Rm 10:10 - Meta’

¹⁰ À yɨ ɨmbə̀ʼ ɨchî nɨ wə̀d benɨ nɨ ghɨ̀ ni wɨ̀ təm kùʼnɨ̀. À yɨə bə̀ ɨmbə̀ʼ ɨchî nɨ wə̀d ə ghàm ənɨ i ɨchû nɨ ghɨ̀ ni wɨ̀ jwɨ rəŋgəʼ.

Ikan feg

¹⁰ À ya anjìm ibḛfiŋ ne wə̀d we tə̀mə kòʼò imbìghè abə Ŋwiye. Wə̀d mə bə̀ ghà ane ìwi ichug gha zìye bḛ, tengàŋ biri pum.

Rm 10:10 Iomraidhean Croise

Mk 9:23

Yeso nyaʼa ghà ɨ bɔ ni, “À ghà ni, 'A mɨ yeʼ nɨ tɨ̀ à ghɨ̀ ənû ə mɔʼɔ!' Kyerɨ ni chəi ənû ə mɔʼɔ nɨ tɨ̀ zɨə chè wə̀d we nɨ benɨ.”

Lk 8:15

Ɨghɨ mbe nɨ nyaʼa feŋ ɨŋga si chɔ̀m, yɨə bə̂d mbe nɨ ənɨ mbɨ zu ɨŋgam we, mbɨ yim wɨ kàànɨ ɨŋga tə fîŋ te nɨ zeŋɨ bə̀ bɔ̀ŋ, əne yim fîŋ pè ənɨ mbɨ ghɨ ɨnû mbe nɨ Ŋwìə̀ kə̀bɨ.

Ɨ̀fàʼì 8:37

Filip nyaʼa ghà ni, “À mɨ ben ə Yeso Kristo ənɨ e fîŋ jìm, mə we tɨ̀ mə nàʼ mɨnib ɨ ne.” Wə̀d kyeŋ we nyaʼa wììrɨ̀ ni, “Mə ben ni Yeso Kristo yɨə Wan Ŋwìə̀.”]

Rm 10:11

Ə zɨ ɨŋga Ə̀ŋwàʼnɨ̀ ə Ŋwiə̀ ni, “Ka Ŋwìə̀ bɨrɨ naʼ i tɨ̀nìd ətu əmbɨ wə̀d we nɨ nuŋ fîŋ ɨgwɨ məd,”

Rm 10:9

À mɨ ghà ənɨ e ɨchû ni Yeso yɨ Ə̀nùŋɨ̀sɨg bə̀ ben ɨŋga e fîŋ ni Ŋwìə̀ nyaʼa zwemnɨ əməd, à bɨrɨ jwɨ rəŋgəʼ.

Gàlesìyà 2:16

Ənû nɨ tɨ̀ kyerɨ yɨ ni chəi wə̀d təm kùʼnɨ̀ ɨfě Ŋwiə̀ ɨchî nɨ wɨə nùŋə̀ tɨkə rɨ Mose. Wɨ̀ təm kùʼnɨ̀ àmei ɨchî nɨ wɨ̀ nuŋ fîŋ ɨgun ə Yeso Kristo. Mba bə̂ fə nuŋ fîŋ ɨgun ə Kristo Yeso, əne tɨ̀ fə təm kùʼnɨ̀ ənjìm ɨchî nɨ tɨ̀ nuŋ fîŋ ɨgun ə Kristo, kaʼi ɨmbə̀ʼ ɨchî nɨ tɨ̀ nuŋ tɨkə rɨ Mose. Chəi wə̀d bɨrɨ təm kùʼnɨ̀ ɨchî nɨ wɨə nùŋə̀ rɨkə.

Fìlipì 3:9

əne fɔtɨ sɨ ənû ə mɔʼ mbɨ məd. Chəi mə̀ təm kùʼnɨ̀ ɨmbə̀ʼ ɨghəm nɨ mɨə ghɨ̀ ɨnû mbe nɨ yeʼ ɨŋga rɨkə. Mə təm kuʼnɨ ənjìm ɨchî nɨ mə̀ nuŋ fîŋ ɨgun ə Kristo. Ŋwìə̀ fə ghɨ̀ ni mə təm kùʼnɨ̀ ənjìm ɨchî nɨ mə̀ nuŋ fîŋ ɨgun ə Kristo.

Mə̀Hibrù 10:22

Əne tɨ̀ tindɨ ɨban ə Ŋwiə̀ mbɨ ə fîŋ jìm bə̀ nùŋ ta rɨkɔndɨ jìm àmei ɨgwɨ məd. Tɨ̀ ghɨ̀ əne mbɨ ə fîŋ nɨ mbɨ fə zeŋnɨ tɨ ənɨ tɨkɔndɨ rɨbɔ̀ŋ. Tɨ̀ bə̀ ghɨ̀ əne ənɨ ə nyamnyod nɨ mbɨ so ənɨ mɨnib nɨ zeŋɨ.

Mə̀Hibrù 3:12

Mbə̀ we əwən, kyɨə bɔŋgɔb, ɨmbə̀ʼ tɨ wə̀d mɔʼɔ rəbɔʼ nən berɨ i fîŋ rɨbɔ̀ŋ nɨ chəi zɨ ben ə Ŋwiə̀, əne ghɨ̀ mbə̀ sàŋ Ŋwìə̀ we nɨ yeʼ ɨkǎ.

1 Jɔn 4:15

Wə̀d we nɨ ben ni Yeso yɨə Wan Ŋwìə̀ wɨ ənɨ ənû ə mɔʼ mbɨ ə Ŋwìə̀. Ŋwìə̀ wɨə bə̀ ənɨ ənû ə mɔʼ mbɨ məd.

Ɨnû 2:13

Mə kyerɨ əsɨ ze nɨ àwɔ̀ ə chub əŋgu, əne yɨ əsɨ ze nɨ ətən ɨfɔ̀n ə Satàn ə yeʼ əŋgu. Yim mɨ ɨkum wɨ wò ɨmbì. Chəi à nyaʼa sob nɨ nuŋ fîŋ ɨgwɨ num, ka àbei ənɨ ə nyùmə̀ Antipàs we nɨ nyaʼə ghà ɨnû ɨmbə̀ʼ əmɨ ənɨ i fîŋ jìm. Mbɨ nyaʼa zwiirɨ əməd əkaʼ nən əsɨ ze nɨ Satàn ə chubə.