Ɨ̀fàʼì 3:1 - Meta’

¹ À nyaʼa əni ə mɔʼɔ, Pità mbɨ Jɔ̌n mbɨə nyaʼə kɔʼə wò ə mbàn Ŋwìə̀ ənɨ mɨ̀nyùmə̀ tad əziə, nɨ nyaʼə nyùm ə̀kɔ̀ŋgɨ̀.

Ikan feg

¹ Aneg mɔ̀ʼɔ ane mə̀nyùmə̀ mətad tisi, ne ya nyumə̀ ne mbe chàʼrà Ŋwiye, Pità tì Jɔn yaya ghò inga mbàn Ŋwiye.

Ɨ̀fàʼì 3:1 Iomraidhean Croise

Matìyò 17:1

Ənɨ ɨni nyaʼa che rɨ̀fuə, Yeso nyaʼa nɨŋ ə Pità mbɨ Jems fɔrɨ ə Jɔ̌n nɨ nyaʼə aŋgɔb Jems. Wɨ̀ nyaʼa nɨŋ əne mbɨ kɔʼ wò ɨkaŋ ɨwum se mɔʼɔ əsɨ nɨ àmei mɨ̀mə̌d nyaʼa əŋgu.

Matìyò 26:37

Ənɨ wɨ̀ nyaʼa ghà əne, wɨ̀ nyaʼa nɨŋ ə Pità mbɨ ə bɔn Zebèdiî mbe mɨ̀be mbɨ wò ɨnɔ̂n. Wɨ̀ nyaʼə kàŋə̀ kə̀nə̀, fîŋ bə̀ kɔ tɔb əməd.

Matìyò 27:45

Ɨ kɔ rɨ ənɨ mɨ̀nyùmə̀ wum chɔ̀b rɨ̀be əziə, ɨsɨ nyaʼa fin əbeŋ ə jìm. Mbɨ nyaʼa fin əne wò pè ənɨ mɨ̀nyùmə̀ tad.

Lk 1:10

Ənɨ wɨ̀ nyaʼə tɔ̀n ɨneŋ we, ɨnɔ̂n bə̂d jìm we nɨ nyaʼa əŋgu, wɨə nyaʼə kɔ̀ŋgɨ̀ ə Ŋwiə̀ ɨsɨg.

Lk 18:10

Wɨ̀ nyaʼa ghà ni, “Mbaŋə̀ mɔʼɔ rɨ̀be nyaʼa kɔʼ wò ɨŋga mbàn Ŋwìə̀ ɨ wo kɔŋgɨ ə Ŋwiə̀. Wɨ fìbɨ̀ yɨə nyaʼə Farisiî, wɨ cherə yɨə nyaʼə əfetɨ mɨ̀tagsɨ̀.

Lk 22:8

Yeso nyaʼa tom ə Pità mbɨ Jɔ̌n ghà ni, “Mbə̀ wo tekɨ tɨjɨg Əchwɨ̂ ə Che-ɨgun ɨmbə̀ʼ tɨ̀ jɨg.”

Lk 24:53

Ɨ mbɨə nyaʼə wò yiirɨ ə Ŋwiə̀ ɨni jìm ɨŋga mbàn Ŋwìə̀.

Jn 21:7

Ə̀mə̀ə̀nɨ̀-ɨnû we nɨ Yeso nyaʼa ghaʼi nyaʼa ghà əmbɨ Pità ni, “À yɨ Ə̀nùŋɨ̀sɨg!” Ənɨ Saimon Pità nyaʼa zu ni à yɨ Ə̀nùŋɨ̀sɨg, wɨ̀ nyaʼa wɨrɨ zɨ̀ ti ngywɨ̌, tòm ɨgyɨ̀ wò əsɨ Yeso. Wɨ̀ nyaʼa bè chɨ̀ ti ngywɨ ɨmbə̀ʼ ɨghəm nɨ wɨ̀ nyaʼa wo fàʼ.

Ɨ̀fàʼì 10:3

À nyaʼa ɨghabɨ mɨ̀nyùmə̀ mɨ̀tad əziə əni ə mɔʼɔ, tɨ̀taanɨ njə̀m nyaʼa chè əməd, wɨ̀ zə aŋgɨrə̀ Ŋwìə̀ nɨ nyaʼa wò kààrɨ̀ əməd ni, “Kɔneliùs!”

Ɨ̀fàʼì 10:30

Kɔneliùs nyaʼa ghà ni, “À nyaʼa ɨghabɨ ə nyùmə̀ wɔ̂, ənɨ ɨni fə chè ɨkwè, mə̀ wɨə nyaʼə kɔ̀ŋgɨ̀ ə Ŋwiə̀ ɨŋga mɨ nəb ənɨ mɨ̀nyùmə̀ mɨ̀tad əziə. Mə̀ nɨ zə, mbaŋə̀ mɔʼɔ nɨ nyaʼa zɨ ngywɨ̌ nɨə teenɨə nyaʼa sàʼ təm ənɨ mɨ ɨfě.

Ɨ̀fàʼì 2:46

Ɨ mbɨə nyaʼə fɔtɨə wò ə mbàn Ŋwìə̀ ɨni jìm ɨnɔ̂n. Ɨ mbɨə nyaʼə bəʼrɨə ŋgə̀ŋ ɨŋga mbə ɨkwɨ bə̀ fɔtɨə jɨgə mbɨ ɨghaʼi fɔrɨ mbɨ ə fîŋ chɔ̀m.

Ɨ̀fàʼì 3:3

Ənɨ wɨ̀ nyaʼa zə ə Pità mbɨ Jɔ̌n nɨ nyaʼə nɨrə nyɨ ɨŋga mbàn Ŋwìə̀, wɨ̀ nyaʼa buʼ ɨbɔ əmbɨ mɨ̀mə̌d ni mbɨ naʼ ɨkab ɨ ni.

Ɨ̀fàʼì 3:4

Pità mbɨ Jɔ̌n nyaʼa toŋ əghə ɨgwɨ məd. Əne Pità nyaʼa ghà ɨ bɔ ni, “Neŋ əwa!”

Ɨ̀fàʼì 4:13

Ənɨ bə̂d mbe nɨə tekɨ ɨnû mbɨ ə bə̂d kyeŋ mbe rɨŋga əbeŋ nyaʼa zə ɨchî nɨ Pità mbɨ Jɔ̌n nyaʼə ghàmə̀ mbɨ ə fîŋ nɨ kǎ, bə̀ kyerɨ ni chəi mbɨ nyaʼa kyerɨ ə̀ŋwàʼnɨ̀ mbɨ ni mbɨ yɨ ɨnatɨ bə̂d, mbɨ nyaʼa yiirɨ. Mbɨ nyaʼa bə̀ kyerɨ ni ɨ mbɨə nyaʼə yènə̀ mbɨ Yeso.

Ɨ̀fàʼì 5:25

Ənɨ mbɨ nyaʼə bid əne, wə̀d mɔʼɔ nyaʼa wò ghà əmbɨ mɨ̀mə̌d ni, “Mbə̀ zə! Mbaŋə̀ te nɨ mbə̀ kəʼ zɨ̀ ə ndəŋ ɨ te təmbɨ ɨŋga mbàn Ŋwìə̀, chwi ɨnû!”

Ɨ̀fàʼì 8:14

Ənɨ bə̂d tom mbe rɨ ə Jèrusalèm nyaʼa zu ni bə̂d mbe rɨ ə Sàmàriyà fə ben ɨŋgam Ŋwiə̀, mbɨ nyaʼa tom ə Pità mbɨ Jɔ̌n əsɨ mɨ̀mə̌d.

Gàlesìyà 2:9

Ənɨ ə Jems mbɨ Pità fɔrɨ ə Jɔ̌n, nɨ nyaʼə təʼ ɨŋga ɨfetɨ we, nyaʼa zə ɨ̀chɔ̀m we nɨ Ŋwìə̀ nyaʼa ghɨ̌ ənɨ ə num, mbɨ nyaʼa te əbɔ ə jɨgɨ mbɨ num mbɨ Banabàs ɨ chwi ni tɨ̀ wɨ ənɨ ənû ə mɔʼ mbɨ mɨ̀mə̌d. Mbɨ nyaʼa ghɨ̀ əne ɨmbə̀ʼ tɨ̀ wo əsɨ ə bə̂d mbe nɨ kaʼi mɨ̀Jû, mɨ̀mə̌d sɨ wò əsɨ mɨ̀Jû.