Luka 6:21 - Ndǝshiguˈyar Foɗǝu Ənga Thlǝr Camaˈyar

²¹ Barka anǝ hyi njira ǝnga wuɓau kabangǝkau, nju nda nyana hyi. Barka anǝ hyi njira vǝr tiwi kabangǝkau, hyu nda nggushi.

Luka 6:21 Iomraidhean Croise

Matiwu 5:4

Barka anǝ njira wu sǝˈyinggu, ara nju nda pǝli anǝ nda.

Matiwu 5:6

Barka anǝ njira ǝnga wuɓau ǝnga hilir nggya tsapǝu, ara nju nda nyabiya nda.

Luka 1:53

Ji nǝ nyi sǝr sǝm mǝsahǝu anǝ njir wuɓau, kǝ ji mǝliya njir gǝnna ndǝ maˈyi ǝnga tsi kurthlǝu.

Luka 6:20

Ja vǝr tsamǝ zǝmbǝlma nyiˈyar, kǝ ji na, “Barka anǝ hyi nahyi nji kǝra gǝra sau, tǝlkur Hyal a ɗar nǝr hyi.

Luka 6:22

Barka anǝ hyi ma nji gǝra yiwu hyi, nda hǝbiya hyi a biya, ǝnga nda nggǝl hyi, ba ǝnga nda ndzana thlǝmǝr hyi, arya Zǝr Ndau.”

Luka 6:25

Kawa anǝ hyi, nahyi kǝra nyinyau kabangǝkau, hyu nda nggya ǝnga wuɓau. Kawa anǝ hyi nahyi kǝra a vǝr nggushi kabangǝkau, hyu nda ɗa ǝnga huɗǝ ndzǝndzau hya ɓǝra tiwi.

Yahwana 11:35

Kǝ Yesu pǝna sǝlǝm.

Yahwana 4:10

Əngwar Yesu, “Maja abǝr gu sǝni sǝ kurthlǝ nǝ Hyal kǝra ju lau, ǝnga ndǝra na anǝ ngau, ‘Gǝr ɗa ˈyimi ya tǝwari,’ gu sǝn yiwa nyi, ba ja nǝ ngǝ ˈyimi nǝr lǝ pi.”

Yahwana 6:35

Kǝ Yesu nar nda, “Nayi ngǝ macikǝl nǝ pi. Kalar ndǝra shili ǝgya yau, naja tsu ɓǝra nggari wuɓu mai, ǝnga kalar ndǝra hǝnggǝri ǝnga yau, naji wu ɓǝra nggari hili mai.

1 Kwaranthli 4:11

Shili ar pǝci kǝ ǝshina ǝnga wuɓǝ ba ǝnga hili nga ˈya, kar hahal nga ar dza ˈya, ǝnga nja vǝr lǝ ɓwaɓwatǝ anǝ ˈya, naˈya nji gǝra ǝnga ki ngau.

2 Kwaranthli 11:27

A mǝlǝr yi thlǝr gagaɗau wu ɓwaɓwatǝ gagaɗau, ǝnga a nyir yi ǝnga pida liliˈu. A nggyar yi ǝnga wuɓau ba hili nǝ pǝci gangǝu, ǝnga a nggyar yi nǝ pǝci gangǝ gǝra sǝm sǝr sǝm. A nggyar yi turusu, ǝnga a nggyar yi ar yambaɗǝu.

2 Kwaranthli 12:10

Ca ngǝ sǝra ɗa wu Kǝrsiti yu caguli ǝnga tǝtǝwakur ɗa, ǝnga ma nju nggǝl ɗa ǝnga ma yi wu ɓwaɓwatǝu ba ǝnga wu nggyabiya dzadzau. Arya ma yu tǝtǝwakur ba ya ɗa ǝnga dǝnama.

2 Kwaranthli 6:10

Naˈya ǝnga huɗǝ kyakyaru, ama cimu cacaguli nga ˈya. Ɗaɗali nga ˈya, ama ˈyi mǝliya nji ndǝ ɗa njir gǝnna. Naˈya nji gǝra sau, ama aˈyi ˈya ǝnga kalar sau.

Jamisu 1:12

Barka anǝ ndǝra cinapi wu pǝcir dzau, ara ma ji sǝn taˈyau, ju nda uya akkǝri nǝ pi kǝra Hyal hǝr alkawal anǝ njir yiwu nyi.

Mǝtakǝr Nǝ Yahwana 21:3

Kǝ yi nggari vanyi ɗahǝ dzǝdzǝgamǝu sara dar tsǝkafǝ kau, wu na, “Vir nggya Hyal a ɗari ǝkkǝˈyi nji, ju nggya ǝkkǝˈyi nda, ndu ɗa nji nyi ba Hyal ǝnga kǝrnyi wu nggya ǝkkǝˈyi nda ba ja ɗa Hyalǝr nda.

Mǝtakǝr Nǝ Yahwana 7:16

Tsu ndu ɓǝra ngga wuɓǝ mai, alaga hili mai. Kwakwaɗǝkur nǝ pǝci wu nda mbǝl a gyar kǝra nda mai, ǝnga alaga kwakwaɗǝkur nǝ vitǝku mai.