Biturusu Nǝ Tanggǝrma 3:11 - Ndǝshiguˈyar Foɗǝu Ənga Thlǝr Camaˈyar

¹¹ Kǝl ja piyari mǝl sǝra ɗǝmwaˈyu ja mǝl sǝra mǝnahǝu; ǝnga kǝl ja gal nggya jamǝu ǝnga kalar ndau ǝnga ja nǝrdzǝ gagaɗau aga nggaya jamǝu.

Biturusu Nǝ Tanggǝrma 3:11 Iomraidhean Croise

Matiwu 5:45

Mǝl abangǝ nga hyu nda ɗa wazha dǝr hyi kǝra a dǝmǝlmau, ndǝra vǝr sǝwa pǝci ja mbǝl ar kǝra nji tsapǝu ǝnga nji batal ǝnga tsu ja tǝɗǝya par sara a dǝmǝlmǝ a gyar kǝra nji tsapǝu ǝnga nji ɗǝmwaˈyu.

Matiwu 5:9

Barka anǝ njira mǝl thlǝr aga nggya jamǝu, arya nju nda ngga nda ǝnga wazha Hyal.

Matiwu 6:13

A sara ga hǝr ˈya a ndar vir dzǝ mai, ama ga kǝtiya ˈya ara shatan. Ara tǝlkur ǝnga dǝnama ǝnga kadakadarkur, nǝngau baˈanuwa. Amina.’

Luka 1:79

ja mbǝl a gyar kǝra njira vǝr nggya wu kuthlǝu, ǝnga njira ǝgya kiɗa shangguɗi nǝ tau, aga ca lagur nggya jamǝ anǝ mǝn.”

Luka 6:35

Ama ga ca yiwukur anǝ dawa ngau, ga mǝl mǝnahǝkur anǝ nda, ga nǝ nda mǝl ǝnga sǝni abǝr nandǝ wu nda kina ngǝ mai. Mǝl abangǝ wu mǝliya hyu uya nubwa gangǝu, ǝnga hyu sa ɗa ǝnggǝr wazha Hyal kǝra a dǝmǝlmau, arya naja ǝnga tǝhuɗǝu, anǝ nji kǝra sǝni na usi ǝnga nji ɗǝmwaˈyu.

Luka 6:9

Ənggau, kǝ Yesu na anǝ nda, “Yi wu yiwa hyi, mi ngǝ tsaˈa nja mǝl pǝcir Ɓǝlsar ra? Sǝ mǝnahǝu, ǝndǝga sǝ ɗǝmwaˈyu? Nja mbǝɗana, ǝndǝga nja tsǝya?”

Yahwana 17:15

Nayi kǝdiyau, aga ga faˈabiya nda sara wu duniya mai, ama aga ga kǝtiya nda ara ndǝ ɗǝmwaˈyi kau.

Galatiya 5:22

Ama wazha kǝra Mambǝl wu ya, nanda ngǝ yiwudzau, ǝnga caguli, ǝnga huɗǝ pǝrtǝu, ba sǝsǝˈwu sau, ǝnga hangǝkalkur, ba mǝnahǝkur, ǝnga tsaˈa miya ɗǝfukur,

Galatiya 6:10

Arya kau, kalar pǝci kǝra mǝn ǝnga lagu, taˈyi mǝna mǝl mǝnahǝkur anǝ nji patǝu, ja ɗa ma anǝ wazha ama kǝra wu Kǝrsiti.

Kolosi 3:15

Bǝgǝ huɗǝ pǝrtǝ nǝ Kǝrsiti kǝra ji nǝ hyi a sǝm tǝlkur wu ɗǝfuwa hyi. Hya mǝl abangǝ ara Hyal ngǝ ngga hyi aga hya nggya ǝnga hya mǝl thlǝr wu jamǝkur ar viya nji zǝmǝu. Ənga hya dumwa ǝnga lǝ usaku anǝ Hyal.

Timathlawusu Nǝ Tanggǝrma 6:18

Ga nar nda aga nda mǝl sǝra mǝnahǝu, ǝnga nda cakǝri mǝl thlǝr kǝra mǝnahǝu, ǝnga nda pahǝna tsa nda aga dlǝwa kuvwar nda.

Ibraniya 12:14

Hya mǝl kalar sǝra hyu sǝni aga hya uya nggya jamǝu ǝnga nji patǝu, ba ǝnga hya nggya cicau. Ma aˈyi ǝnga nggya cici mai, ndǝr sǝn lar Thlagǝ aˈyi mai.

Ibraniya 13:16

A sara hya fari mǝl mǝnahǝkur ǝnga dlǝwa njira vǝr ghar sǝ mai. Sǝˈyar kǝ ngǝ kǝbǝ kwatǝ kǝra wu pina huɗa Hyal.

Jamisu 4:17

Agabangǝ kalar ndǝra sǝn sǝ mǝnahǝu kǝra ja kyaga mǝl, ama ba ji nggǝl ara mǝl, anǝ nyi bikǝ ngau.

Biturusu Nǝ Tanggǝrma 3:12

Arya Thlagǝu nga vǝr ɓǝla nji tsapǝu, ǝnga himiya ja papahau aga sǝhimi sǝra ndu kǝdi nyi. Ama Thlagǝ wu sha bama anǝ njir mǝl sǝ ɗǝmwaˈyi mai.”

Yahwana Nǝ Makǝrkura nyi 1:11

Nagǝ bazhi ɗa, a sara ga faˈabiya hiya sǝ ɗǝmwaˈyi mai, ama ga faˈabiya hiya sǝ mǝnahǝu. Kalar ndǝr mǝl sǝ mǝnahǝu sara ara Hyal nga ja. Kalar ndǝr mǝl sǝ ɗǝmwaˈyi sara ara Hyal nga ja mai.