Mk 8:2 - Meta’

² “Mə wɨə kàŋə̀ kə̀n ɨmbə̀ʼ ɨnɔ̂n bə̂d wɔ̂, ɨmbə̀ʼ ɨghəm nɨ mbɨ fə chubɨ mbɨ num ɨni tad, əne chəi mbɨ wɨrɨ berɨ əghɨ ə mɔʼɔ nɨ tɨ̀ mbɨ jɨg.

Ikan feg

² “Mə we sɔ̀mnɔ̀ ako imbə̀ʼ inɔ̰ bəd gho̰ imbə̀ʼ icheg ne mbi fə chughi tì inum ineg itad. Ane, chəyi mbi ywirì bèrì aghi mɔ̀ʼɔ ne tì mbi jəg.

Mk 8:2 Iomraidhean Croise

Matìyò 14:14

Ənɨ wɨ̀ nyaʼa jwɨ rɨŋga əbaŋ ɨgyɨ̀ ze wò əsaŋ, wɨ̀ nyaʼa zə bə̂d kwàʼ mɨ̀nɔnɔʼ. Ə̀kə̀n ə nyaʼa swi ɨŋga fîŋ məd ɨmbə̀ʼ bə̂d mbe, əne wɨ̀ nyaʼa vɨ̀ mbe nɨ nyaʼə wɔ̀nə̀.

Matìyò 20:34

Yeso nyaʼa kə̀n ənɨ mɨ̀mə̌d, əne bètɨ̀ əghə mɨ̀mə̌d. Àmei əwu əwən, mbɨ nyaʼa wɨrɨ kɔ zə ɨsɨ, əne mbɨ nyaʼa nɔ̀ʼ beenɨ əbɔʼ məd.

Matìyò 9:36

Ənɨ wɨ̀ nyaʼa zə mɨnɔ̂n bə̂d mbe, wɨ̀ nyaʼa kàŋ kə̀n ənɨ mɨ̀mə̌d, ɨmbə̀ʼ ɨghəm nɨ mbɨ nyaʼə zəə ŋgəʼ bə̀ fɔrɨ ɨmbə̀ʼ ɨghəm nɨ chəi wə̀d nɨ nyaʼə wèèrɨ̀ mɨ̀mə̌d. Mbɨ nyaʼa ɨghabɨ ə njɨ̀g nɨ chəi wə̀d ə nə̀ŋgɨə.

Mk 1:41

Yeso nyaʼa nèŋ əməd kə̀nə̀, əne wɨ̀ nyaʼa sèm e əbɔ bètɨ̀ əməd ghà ɨ bɔ ni, “Mə ghaʼ nɨ ghɨ əne. Ɨnyod, zeŋ!”

Mk 5:19

Chəi Yeso nyaʼa benɨ, àyɨə wɨ̀ nyaʼa ghà ɨ bɔ ni, “Wo əwe ɨnuʼ əsɨ mbe bə̂d, pè ghà ənû ə kyeŋ ze nɨ Ə̀nùŋɨ̀sɨg ghɨ̌ ənɨ ə ne, bə̀ ghà ɨchî nɨ wɨ̀ diirɨ əwe.”

Mk 6:32

Əne mbɨ nyaʼa nyɨ əbaŋ ɨgyɨ̀ wò əsɨ nɨ chəi bə̂d nyaʼə chub əŋgu. Mbɨ nyaʼa pè chub əŋgu àmei mɨ̀mə̌d mɨ̀mə̌d.

Mk 6:34

Ənɨ Yeso nyaʼa jwɨ rɨŋga əbaŋ ɨgyɨ̀ ze wò əsaŋ, wɨ̀ nyaʼa zə bə̂d kwàʼ ɨnɔ̂n kyeŋ. Ə̀kə̀n ə nyaʼa swi ɨŋga fîŋ məd ɨmbə̀ʼ bə̂d mbe, ɨmbə̀ʼ ɨghəm nɨ mbɨ nyaʼa ɨghabɨ ə njɨ̀g nɨ chəi ənə̂ŋgɨ̀-njɨ̀g əbɔʼ mɨ̀mə̌d. Wɨ̀ nyaʼa ghɨ̀ əne kɔ chwi ɨnû nɔnɔʼ əmbɨ mɨ̀mə̌d.

Mk 8:3

Mə mɨ chà mɨ̀mə̌d ɨnûʼ njì, njɨ mbɨ bɨrɨ gù ɨnə̂njɨ̀ nə̀ŋə̀, ɨmbə̀ʼ ɨghəm nɨ mbɨ mɔʼɔ rəbɔʼ mɨ̀mə̌d kàŋ nɔ̀ʼ rɨ əsa əgha.”

Mk 9:22

Ə zɨə kɨə mèʼ əməd ɨŋga ɨwid bə̀ fɔrɨ ɨŋga mɨnib, ɨmbə̀ʼ zwiirɨ əməd. À mɨ yeʼ nɨ tɨ̀ à ghɨ̀ ənû ə mɔʼɔ, njɨ kaŋ dììrɨ̀ əwa bə̀ wèèrɨ̀ əwa.”

Lk 15:20

Wɨ̀ nyaʼa kɔndɨ əne, nɔ̀ʼ kɔ wo əsɨ i mbǎʼ. “Ənɨ wɨ̀ nyaʼa kɨrɨ əsa əgha, mbǎʼ məd nyaʼa zə əməd, kə̀nə̀, əne nòrə̀ wò gywɨ̀ əməd yimɨ, sɔɔrɨ ndə̀ʼ rɨ məd.

Lk 7:13

Ənɨ Ə̀nùŋɨ̀sɨg nyaʼa zə əməd, wɨ̀ nyaʼa kə̀n ənɨ məd ghà ɨ bɔ ni, “Tɨrə̀ dì e.”

Mə̀Hibrù 2:17

À yɨ əton nɨ wɨ̀ nyaʼa berɨ yeʼ ɨghabɨ mbi bɔŋgɔb ənɨ ɨnû jìm, ɨmbə̀ʼ wɨ̀ yeʼ ətu ɨgwɨ ə bə̂d mbàn Ŋwìə̀. Ɨ wɨə dììrɨ̀ə̀ bə̂d bə̀ fàʼ əmbɨ ə Ŋwiə̀ ənɨ i fîŋ jìm. Ɨ wɨə ghɨ̀ əne ɨmbə̀ʼ Ŋwìə̀ waʼ ɨnû rɨbɔ̀ŋ bə̂d.

Mə̀Hibrù 4:15

Chəi tɨ̀ berɨ ətu ɨgwɨ ə bə̂d mbàn Ŋwìə̀ nɨ chəi ənɨ tɨ̀ wɨ̀ kən ɨmbə̀ʼ ɨchî nɨ tɨ̀ bɔrɨ. Tɨ̀ berɨ yeʼ we nɨ mbɨ nyaʼa numbɨ əməd ənɨ mɨ̀nə̂njɨ̀ jìm ɨchî nɨ mbɨə bə̀ numbɨ əwa, àyɨə chəi wɨ̀ nyaʼa ghɨ̌ ənû rɨbɔ̀ŋ.

Mə̀Hibrù 5:2

Ɨ wɨə nyeʼə ghɨ̀ ɨnû ənɨ əbɔrəbɔd ənɨ ə bə̂d mbe nɨə fàn ɨnû. Ɨ wɨə ghɨ̀ əne ɨmbə̀ʼ ɨghəm nɨ chəi mbɨ kyerɨ ɨnû mbe nɨ mbɨə ghɨ̀ə̀. Ɨchî nɨ mbɨ bɔd yɨə bə̀ ɨchî nɨ məd ziə bə bɔd ənɨ mɨnə̂njɨ̀ nɔnɔʼ.