Rm 15:1 - Meta’

¹ Mba mbe nɨ a ɨbenɨ kaanɨ berɨ yim fîŋ mbɨ mbe nɨ ɨbenɨ mɨ̀mə̌d kɨrɨ bɔd. Tɨ rɨ̀ ghɨ a àmei ɨnû mbe nɨ bɨrɨ ghɨ ni ta fîŋ bɔŋ ə.

Ikan feg

¹ Mba mbe ne ìwa ibḛfiŋ ka tè kòʼ ni ya nyìmbe fìŋ tì bəd mbe ne ìwɔb ibḛfiŋ bɔri. Imbə̀ʼ tì ya ghìyə̀ awa məyi inug ne bɔŋi ina.

Rm 15:1 Iomraidhean Croise

Rm 14:1

“Mbə̀ nɨŋ bə̂d mbe nɨ ɨbenɨ mɨ̀mə̌d bɔrɨ, àyɨə tɨ mbə̀ taŋ ə mbɨ mɨ̀mə̌d ɨmbə̀ʼ tɨkɔndɨ mɔʼɔ te nɨ mbɨ berɨ.

Rm 14:2

Wə̀d mɔʼɔ ə ben ni tə we tɨ̀ rə jɨg ɨghɨjìm, àyɨə we nɨ ɨbenɨ məd bɔrɨ we tɨ̀ wɨ̀ jɨg àmei mbòb.

Rm 4:20

Chəi ənû ə mɔʼɔ nɨ tɨ̀ zɨə nyaʼa kwepɨ ɨbenɨ məd, əne chəi wɨ̀ bid ənû ze nɨ Ŋwìə̀ nyaʼa kaʼi. Ɨbenɨ fîŋ məd nyaʼa kàànɨ̀, əne wɨ̀ nyaʼa yiirɨ ə Ŋwiə̀.

1 Kɔrèn 4:10

Tɨ̀ yɨ ɨneŋ ɨmbə̀ʼ ɨchî nɨ tɨə fàʼ əmbɨ Kristo, àyɨə mbə yɨə bə̂d ɨwe ɨchî nɨ mbə̀ fɔtɨ mbɨ Kristo. Tɨ̀ bɔd, àyɨə mbən ə kà. Bə̂d mbɨə wumnɨ əwən, àyɨə ɨ mbɨə tìbrɨ̀ əwa!

1 Kɔrèn 9:22

Ənɨ mə̀ yeʼ əkaʼ bə̂d mbe nɨ bɔrɨ, mə bə̀ bɔd, ɨmbə̀ʼ mə̀ ghɨ ni bə̂d mbe nɨ bɔrɨ ben ə Kristo. Mə fə bèŋ ənɨ ɨghɨjìm əmbɨ ə bə̂d mɨ̀jìm, ɨmbə̀ʼ mə̀ che ənɨ tɨkwɨrɨ ɨnə̂njɨ̀ jìm chɨ̀ mbɨ mɔʼɔ rəŋgəʼ.

2 Kɔrèn 12:10

À yɨ əton nɨ ɨmbə̀ʼ ə Kristo, mɨ fîŋ zɨ i ɨchî chɔ̀m mbɨ ɨghɨ mbe nɨə ghɨ̀ ni mə bɔd, mbɨ mɨzɔ̂m, mbɨ ɨnû mbe nɨə nyèm əmɨ, mbɨ ɨchî nɨ bə̂d ə nwèndɨ̀ tum rɨkyerɨ-ɨwu fɔrɨ mbɨ ɨchî nɨ ŋgəʼ nɔnɔʼ ə nyɨ ə ɨgwɨ num, ɨmbə̀ʼ ɨghəm nɨ ənɨ mə bɔrɨ, mə wɨ ɨkǎ.

Efesùs 6:10

Ənû ze nɨ mə bɨrɨ sɨ nwìə̀ gha ɨ nən yɨ ni: Mbə̀ chub ənɨ ɨfɔtɨ mbɨ Ə̀nùŋɨ̀sɨg ɨmbə̀ʼ ɨkǎ məd we nɨ che ɨka jìm we tɨ̀ wɨ ghɨ̀ tə fîŋ kàànɨ̀.

Fìlipì 2:4

Tɨ mbə̀ neŋ ə àmei ɨnû mbe nɨ de əwən. Mbə̀ neŋə mbɨ mbe nɨ de bə̂d cherə.

1 Tèsàlonikà 5:14

Mba bɔŋgɔb, tɨ̀ wɨə buʼ ɨ bɔ ɨ nən ni mbə̀ patɨ mɨgwed, nɔɔrɨ ɨka mbe nɨə bɔ ɨnû, weerɨ mbe nɨə kəb ə̀wèèrɨ̀, bə nyiʼə ghàm əmbɨ ə wə̀d jìm.

2 Timotì 2:1

À yeʼ ɨmbə̀ʼ əwe, àwɔ̀ Timotì mɨ wan, à berɨ təm kaanɨ ɨŋga ɨ̀chɔ̀m we nɨ Ŋwiə̀ ghɨ ənɨ ə na ənjìm ɨchî nɨ tɨ̀ yeʼ ənɨ ɨfɔtɨ mbɨ Kristo Yeso.

1 Jɔn 2:14

Mbɨ bɔn, mə wɨə ŋwàʼnɨ̀ ɨ nən ɨmbə̀ʼ ɨghəm nɨ mbə̀ kyerɨ ə Mbǎʼ. Mɨ̀mbǎʼ, mə wɨə ŋwàʼnɨ̀ ɨ nən ɨmbə̀ʼ ɨghəm nɨ mbə̀ kyerɨ məd we nɨ nyaʼa i əŋgu bɔŋ Ŋwìə̀ nyaʼa sɨə tekɨ ɨsɨg. Ŋgwàʼ bə̂d, mə wɨə ŋwàʼnɨ̀ ɨ nən ɨmbə̀ʼ ɨghəm nɨ mbə̀ berɨ ɨka, ɨŋgam Ŋwiə̀ wɨ ɨŋga nən, mbə̀ fə bə̀ baŋ wə̀d rɨ̀bɔ̀ŋ.