Luka 13:25 - Ndǝshiguˈyar Foɗǝu Ənga Thlǝr Camaˈyar

²⁵ Ma thlagǝr ki hyaˈari ji haɗiya miya ki nyi, hyu nda taˈyi a biya, hyu tsa hyu kǝdiyau, hyu na, ‘Thlagǝr ki, pahǝna ˈya miya ki.’ Ama ju nda shaɗǝwa nda, ‘Nayi wu sǝni hyi mai ǝnga vi kǝra hyi dla sara ndari.’

Luka 13:25 Iomraidhean Croise

Matiwu 25:41

“Ba tǝl ka dzǝgwa na anǝ njira ar matsala ja, ‘Kwaya mau a dzǝr ɗa, nahyi nji shishiˈwau, maˈya mau a ndu uˈur kǝtsa kǝra nji pabǝri nyi anǝ Shatan ǝnga waladi nyiˈyar.

Luka 13:27

Ama ju ɓǝra na ja, ‘Nayi wu sǝni vi kǝra hyi dla sara ndar mai. Kwaya mǝ wu dzǝ ɗa, nahyi nji ɗǝmwaˈyi hangǝkal!’

Luka 3:8

Hya mǝl thlǝr kǝra mǝnahǝu wu nggyabiyar hyi kǝra wu cabiya abǝr a tubir hyi. A sara hya fiya wu ɗǝfuwa hyi tsu, abǝr, ‘Ibrahimu ngǝ dǝrˈya.’ Yu na anǝ hyi, abǝr Hyal aˈyi ja ǝnga dǝnama nǝ shabiya tsǝkaˈyar kau, aga wazha anǝ Ibrahimu.

Luka 6:46

“Ara mi nga hyu ngga ɗa, ‘Thlagǝu, Thlagǝu,’ ama kǝ hyi nggǝl ara mǝl sǝra yu na anǝ hya?

2 Kwaranthli 6:2

Arya ji na, “Ar pǝcira pǝci ɗa a ɗar tsaˈa, a nggar ngǝr yau, ǝnga ar pǝcir mbǝɗa nji ɗa, a dlǝwana ngǝr yau.” Yu nar hyi, kabangǝkau ngǝ pǝcir pǝci ɗa a ɗar tsaˈa, ǝnga kabangǝkau ngǝ pǝcir mbǝɗau.

Ibraniya 12:17

Ayukuɗa nyi patǝu, a yiwur ja aga dǝnyi a nǝ nyi nǝnya barka, ama ba ji kǝdlǝna nyi. Naji ɓǝra uya pǝci nǝ pabǝri pama nda mai, alaga kǝ ji kǝdi ǝnga tiwi ǝnga sǝlǝm kau.