Jems 1:19 - Meta’

¹⁹ Mbɨ bɔŋgɔb nɨ mə̀ ghaʼi kwàʼ rɨŋgəʼ, mbə̀ berɨ kyerɨ ənû zɔ̂. Wə̀d jìm tɔ ɨ̀tǒŋ zu ənû. Tɨ wɨ̀ kɨə ghàm i. Tɨ wɨ̀ kɨə sə i ɨtəm,

Ikan feg

¹⁹ Ìmbum məfi fɔrɔ ìtum njàbi ne mə̀ taŋ kɔ̀ŋ, mbə̀ ya tɔ àtɔ̀ŋi ane anug. Imbə̀ʼ mbə̰ ya kə ghàmà awən. Imbə̀ʼ mbə̰ ya bə̀ kə gàŋa awən.

Jems 1:19 Iomraidhean Croise

Matìyò 5:22

Àyɨə mə wɨə ghà ɨ nən ni: Wə̀d mɔʼɔ mɨ sə ɨtəm əbɔʼ wi aŋgɔb, mbɨ bɨrɨ saʼ əməd. Wə̀d mɔʼɔ mɨ zɔ̀m wi aŋgɔb, mbɨ bɨrɨ nɨŋ əməd wò ni mə̀saʼ əbeŋ saʼ əməd. Wə̀d mɨ ghà əmbɨ wi aŋgɔb ni, 'Àwɔ̀ yɨ əneŋ!' mbɨ bɨrɨ maʼ əməd ɨŋga əsɨ ɨchə nɨ chəi ɨwid ə nɔ nìmə.

Mk 12:37

Dèvîd ziə wɨə tɔŋ əməd ənɨ Ə̀nùŋɨ̀sɨg. Zɨə sɨ wɨrɨ chè rɨ ye ni məd yɨə wan tɨ ənɨ əghaŋ əməd ə?” Ɨnɔ̂n bə̂d we nyaʼa ghaʼ nɨ zu ənû ze nɨ wɨ̀ nyaʼə ghàə̀.

Mk 2:2

Bə̂d mɨ̀nɔnɔʼ nyaʼa wò fetɨ ɨŋga nəb ze nɨ wɨ̀ nyaʼə chubə, əne nəb ze nyaʼa swi nɨ chə nyaʼa wɨrɨ i əpan ɨŋga nəb kɨ̀ ɨfě nəb nɨ tɨ̀ bə̂d nyaʼa təmbɨ əŋgu. Yeso nyaʼa zə əne kɔ gha ɨŋgam Ŋwiə̀ əmbɨ mɨ̀mə̌d.

Lk 15:1

À nyaʼa əni ə mɔʼɔ, məfetɨ mɨ̀tagsɨ̀ nɔnɔʼ mbɨ ə bə̂d nɨə ghɨ̀ ɨnû rɨbɔ̀ŋ nyaʼa wò fetɨ ɨban ə Yeso ɨmbə̀ʼ zwetɨ ənû ze nɨ wɨ̀ nyaʼə ghàə̀.

Lk 19:48

àyɨə chəi mbɨ nyaʼa zə ɨnə̂njɨ̀ nɨ zwiirɨ əməd ɨmbə̀ʼ ɨghəm nɨ bə̂d mɨjìm mbɨə nyaʼə kə̀b zu ɨnû jìm mbe nɨ wɨ̀ nyaʼə ghàə̀.

Ɨ̀fàʼì 1:15

À nyaʼa ənɨ ə nyùmə̀ we, Pità nyaʼa nɔ̀ʼ təm əkaʼ bə̂d mbe nɨ nyaʼa ben ə Kristo, nɨ nyaʼa fɔtɨ əsɨ ə mɔʼ ɨghabɨ ɨkɨ fibɨ̀ mbɨ ɨwum be. Wɨ̀ nyaʼa təm əne ghà ni,

Ɨ̀fàʼì 10:33

Ənɨ mə̀ nyaʼa zu əne, mə nyaʼa tom bə̂d əsɨ ne əwu əwən ni mbɨ tɔŋ əwe. À fə kàŋ ghɨ̀ ənû ə chɔ̀m ɨchî nɨ à yeʼe. Tɨ̀nîn tɨ̀ wɨ əgha mbà mɨjìm ɨfě Ŋwiə̀ ɨ zu ɨnû mbe nɨ Ə̀nùŋɨ̀sɨg gha ɨ ne ni à gha ɨ na.”

Ɨ̀fàʼì 13:48

Ənɨ bə̂d mbe nɨ kaʼi mɨ̀Jû nyaʼa zu ənû zɔ̂, mbɨ nyaʼa ghaʼ əne yiirɨ ə Ŋwiə̀ ɨmbə̀ʼ ɨŋgam məd we nɨ wɨ̀ ghamɨ dè əwən. Bə̂d mɨjìm mbe nɨ Ŋwìə̀ nyaʼa fə chɔʼɔ ni mbɨ bɨrɨ jɨg ɨ̀tènɨ̀ rɨ mì nyaʼa ben ənû ze nɨ mbɨ nyaʼə ghà ɨmbə̀ʼ ə Kristo.

Ɨ̀fàʼì 17:11

Mɨ̀Jû mbe rɨ ə Berià nyaʼa berɨ fîŋ chɔ̀m chè mbe rɨ ə Tèsàlonikà, ɨmbə̀ʼ ɨghəm nɨ mbɨ nyaʼa nɨŋ ɨŋgam Ŋwiə̀ ənɨ tə fîŋ rɨjìm. Ɨ mbɨə nyaʼə foŋ ɨŋgam Ŋwiə̀ ɨni jìm ɨ zə ni ɨnû mbe nɨ Pɔ̂l nyaʼə ghàə̀ kɨ ɨnû rəsìʼ ə?

Ɨ̀fàʼì 2:42

Mbɨ nyaʼa zɨ ətu ənɨ ɨnû mbe nɨ bə̂d tom Kristo nyaʼə chwiə. Ɨ mbɨə nyaʼa ənɨ ɨfɔtɨ, əne ɨ mbɨə nyaʼə bəʼrɨə ŋgə̀ŋ jɨg ɨnɔ̂n bə̀ kɔŋgɨ ə Ŋwiə̀ ɨnɔ̂n.

Efesùs 4:26

Mbə mɨ sə ɨtəm, tɨ mbə ben ə ni ɨsə ɨtəm we ghɨ ni mbə̀ ghɨ ənû rɨbɔ̀ŋ. Tɨ mbə̀ ben ə ni nyùmə̀ nyɨ ɨkòb nɨ mbə̀ə kɨrɨ sə ɨtəm.

Efesùs 4:31

Mbə̀ waʼ mɨŋgam jìm mbe nɨə tɔbə fîŋ rɨ bə̂d, waʼ ənû nɨ chɔb, waʼ ənû nɨ sə ɨtəm, waʼ ənû nɨ taŋ, waʼ ənû nɨ ghambɨ wə̀d, bə̀ waʼ ənû nɨ ghɨ tɨkwɨrɨ ɨbə jìm.

Kòlosè 3:15

Mbə̀ saŋ ə ni əbɔrəbɔd ze nɨ Kristo ə nàʼə̀ ə tumbɨ tə fîŋ. À yɨ ɨmbə̀ʼ əbɔrəbɔd zɔ̂ nɨ Ŋwìə̀ nyaʼa tɔŋ əwən ni mbə̀ yeʼe fɔtɨ ɨŋga nyamnyod mɔʼ. Mbə naʼ məben-əwe əmbɨ ə Ŋwiə̀ ənɨ mɨ̀nyùmə̀ jìm.

Kòlosè 3:8

Àyɨə rɨ̀nîn, mbə berɨ waʼ ɨnû mbɔ̂ jìm. Əne yɨ ənû nɨ sə ɨtəm, ənû nɨ chɔb, ənû nɨ ghɨ ɨbə, ənû nɨ ghambɨ wə̀d mbɨ ənû ənɨ gham əbɔb ɨŋgam.

1 Tèsàlonikà 2:13

Tɨ̀ wɨə bə̀ nàʼə̀ məben-əwe əmbɨ ə Ŋwiə̀ ɨghəm jìm ɨmbə̀ʼ ənû zɔ̂ ni ənɨ tɨ̀ nyaʼa yeʼe mbɨ ɨŋgam Ŋwiə̀ ɨ nən, mbə nyaʼa zu benɨ, kaʼi ɨghabɨ ni à yɨ ɨŋgam bə̂d mɨ̀sɔŋɨchù. Mbə nyaʼa kàŋ ben ni à yɨ ɨŋgam Ŋwiə̀. Ɨŋgam we wɨə fàʼ ɨŋga mbə̀n mbe nɨ ben ə Kristo.

Jems 1:16

Mbɨ bɔŋgɔb nɨ mə̀ ghaʼi kwàʼ rɨŋgəʼ, tɨ wə̀d mɔʼɔ tambɨ i əwən.

Jems 1:2

Mbɨ bɔŋgɔb, mbə̀ ghaʼrɨ əwən ənɨ mɨ̀nyùmə̀ jìm mbe nɨ tɨkwɨrɨ ɨ̀kwàʼnɨ̀ nɔnɔʼ nyɨ ɨgwɨ nən.

Jems 1:26

Wə̀d mɔʼɔ rəbɔʼ nən wa kɔndɨ ni tə kàànɨ̀ ɨŋga ənû ə Ŋwìə̀ ə? Wɨ̀ mɨ ton yimbɨ i i ɨchû, ɨ wɨə tambɨ i ɨnyod, əne ənû ə Ŋwìə̀ əməd ze yɨ ətu ə̀kǒ.

Jems 2:1

Mbɨ bɔŋgɔb, ɨchî nɨ mbə̀ ben Ə̀nùŋɨ̀sɨg Yeso Kristo we nɨ bə̂d ə wumnɨə, tɨ mbə̀ ghɨ̀ ə əghə.

Jems 2:5

Mbɨ bɔŋgɔb nɨ mə̀ ghaʼi kwàʼ rɨŋgəʼ, mbə̀ zwetɨ! Ŋwìə̀ nyaʼa chɔʼ bə̂d mbe nɨ yeʼ bə̂d kwaŋ ɨŋga ɨsɨg ɨmbə̀ʼ mbɨ yeʼ bə̂d mbɔ̂n ɨchî nɨ mbɨ ben ə Yeso Kristo. Əne mbɨ bɨrɨ jɨg ənû ɨfɔ̀n ze nɨ Ŋwìə̀ nyaʼa kaʼ əmbɨ ə bə̂d mbe nɨ ghaʼ əməd.

Jems 3:10

Ənû nɨ yiirɨ ə Ŋwiə̀ mbɨ ənû nɨ zɨ ndɔ̀n ɨgun ə wə̀d mbɨə jwɨ̀ àmei rɨŋga ɨchû mɔʼ. Mbɨ bɔŋgɔb, tɨ zɨə yeʼi əne!

Jems 4:11

Mbɨ bɔŋgɔb, tɨ wə̀d gha i ɨnû rɨbɔ̀ŋ ɨgwɨ wi aŋgɔb. Wə̀d we nɨə ghà ɨnû rɨbɔ̀ŋ ɨgwɨ wi aŋgɔb kɨ̀ beə saʼ əməd wɨə ghàə̀ ni tɨkə rɨ Ŋwiə̀ rɨka kuʼi. Məd wɨə bə̀ saʼə tɨkə rɨ Ŋwiə̀. Àwɔ̀ mɨ yeʼ wə̀d nɨə saʼə tɨkə rɨ Ŋwiə̀, njɨ kaʼ àwɔ̀ wɨə nùŋ e rɨkə te. À wɨə saʼə rɨwən.

Jems 5:12

Mbɨ bɔŋgɔb, ənû nɨ che ɨnû jìm yɨ ni tɨ mbə̀ kan ə, kɨ̀ à kɨ ənɨ ɨkaŋ, kɨ̀ à kɨ ənɨ ə si, kɨ̀ ənɨ əghɨ ə cherə nɨ tɨ̀ bə̂d kàn ɨgun. Mbə mɨ ben ənû ə mɔʼɔ, mbə̀ gha àmei ni, “Ee”. Mbə mɨ ton ənû ə mɔʼɔ, mbə̀ gha àmei ni, “Chə̂.” Mbə̀ ghɨ àmei əne ɨmbə̀ʼ tɨ Ŋwìə̀ zɨ i ɨsaʼi ɨgwɨ nən.

Jems 5:19

Mbɨ bɔŋgɔb, wə̀d mɔʼɔ rəbɔʼ nən mɨ fèbə̀ tɨ ənɨ rəsìʼ, wɨ cherə wɨrɨ nɨŋ əməd rəbɔʼɔ,

1 Jɔn 2:21

Chəi mɨə ŋwàʼnɨ̀ ɨ nən ɨmbə̀ʼ ɨghəm nɨ chəi mbə̀ kyerɨ rəsìʼ. Mə wɨə ŋwàʼnɨ̀ yeʼ ɨmbə̀ʼ ɨghəm nɨ mbə kyerɨ rəsìʼ bə̀ kyerɨ ni chəi mɨghab ə jwɨ̀ ənɨ rəsìʼ.