ̀rə̀ yɨ ni: Kaʼ wə̀d we nɨ chəi wɨə ghɨ̀ ɨnû nɨ kuʼnɨ, kɨ̀ we nɨ chəi wɨ̀ ghaʼ wi aŋgɔb yɨ i wə̀d Ŋwìə̀.

1 Jɔn 3:2

Mbɨ bɔŋgɔb nɨ mə̀ ghaʼi kwàʼ rɨŋgəʼ, tɨ̀ yɨə bɔn Ŋwiə̀ tɨ̀nîn. Chəi zɨə kɨrɨ zeŋ ni tɨ̀ kɨə wò yeʼ rɨ ye ənɨ ə Kristo wɨrɨ yeʼe. Ənû nɨ tɨ̀ kyerɨ yɨ ni tɨ̀ bɨrɨ yeʼ ɨghabɨ əməd, ɨmbə̀ʼ ɨghəm nɨ tɨ̀ bɨrɨ zə əməd ɨchî nɨ wɨ̀ yeʼ ə.

1 Jɔn 4:13

Ŋwìə̀ fə nàʼ e Əzwî ɨ na, əne wɔ̂ yɨ ɨnə̂njɨ̀ nɨ tɨ̀ kyerɨ ni məd wɨ ənɨ ənû ə mɔʼ mbɨ na bə̀ kyerɨ ni tɨ̀ wɨ ənɨ ənû ə mɔʼ mbɨ məd.

1 Jɔn 5:10

Wə̀d we nɨ ben Wan Ŋwìə̀ fə bə̀ ben ənû ze nɨ Ŋwìə̀ ghǎ. We nɨ chəi wɨ̀ ben ənû ze nɨ Ŋwìə̀ ghǎ ɨmbə̀ʼ i Wan wɨə ghàə̀ ni Ŋwìə̀ yɨə wə̀d mɨghab, ɨmbə̀ʼ ɨghəm nɨ chəi məd ben ənû ze nɨ Ŋwìə̀ ghǎ ɨmbə̀ʼ i Wan.

Ɨnû 21:7

Wə̀d we nɨ baŋ ɨnû rɨbɔ̀ŋ bɨrɨ jɨg ɨghɨ mbɔ̂ jìm. Mə bɨrɨ yeʼ Ŋwìə̀ məd, məd bə̀ yeʼ mɨ wan.