Mey-maaya-mawiya masa Jaŋ ma wuzlala 9:22 - Mofu-Gudur

²² Ata papaha ta mamaha aa guzlam anda keɗe na, maja fa zluram ta mahura hay ŋga Jəwif hay masa da wuzlah Fariza hay heyey. Mahura hay a, ta cəmam ɗay ata sem, a ləvam kwa waawa ma pa Yesu la ŋga *ndaw masa Gazlavay ma wala ŋga ləhdata ndəhay na, ŋgene a badamara ndaw aha daa *way-mewuzey-mey ŋga Gazlavay.

Mey-maaya-mawiya masa Jaŋ ma wuzlala 9:22 Iomraidhean Croise

Mey-maaya-mawiya masa Luk ma wuzlala 6:22

«Da ndəhay fa rəsmakwar, fa mbəɗmakwar dəɓa, fa cəɗmakwar, asaya, faa guzlam mey hay maaya ba a ray akwar, maja akwar gula aɗaw hay, yah, *Bəz ŋga Ndaw na, maaya ŋga Gazlavay aa da ray akwar.

Mey-maaya-mawiya masa Jaŋ ma wuzlala 1:19

Pas pal daha, mahura hay ŋga *Jəwif hay da *Jeruzelem a sləram ndəhay ma ka kwakwas ŋga Gazlavay ta ndəhay *Levi hay ta fa Jaŋ. A sləram ŋgaa cəfɗamərwa, aŋga na, wa? Jaŋ ta ɓey mey ta ɓey daa ba. Ta zlurey ŋga mbəɗdatara daa ba, a wuzdatara, a ləvtar: «Kəriste, ndaw masa Gazlavay ma wala ŋga ləhdata ndəhay na, ara yah ba.»

Mey-maaya-mawiya masa Jaŋ ma wuzlala 16:2

A da ɓəlmakwar daa way-mewuzey-mey hay ŋga Gazlavay. Asaya pas a, a wuswa la masa ndəhay ma da kəɗmakwar vagay na, a wulkam a key ŋgene, a kamar cek maaya ŋgada Gazlavay.

Mey-maaya-mawiya masa Jaŋ ma wuzlala 19:38

Fa dəɓa ha, ndaw da slala Arimate daha, mezəley *Jawzef. Ta’, a daw fa Bay Pilat ŋgaa cəfɗarawa vagay ŋga Yesu amba a jəha. Jawzef e na, ara ndaw ma təɓa mey ŋga Yesu, ama ta wuzda vaw aŋga daa ba maja a zlurey ta mahura hay ŋga *Jəwif hay. Bay Pilat ta vəlar cəveɗ la. Aŋga ta’, a daw a la vagay a.

Mey-maaya-mawiya masa Jaŋ ma wuzlala 20:19

Taa kwaɗ ta luma ŋga Gudal a ŋgene, *gula hay ŋga Yesu makustakaya daa way daha. Ta gərcamata mey-slam hay sem ta lekəle maja ata fa zluram ta mahura hay ŋga *Jəwif hay. Ta’, Yesu a daw a lecey a wuzlah ata, a ləvtar: «Anja Gazlavay ŋga njadakwar daa zazay.»

Mey-maaya-mawiya masa Jaŋ ma wuzlala 7:13

Kwa ndaw ta gwa ŋgaa guzley da ray Yesu fa mey ŋga ndəhay daa ba, maja a zluram ta mahura hay ŋga Jəwif hay.

Mey-maaya-mawiya masa Jaŋ ma wuzlala 9:18

Ndaw aha a yawa aŋga wulaf, ama wure keɗe dey aŋga ta wurey sem na, mahura hay ŋga *Jəwif hay a təɓmara mey a ba, si ata maa cəfɗamata ata papaha ta mamaha la ɗagay. Ta’, a zəlmatərwa, a ləvmatar: «Keɗe na, ara bəzey akwar daw? A yawa na, fara fara aŋga wulaf daw? Yaw, kaa wure keɗe aŋga fa hətar dey na, kwara?»

Mey-maaya-mawiya masa Jaŋ ma wuzlala 9:21

Ama ya sərmara cek ma key ta aŋga ba, asaya, ya sərmara ndaw ma wurara dey keɗe ba may. Cacəfɗamara aŋga ray aŋga, ara bəzey saya daw? A gwa ŋga wuzdakwara.»

Mey-maaya-mawiya masa Jaŋ ma wuzlala 9:34

A mbəɗdamara, a ləvmar: «Kah na, ndaw ta mebərey fara fara dəga ŋga mayawa akah, kaa ka wuɗey ŋgaa sərkadandar cek may daw?» Da ray ŋgene, ta’, a badamara daa way-mewuzey-mey ŋga Gazlavay.

Mey-maaya-mawiya masa Jaŋ ma wuzlala 9:35

Yesu a cənda na, ta badamara ndaw masa aŋga ma wurara dey heyey sem. Ta’, a daw a hətfar, a ləvar: «Kah ma pa *Bəz ŋga Ndaw la ŋga ndaw akah fara fara daw?»

Sləra ŋga Ndəhay Meslərey ŋga Yesu 4:18

Ta’, a zəlmata saya, a təkmata ŋgaa sərkedey ndəhay da ray mey ŋga Yesu, asaya, a təkmata kwa ŋga key maɗay ŋga maaya ta ndəhay da ray Yesu.

Sləra ŋga Ndəhay Meslərey ŋga Yesu 5:13

Ndəhay siya ma təɓmara mey ŋga Yesu fara fara ba na, a wuɗam ŋga kusey ta ata ba, maja a zluram, ama ndəhay tabiya faa həmdamata ndəhay ma təɓa mey ŋga Yesu a cəŋga.

Sləra ŋga Ndəhay Meslərey ŋga Yesu 5:40

A zəlmatərwa ndəhay meslərey heyey. A sləɗmata, a ləvmatar: «Ka da wuzam mey da ray Yesu saba.» Ta’, a mbəkdamata.

Cek masa Yesu Kəriste ma wuzar a Jaŋ 21:8

Ama ndəhay masa ta mandərzay daa dey, ndəhay masa ma mbəkdamaya sem, ta ndəhay masa mazləɓkaya, leŋ ndəhay ma kəɗam ndaw vagay, ndəhay masa ma lam vaw saw da palah, leŋ ndəhay ma ka maazla hay maaya ba ta ma ta kuley hay, asaya, ndəhay ma mbərzlam hay tabiya, slam ata na, daa dəhwa ŋga awaw masa ta aŋgwa maa kuray-bəzey, ma gəɗey njəm-njem. Ŋgene, ara meməcey ŋga dey cew.»