Matiwu 4:4 - Ndǝshiguˈyar Foɗǝu Ənga Thlǝr Camaˈyar

⁴ Kǝ Yesu shaɗǝwa, ji na, “Tsǝtsǝfǝ nga nyi wu ndǝr Hyal abǝr, ‘Aˈyi ǝnga sǝr sǝm wacu ngǝ ndǝ wu nggya ǝnga pi mai, ama ǝnga kalar ndǝr kǝra wu biya sara wu miya Hyal.’ ”

Matiwu 4:4 Iomraidhean Croise

Matiwu 15:11

Sǝr sǝm kǝra ndu fuwa a gwu miya ja a sǝn mǝliya ndǝ ‘dedeɓǝ’ wu mwar Hyal mai, ama sǝra biya sara wu ndǝ ngu mǝliya ndǝ ‘dedeɓǝ’ wu mwar Hyal.”

Matiwu 4:10

Kǝ Yesu na anǝ nyi, “Kwaya wu dzǝr ɗa shatan! Arya tsǝtsǝfǝ nga nyi: ‘Ga dlǝvǝ Hyal Thlagǝ ngau, ǝnga anǝ nyi zhizhi nyi nga ga mǝl thlǝr wacu.’ ”

Matiwu 4:7

Kǝ Yesu na anǝ nyi, “Tsǝtsǝfǝ nga nyi tsu, abǝr, ‘Ga sara dzǝ Hyal Thlagǝ ngǝ mai!’ ”

Luka 4:12

Ama Yesu na nǝ nyi, “Tsǝtsǝfǝ nga nyi abǝr, “ ‘Ga sara dzǝ Hyal Thlagǝ ngǝ mai.’ ”

Luka 4:4

Kǝ Yesu shaɗǝwa, ji na, “Tsǝtsǝfǝ nga nyi wu ndǝr Hyal abǝr, “ ‘Aˈyi ǝnga sǝr sǝm wacu ngǝ ndǝ wu nggya ǝnga pi mai.’ ”

Luka 4:8

Yesu na anǝ nyi, “Tsǝtsǝfǝ nga nyi abǝr, “ ‘Ga dlǝvǝ Hyal Thlagǝ ngau, ba tsu naja zhizhi nyi wacu nga ga mǝl sǝra ja yiwu.’ ”

Yahwana 15:26

“Yi wu nda sǝwa hyi ndǝr dlǝwa dzǝ sara dara Tada. Naja ngǝ Mambǝl jiri kǝra shida sara dara Tada, ju nda sa lǝr sakida ar kǝra yau.

Yahwana 6:63

Mambǝl ngu lǝ pi, sǝ aˈyi kǝra kumǝr dzǝ aga nyi mai. Ndǝr kǝra yi nar hyi kau, nǝ Mambǝl ngau, ba ǝnga nǝ pi tsu.

Afisa 6:17

Bǝgǝ mbǝɗau ja ɗa dara liyangǝ kǝra hyu hari. Ənga bǝgǝ ndǝr Hyal, ja ɗa katsakǝr anǝ hyi. Katsakǝr kau, Mambǝl Hyal ngǝ nǝ hyi.