Luka 2:14 - Ndǝshiguˈyar Foɗǝu Ənga Thlǝr Camaˈyar

¹⁴ “Kadakadarkur anǝ Hyal kǝra a dǝmǝlmau! Wu duniya bǝgǝ huɗǝ pǝrtǝu a ɗa ara njira Hyal a vǝr nggar mǝsahǝkur nda!”

Luka 2:14 Iomraidhean Croise

Matiwu 21:9

Dlamir nji kǝra a dumwa nyi ǝnga kǝra a gyiwu yukuɗǝ nyi mbar wau, ndu na, “Fal anǝ Zǝr Dawuda!” “Barka anǝ ndǝra shili wu thlǝmǝr Thlagǝu!” “Fal anǝ ndǝra a dǝmǝlmau vira ndiya ǝnga dzǝgamǝu!”

Luka 1:79

ja mbǝl a gyar kǝra njira vǝr nggya wu kuthlǝu, ǝnga njira ǝgya kiɗa shangguɗi nǝ tau, aga ca lagur nggya jamǝ anǝ mǝn.”

Luka 19:38

Nda vǝr na! “Barka a nggyar anǝ tǝl kǝra wu dla wu thlǝmǝr Thlagǝu! Jamǝkur a nggyari a dǝmǝlmau, ǝnga kadakadarkur anǝ Hyal!”

Luka 2:13

Aˈyi nda ǝnga sǝni mai kǝ waladiˈyar gangǝu ǝnga waladi ta, sara a dǝmǝlmau shida nda vǝr fal Hyal nda vǝr na,

Luka 2:15

Ənggǝra waladiˈyar piyari nda ndǝ maˈyi a dǝmǝlmau, ca ngǝ njir ɓǝla na anǝ kuvwar nda, abǝr, “Mǝn na maˈyi a vu Bayitalahami mǝn na vuwa tsamiya sǝ kǝ ɗa kau, kǝra Thlagǝ nar mǝn ar kǝri kau.”

Luka 3:22

kǝ Mambǝl Cici shida ar kǝra ja a papa mbǝthla. Kǝ ɗahǝ sara a dǝmǝlmǝ na, “Nagǝ ngǝ zǝr ɗa, yu yiwu ngau, huɗa yi pipida ǝnga gau.”

Yahwana 14:27

“Yu piyari hyi ǝnga huɗǝ pǝrtǝu. Huɗǝ pǝrtǝ ɗa nga yu nǝ hyi. Aˈyi ǝnggǝr kǝra njir duniya wu lǝ nga yu lǝ mai. A sara hya hivǝr mai, ǝnga hya sara piyari huɗa hyi a ndzǝ ǝnga hangǝkala hyi a hyaˈari mai.

Yahwana 17:4

Yi dla ǝnga kadakadarkur anǝ ngau wu duniya lagur mǝlna thlǝr kǝra gǝ nǝ ɗa aga ya mǝl.

Yahwana 3:16

“Arya Hyal ca yiwukur anǝ njir duniya gagaɗau, ca ngǝ ɗa ji lǝri Zǝr nyi zǝmǝ pir, aga kalar ndǝra hǝnggǝri ǝnga ja, naji wu tǝ mai, ama ju uya pi gǝra kuɗau.

Afisa 1:6

Ji mǝl abangau aga mǝna sǝn fal Hyal ara kadakadarkur mayiwakur nyi. Mayiwakur kau, ji nǝ mǝn kurthlǝu lagu zǝr nyi, ju yiwu nyi.

Afisa 1:9

Wu mǝliya huɗa Hyal pipida, ca nga ji mǝliya mǝn aga mǝna sǝnbiya yiwu huɗa ja kǝra ɗǝɗǝwa, kǝra ji nyabiya wu Kǝrsiti.

Afisa 2:4

Ama ara gangǝkura tǝhuɗǝ nyi ǝnga yiwudzǝ nyi anǝ mǝn,

Afisa 2:7

Hyal mǝl abangau, aga ar pǝci kǝ zǝgǝu, ju cabiya nyi anǝ nji dǝgalkura madiya mayiwakur nǝ nyi kǝra cabiya dzau anǝ mǝn ar babal wu yiwukur nyi lagur Kǝrsiti Yesu.

Fǝlipi 2:11

kalar miya tsu, ja nana abǝr Yesu Kǝrsiti Thlagǝ ngau, aga lǝ kadakadarkur anǝ Hyal Tada.

Fǝlipi 2:13

Ara Hyal nga vǝr mǝl thlǝr nyi wu ɗǝfuwa hyi, aga yiwu nǝ ɗǝfuwa hyi ǝnga mǝl thlǝrǝr hyi ja ɗa sǝ mǝnahǝu nǝ pina huɗa ja.

Kolosi 1:20

Lagu nyi nga ji ɓasǝwa kalar sǝ anǝ kǝrnyi. Lagur pǝ mashi nyi a dar wu dladlakau nga ji mǝliya nggya jamǝu, wu pama ja ǝnga sǝ kǝra nji mǝliya kǝra a dǝmǝlmau ǝnga kǝra a gyu ˈyi.

Tasalonika Nǝ Mǝthlǝu 2:16

Bǝgǝ Thlagǝr mǝn Yesu Kǝrsiti ǝnga kǝrnyi ba Hyal Tada, kǝra cabiya mǝn yiwukur, ja nǝ mǝn tsǝtsǝku ɗǝfu kǝra gǝra kuɗau ǝnga fǝr kǝr mǝnahǝu.

Mǝtakǝr Nǝ Yahwana 5:13

Tǝma, kǝ yi nggari kalar sǝ kǝra ǝnga pi a dǝmǝlmau ǝnga kǝra a gyiwu ˈyi, ba kǝra a gyu ndǝla ˈyiˈyi ba ǝnga kǝra a gwu dǝl, patǝkura sǝra ǝnga nda vǝr thlǝ miya, ndu na, “Fal, ǝnga dǝgalkur ǝnga kadakadarkur ba dǝnama a nggyari anǝ ndǝra vǝr nggya ar tsǝkafǝ nǝ tǝlkur ǝnga tsu anǝ Zǝr Gamǝ baˈanuwa!”