Matiwu 17:5 - Ndǝshiguˈyar Foɗǝu Ənga Thlǝr Camaˈyar

⁵ Ma tsu ja vǝr ndǝr, kǝ mbǝmbǝl sara du dlama sa haɗiya nda, kǝ nji nggari ɗahǝu sara du dlama wu na, “Naja kau, Zǝr Ɗa ngau, yu yiwu nyi; huɗa yi pipida ǝnga ja gagaɗau. Hya sǝya nyi himi!”

Matiwu 17:5 Iomraidhean Croise

Matiwu 12:18

“Kǝja mafa ɗa kǝra nayi ngǝ caɗǝbiya nyi, yu yiwu nyi ara ji pina huɗa yau, yu nda nyana nyi ǝnga Mambǝl ɗa, ǝnga ju nda hǝˈuna abǝr yu nda numa nǝ jirkur anǝ nji patǝu.

Matiwu 17:6

Ənggǝra zǝmbǝlma nyiˈyar nggari abangau, ba hivǝr mbar nda, kǝ ndǝ uzhiya bama nda a gyiwu ˈyi.

Matiwu 3:17

Kǝ ɗahǝ sara dǝmǝlmǝ na, “Najakǝ zǝr ɗa ngau, yu yiwu nyi, huɗa yi pipida ǝnga ja.”

Luka 3:22

kǝ Mambǝl Cici shida ar kǝra ja a papa mbǝthla. Kǝ ɗahǝ sara a dǝmǝlmǝ na, “Nagǝ ngǝ zǝr ɗa, yu yiwu ngau, huɗa yi pipida ǝnga gau.”

Yahwana 3:16

“Arya Hyal ca yiwukur anǝ njir duniya gagaɗau, ca ngǝ ɗa ji lǝri Zǝr nyi zǝmǝ pir, aga kalar ndǝra hǝnggǝri ǝnga ja, naji wu tǝ mai, ama ju uya pi gǝra kuɗau.

Yahwana 3:35

Tada wu yiwu Zǝr nyi, ba ji fuwa patǝr sǝ wu tsa ja.

Yahwana 5:37

Dǝɗa tsu, ndǝra sǝwa ɗa, nga vǝr lǝ sakida ar kǝra yau. Nahyi saya nggar ɗaha ja mai, ǝnga tsu nahyi saya lari nyi ǝnga li tara wa nga ja mai.

Afisa 1:6

Ji mǝl abangau aga mǝna sǝn fal Hyal ara kadakadarkur mayiwakur nyi. Mayiwakur kau, ji nǝ mǝn kurthlǝu lagu zǝr nyi, ju yiwu nyi.

Kolosi 1:13

Ara a mbǝlbiyar mǝnǝr ja sara wu dǝnama nǝ kuthlǝu, a shili wu tǝlkur nǝ Zǝr ˈwa nyi.

Ibraniya 5:9

Lagu kau, ngǝ Hyal nyabiya nyi aga ja ɗa lagu nǝ uya mbǝɗǝ nǝ baˈanuwa anǝ patǝr njira ɓǝlar sǝra ji na.

Mǝtakǝr Nǝ Yahwana 1:7

Tsama mau, kǝja ju shili wu dlama sara dǝmǝlmau. Kalar ndapi wu nda lar nyi, patǝ ǝkkǝˈyi njira tsatsaviya nyi ǝnga katsakǝr. Ənga patǝkura njir duniya wu nda tiwi arya ja. Ənga jiri, abangǝ nga nyi wu nda ɗa. Amina.

Mǝtakǝr Nǝ Yahwana 14:14

Ta yi tsamau, tǝma, kǝ yi lari a dumwa ɗa dlama pǝrtǝu, a du dlama kau, vanyi ndǝ aˈyi kǝra vir nggya “A papa Zǝr Ndau” ǝnga dora tǝlkur nǝ ǝndzǝ wu kǝra ja ba mǝkalǝ sǝsǝm wu tsa ja.