Rm 13:7 - Meta’

⁷ Mbə̀ naʼ ɨghɨ əmbɨ ə bə̂d mbe nɨ mbə̀ berɨ nɨ naʼ əmbɨ mɨ̀mə̌d. Mbə̀ maʼ mɨ̀tagsɨ̀ əmbɨ ə bə̂d mbe nɨə fetɨ mɨ̀tagsɨ̀. Mbə̀ chwɨ mɨ̀tagsɨ̀ ɨgwɨ ɨghɨ mbe nɨ mbə berɨ əmbɨ ə bə̂d mbe nɨ mbɨə chwɨ əmbɨ mɨ̀mə̌d. Mbə̀ bɔ bə̂d mbe nɨ mbə̀ berɨ nɨ bɔ, bə̀ wumnɨ mbe nɨ mbə̀ berɨ nɨ wumnɨ.

Ikan feg

⁷ Mbə̀ naʼa ighi bəd mbe ne mbə̰ mbe nyìme ìmbɔb ighi. Àmə yaʼ tag, mbə̀ naʼa, kə̀ àkə ikab, mbə̀ naʼa. Àmə yaʼ bəd mbe ne mbə̀ beri ni ghumni awɔb, mbə̀ ghumni.

Rm 13:7 Iomraidhean Croise

Matìyò 17:25

Pità nyaʼa ben ni, “Ee! Ɨ wɨə màʼə̀.” Ənɨ Pità nyaʼa wo nyɨ ə nəb, Yeso nyaʼa bè ghàm ɨ bɔ biirɨ ni, “Saimòn, à kɔn ə ze ni yè ə? Mɨfɔ̂n mbe rɨ ɨgwɨ ə si kɨə nɨŋə ŋgòmɨ̀ kɨ̀ mɨ̀tagsɨ̀ rɨ əmbɨ mɨ̀we ə? Mbɨ kɨə nɨŋə rɨ əmbɨ ə bə̂d əbeŋ kɨ̀ rɨ əmbɨ ə bə̂d rɨ̀sɔ̀ʼɔ̀ ə?”

Matìyò 22:21

Mbɨ nyaʼa wììrɨ̀ ni, “À yɨ wɨ Kaisà.” Əne wɨ̀ nyaʼa ghà əmbɨ mɨ̀mə̌d ni, “Mbə̀ nàʼ ɨghɨ Kaisà əmbɨ Kaisà, bə̀ nàʼ ɨghɨ Ŋwiə̀ əmbɨ ə Ŋwiə̀.”

Mk 12:17

Yeso nyaʼa ghà əmbɨ mɨ̀mə̌d ni, “Mbə̀ naʼ ɨghɨ Kaisà əmbɨ Kaisà, bə̀ nàʼ ɨghɨ Ŋwiə̀ əmbɨ ə Ŋwiə̀.” Mbɨ nyaʼa kàŋ yiirɨ ɨchî nɨ wɨ̀ nyaʼa wiirɨ ɨŋgam we.

Lk 20:22

Tɨkə ə wa chwiə ni tɨ̀ maʼ mɨ̀tagsɨ̀ əmbɨ Kaisà, kɨ̀ chə ə?”

Lk 20:25

Wɨ̀ nyaʼa ghà əmbɨ mɨ̀mə̌d ni, “Əne mbə̀ naʼ ɨghɨ Kaisà əmbɨ Kaisà, bə̀ nàʼ mbɨ Ŋwiə̀ əmbɨ ə Ŋwiə̀.”

Lk 23:2

Mbɨ nyaʼa pè əŋgu kɔ zɨ ɨsaʼi ɨgwɨ məd ghàə̀ ni, “Tɨ̀ kəʼ zə mbaŋə̀ zɔ̂ ənɨ wɨə bùùrɨ̀ a əbeŋ ghàə̀ ni tɨ bə̂d maʼ ə mɨ̀tagsɨ̀ əmbɨ Kaisà. Ɨ wɨə nyaʼə bə̀ ghàə̀ ni tə yɨə Wə̀d we nɨ Ŋwiə̀ zɔʼɔ, nɨ yeʼ ɨfɔ̂n.”

Rm 12:10

Mbə̀ ghaʼ mbə bɔŋgɔb ɨchî nɨ bɔŋgɔb berɨ ghaʼrɨ ə ɨnyod. Mbə̀ bə wumnɨ mbə bɔŋgɔb chè ɨchî nɨ mbə̀ə wumnɨ ə ɨnyod.

Rm 13:6

Əton nɨ mbə̀ə bə̀ màʼ mɨ̀tagsɨ̀ yɨ ni, bə̂d mbe nɨə tùmbɨ̀ əwən yɨə bə̂d ə̀fàʼì Ŋwiə̀. Mbɨ berɨ zɨ ətu àmei ənɨ ə̀fàʼì ze.

Efesùs 5:33

Əne mbaŋə̀ mɔʼ mɔʼ rəbɔʼ nən ghaʼ i ɨwi ɨchî nɨ wɨ̀ ghaʼ i ɨnyod. Əyi berɨ bɨ wumnɨ i nom.

Efesùs 6:5

Ɨ̀bòʼò, mbə̀ zuunɨ mbə mɨ̀mbǎʼ ə̀fàʼì mbe rɨ ɨgwɨ ə si. Mbə̀ gundɨ ə si əmbɨ mɨ̀mə̌d bə̀ wumnɨ mɨ̀mə̌d. Mbə̀ ghɨ əne ənɨ ə fîŋ nɨ zeŋɨ ɨghabɨ ni mbə mbɨə wumnɨ ə yeʼ ə Kristo.

1 Timotì 5:13

Kaʼ àmei əze, mbɨ bɨrɨ kwembɨ ənû nɨ kɔ ghɨ ɨgwed. Mbɨ bɨrɨ bə̀ kɔ ghanə nyɨrə nəb. Kaʼ àmei ənû nɨ ghɨ ɨgwed, mbɨ bɨrɨ kɔ ghanə ghɨ̀ mɨniə bə̀ kɔ zɨ ɨchû ɨŋga ɨnû mbe nɨ chəi mbɨ de mɨ̀mə̌d. Mbɨ bɨrɨ bə̀ kɔ ghà ɨnû nɨ chəi mbɨ berɨ nɨ ghà.

1 Timotì 5:17

Zə ni mbɨ naʼ ɨwumnɨ əmbɨ ə bə̂d mbe nɨə chà ɨfetɨ bə̂d Kristo bə̀ jeŋgɨ chɔʼ ə̀fàʼì mɨ̀mə̌d, maanɨ mbe nɨə fàʼ rɨkǎ nɨ ghà ɨŋgam Ŋwiə̀ bə̀ fɔrɨ ni chwi ɨnû ɨmbə̀ʼ ə Kristo.

1 Timotì 6:1

Bə̂d Kristo mɨ̀jìm mbe nɨ yeʼ ɨ̀bòʼò berɨ naʼ ɨwumnɨ əmbɨ mbə mɨ̀mbǎʼ ə̀fàʼì ənɨ rɨkwɨ ɨnə̂njɨ̀ jìm, ɨmbə̀ʼ tɨ bə̂d mbe nɨ chəi mbɨ ben ə Kristo gha ə ɨnû rɨbɔ̀ŋ mɔʼɔ ɨmbə̀ʼ ə Ŋwiə̀ fɔrɨ ɨmbə̀ʼ ɨkə̂n chɔ̀m we nɨ tɨə ghàə̀.

1 Pità 3:7

Əndəŋ əndəŋ, mbə̀n mɨnom berɨ wumnɨ mbə məyi bə̀ chubɨ mbɨ mɨ̀mə̌d ɨchî nɨ kuʼnɨ. Mbə mɨə yeʼə ghɨ̀ əne, njɨ mbə̀ kyerɨ ni mɨ̀mə̌d ə bɔd chè əwən. Mbə ghɨ əne ɨmbə̀ʼ ɨghəm nɨ Ŋwiə̀ bɨrɨ naʼ ɨ̀tènɨ̀ əmbɨ mbə̀n mɨ̀jìm. Mbə ghɨ əne ɨmbə̀ʼ tɨ əghɨ ə mɔʼɔ ə kən i ə ə̀kɔ̀ŋgɨ̀.