Biturusu Nǝ Mǝthlǝu 2:19 - Ndǝshiguˈyar Foɗǝu Ənga Thlǝr Camaˈyar

¹⁹ Ndǝ mǝliya nda alkawal nǝ nggya kambau, ama nanda ǝnga kǝrnda tsu nda mafa anǝ sǝr mǝla nda.

Biturusu Nǝ Mǝthlǝu 2:19 Iomraidhean Croise

Yahwana 8:34

Kǝ Yesu shaɗǝwa nda, ji na, “Jijiri nga yu na anǝ hyi, kalar ndǝr mǝl bikau, mafa bikǝ nga ja.

Galatiya 5:1

Aga nggya kambǝkur ngǝ sǝra ɗa Kǝrsiti pǝliya mǝn, arya kau kǝl hyi taˈyi ǝnga dǝnama, a sara hya ɓǝra shabiya kǝrhyi anǝ ɓwaɓwatǝ nǝ mafakur dlaɗǝ mai.

Galatiya 5:13

Nahyi, wazha ama, a ngga hyir nji aga kambǝkur ar kǝra dlaɗau. Hya hangǝkal a sara ɗa kambǝkur hyi kau, ja ɗa nǝ sǝr cim nǝ kumǝr dzau. Ar viya kau, bǝgǝ kambǝkur hyi, ja ɗa kǝra wu hǝri hyi a ndu yiwu mǝl thlǝr nǝ yiwudzau.

Timathlawusu Nǝ Mǝthlǝu 2:26

Aga nda daɓaga sha a shili wu hangǝkalǝr nda, aga nda biya sara wu lǝbam nǝ shatan, ndǝra mbar nda aga nda mǝl sǝra ju yiwu.

Tayitusu 3:3

Ɗǝɗǝmǝu nji dza nga mǝn, nji gǝra ɓǝlar ndǝr, njira nji nggutana, kǝ mǝn dzǝgwa ɗa mafa ǝnǝ kalar sǝ suna suna pampamǝu, mǝn nggya njir sǝɓǝ ndǝ wu ɗǝfu, ǝnga ɗa shishi. Nji piyari shishir dza mǝn ǝnga mǝn piyari shishir dza nji tsu.

Biturusu Nǝ Tanggǝrma 2:16

Hya nggya ǝnggǝr njira wu kambǝkur kǝrnda, ama hya sara piyari kambǝkur kau, ja ɗa lagu kǝra hyu mǝl sǝ ɗǝmwaˈyi ngǝ mai, ama kǝl hya nggya ar viya mafa Hyal.

Biturusu Nǝ Mǝthlǝu 1:4

Lagu kǝ nga ji nǝ mǝn alkawal dǝdǝgal ǝnga duduru, aga lagur nda nga mǝn wu dzǝgwa ɗa wu cir zǝmǝ wu nggyabiya nǝ hyalkur aga mǝna sǝn nggwaɗǝna kǝr ara nggya ɗǝmwaˈyu nǝ duniya kǝra suna pamǝpamǝ aˈyi a gwa.

Biturusu Nǝ Mǝthlǝu 2:20

Ma nda piyari mǝl sǝ ɗǝmwaˈyi nǝ duniya ara ndǝ sǝni Thlagǝ ndǝr mbǝɗa mǝn Yesu Kǝrsiti, ama ba ndǝ ɓǝra sha a nda mǝl sǝ ɗǝmwaˈyu, ndu nda ɗa didiɗi a ndiya ta nda ɗǝɗǝm ta.