Mə̀Hibrù 2:18 - Meta’

¹⁸ Ɨchî nɨ wɨ̀ nyaʼa zə ŋgəʼ ənɨ Satàn nyaʼa numbɨ əməd, ɨ we tɨ̀ wɨ̀ bə̀ wèèrɨ̀ bə̂d mbe nɨ Satàn ə numbɨ mɨ̀mə̌d.

Ikan feg

¹⁸ Məd we tì wì wèti bəd mbe ne Sàtàn we kwàʼrà awɔb imbə̀ʼ icheg ne məd ini ya bə̀ zə̰ ngəʼ anyumə̀ ne Sàtàn ya kwàʼri aməd.

Mə̀Hibrù 2:18 Iomraidhean Croise

Lk 22:28

“Mbə mbɨə nyaʼa mbɨ num ənɨ mɨ̀nyùmə̀ jìm mbe nɨ mbɨ nyaʼə kwàʼnɨ̀ əmɨ.

Lk 22:53

Mə wɨə nyaʼa mbɨ nən ɨni jìm ɨŋga mbàn Ŋwìə̀. Chəi mbə nyaʼa gywɨ əmɨ. Àyɨə ə nyùmə̀ fə kuʼi, nɨ wə̀d we nɨə tùmbɨ̀ ɨsɨ firɨ fə naʼ ɨka ɨ nən.”

Jn 10:29

Mɨ Mbǎʼ we nɨ naʼ njɨ̀g tɔ̂ ɨ num ə chè wə̀d jìm. Chəi wə̀d nɨ tɨ̀ wɨ̀ fe mɨ̀mə̌d rɨ əmbɨ mɨ Mbǎʼ.

1 Kɔrèn 10:13

Chəi ənû ə mɔʼɔ ə kweʼ numbɨ əwən nɨ chəi zɨə kweʼ numbɨ bə̂d cherə. Ŋwìə̀ wɨə ghɨ̀ ənû ze nɨ wɨ̀ kàʼi, əne ka wɨ̀ bɨrɨ saŋ i ni ənû ə mɔʼɔ ə numbɨ əwən chè ə ɨka. Ənɨ mbɨ numbɨ əwən, wɨ̀ bɨrɨ chwi ɨnə̂njɨ̀, ɨmbə̀ʼ mbə mbe tɨ̀ mbə nyìʼ ənû ze.

Fìlipì 3:21

Məd bɨrɨ kwepɨ ta nyamnyod tɔ̂ nɨə kwɨə, əne ghɨ̀ tɨ̀ berɨ nyamnyod ɨghabɨ zɨ məd ze nɨ wɨ̀ nyaʼa zwemə mbɨ zɨwən. Wɨ̀ bɨrɨ ghɨ əne ənjìm ɨka we nɨə ghɨ̀ ni wɨ̀ tumbɨ ɨghɨjìm.

2 Timotì 1:12

À yɨ əton nɨ mɨə zəə ŋgəʼ ɨchî nɨ mɨə zəə. Àyɨə chəi mɨ ətu ə nìd ɨmbə̀ʼ ɨghəm nɨ mə kyerɨ wə̀d we nɨ mə nuŋ mɨ fîŋ ɨgwɨ məd. Mə bə̀ kàŋ kyerɨ ni ɨ we tɨ̀ wɨ̀ nəŋgɨ ənû ze nɨ wɨ̀ zɨ ɨŋga tum rɨkyerɨ-ɨbɔ pè əni ze nɨ Ŋwiə̀ bɨrɨ saʼ ɨsɨg.

Mə̀Hibrù 5:2

Ɨ wɨə nyeʼə ghɨ̀ ɨnû ənɨ əbɔrəbɔd ənɨ ə bə̂d mbe nɨə fàn ɨnû. Ɨ wɨə ghɨ̀ əne ɨmbə̀ʼ ɨghəm nɨ chəi mbɨ kyerɨ ɨnû mbe nɨ mbɨə ghɨ̀ə̀. Ɨchî nɨ mbɨ bɔd yɨə bə̀ ɨchî nɨ məd ziə bə bɔd ənɨ mɨnə̂njɨ̀ nɔnɔʼ.

2 Pità 2:9

Əne yɨ ni Ə̀nùŋɨ̀sɨg ə kyerɨ ɨchî nɨ chɨ bə̂d mbe nɨə wumnɨ əməd tɨ ənɨ ɨ̀kwàʼnɨ̀. Wɨ̀ bə̀ kyerɨ ɨchî nɨ chə mbe nɨ chəi mbɨə ghɨ̀ ɨnû nɨ kuʼnɨ. Wɨ̀ bɨrɨ nuŋ mɨ̀mə̌d wò pè əni ze nɨ wɨ̀ bɨrɨ nwìə̀ saʼ ɨsɨg,

Jûd 1:24

Tɨ̀ yiirɨ ə Ŋwìə̀ we nɨ tɨ̀ wɨ̀ nùŋ əwən ni tɨ mbə̀ gu ə. Ɨ we tɨ̀ wɨ̀ ghɨ̀ ni mbə̀ zeŋ màànɨ̀ ɨfě məd bə̀ ghɨ̀ ni mbə̀ sɨə ghaʼrɨə.

Ɨnû 3:10

Ɨchî nɨ à fə yim fîŋ nyìʼ ɨchî nɨ mə nyaʼa gha ɨ ne, mə bɨrɨ nəm əwe ənɨ ə nyùmə̀ we nɨ ŋgəʼ bɨrɨ yeʼe ɨgwɨ ɨsɨg jìm ɨmbə̀ʼ kwaʼnɨ bə̂d mbe nɨ yeʼ ɨgwɨ ə si.