Ibəranəŋkowen 3:14 - Wakità Zəzagəla Wakità Aŋa Makəs Vok Slawda Mawga (Cameroun)

¹⁴ Baŋa anu məda à huma à gay la makəs azla­tatak uwana mədiŋal gəl à vok, dagay la madzəka tsəràh à makəɗ gəl à ahəŋ kà, kiya uwaga haɗay, mədàgay azladza aŋa Kristu.

Ibəranəŋkowen 3:14 Iomraidhean Croise

WAKITÀ UWANA POL ATSETSÈR À AZLA ROM Lettre de Paul aux Romains 11:17

Ahàf delga la abatà takədəval sləm anik la vok ala, ŋgaha tahàd kà makədəvani tsəhay aŋa ahàf uwatà la fəta kà maɓəɗla à slaka uwana à abà, takədəvalla vok ala. Uwaga kà apəhay kà à kak, uwana kak zil Yahu­diya aw. Kà uwana tatak delga uwana azla Yahu­diya taɓəzàl kà, lagonay kà, kak babay kaɓəzal bokuba azla­sləm ahàf uwana taɓəzal ndzəɗa kà made­golay iyà gà.

WAKITÀ UWANA POL ATSETSÈR À AZLA ROM Lettre de Paul aux Romains 11:22

Kay, fàl sləm lela, Zəzagəla kà delga, ŋgaha dzaŋ­dzaŋ babay. Masla kà dzaŋ­dzaŋ lakəl aŋa azladza, uwana tatə̀ɗ à ahəŋ la tetəvi aŋha la tsəh, ama kà aŋak kà, aɗahà à ka delga à kak uwana kada à huma à gay la maɗàh uwana ahəɗal à adi, tsa baŋa kità aw, adànats ka à ahəŋ babay.

1 Korintiya 1:30

Ama akul kà, Zəzagəla azalà akul, kà maham gay à vok la Yesu Kristu la abà. Kà uwana Kristu la uwana aga matsi­hila gami, uwana asà à ahəŋ la zagəla la afik, mədapaka azladza aŋa Zəzagəla, sà sətaka adagay, mədapəlla la ndzəɗa aŋa mamətsay la abà babay.

1 Korintiya 10:17

Kaf kà tekula pəra à uwana anu gesina məzuway, kaf tekula gà uwaga kà apəhla ala kà mədagay tekula, kà uwana məzùw kà kaf tekula uwatà.

1 Korintiya 9:23

Uwana gəɗàh uwaga gesina kà, kà gay marabəŋ aŋa mad à huma à gay lela, kà gi aŋa maɓəz masik la azladza anik bay.

Efedəya 3:6

Aganay tatak uwana mapəhla ala gà: Uwana Zəzagəla avà à azla Yahu­diya bokuba ləmana kà, akul uwana akul azla Yahu­diya aw kà, kadà­ɓəzawwal babay suwaŋ: Akul la azla Yahu­diya kà, kagaw tekula. Tatak uwana Zəzagəla apə̀h à ahəŋ, kà mav à azladza, uwana azlaaŋa Yesu Kristu kà, adavà à akul babay. Azla­tatak uwaga kà, tasà à uda kà la gay marabəŋ la abà.

1Timotawus 6:2

Kəla mayà uwana məŋga aŋha kà masla madiŋal gəl à vok kà, apəsew masla kà uwaga aw, la magoɗay kà: Anu səla kà tekula, kà uwana anu la deda. Ama bà la uwaga kà, aɗaha sləray uwana ɗaɗuwa à gay uwana uwarà, kà uwana aɗaha sləray kà aŋa dza uwana adav ləv aŋha à Kristu, ŋgaha awoya masla. Aganay tatak uwana katapla à azladza anik. Dzərəɗàhàtàla kà maɗehəŋ.

Ibəranəŋkowen 11:1

Maf gəl à afik, asal magoɗay kà: magəɗəŋ à afik à tatak uwana takuday adàpaka à vok tanəŋəŋ la yewdi aw, tadiŋal gəl à vok kà aga la ahəŋ ndzer.

Ibəranəŋkowen 12:10

Azla­baba gami la gudəŋ la vok kà tatà­pa­nula kà aŋa kaslà ŋuv, bokuba uwana akəs à atà à gəl. Ama Baba gami uwana la zagəla kà atà­pa­nula, kà anu maham gay à vok la tsi­kasla aŋha la abà aŋa koksi­koksi.

Ibəranəŋkowen 3:1

Azla­deda, la kità Zəzagəla babay atsa­tsà­mànì akul kà akul aŋa magay tsəhay aŋha. Baməraka la uwaga kà, fàw vok aŋkul à Yesu à afik, masla la uwana Zəzagəla aslə̀l à waŋ kà masla aŋa magay məŋ madza­haga aŋa madiŋal gəl à vok gami, uwaga masla la uwana, masla masəlla anu vok la Zəzagəla, uwanay la uwana məziŋ la dazu­waya.

Ibəranəŋkowen 3:6

Ama aŋa Kristu kà, ndzer masla Kona aŋha, uwana anəŋla huɗ gày aŋa Baba, bokuba magoɗay, masla kà lela la tsəhay sləray aŋatà uwana la abà, aɗehəŋ babay. Anu tsəhay aŋha, anu babay kà anu azlaməna huɗ gày aŋha, à baŋa məda à huma à gay la mawaɗ vok à uda, məfa madzugway gami à azla­tatak uwaga à afik la marabay, tsəràh à makəɗ gəl à ahəŋ

Ibəranəŋkowen 6:11

Uwana mətuwal à tsəh kaykay kà, kawaɗaw vok à uda, kà kadaw à huma à gay kà akul aŋa maɓəzal tatak uwana kaɗu­wawwal yewdi.

Ibəranəŋkowen 6:4

La dziriga ma, kakay akəs vok à azladza uwana tasòkw à tetəvi mawi­siga à ama mi? Kay kà, tadzà à ahəŋ la uɗaka aŋa Zəzagəla la abà. Tatàp mavày aŋa Zəzagəla, ŋgaha taɓə̀zal Masasəɗok Zəzagəla tekeɗik.

1 Piyer 4:13

Kahamaw à ŋgərpa uwana à abà Kristu asà, kà uwaga kà, vàlàhàw à zagəla la kaslà uwana azladza tadà­nəŋəŋ kà masla məŋga la yewdi anatà, akul kadà­va­lahaw à zagəla la ləv aŋkul gesina.

1 Piyer 5:1

Lagonay gəpəhay kà à akul azla­ma­siga uwana la tataka aŋkul la abà. Gi babay kà, gi masiga bokuba akul: Mok uwana tasà ŋgərpa à Kristu kà, gənəŋàŋ, gətàp gay gəl à ahàl à abà, məkalàŋ mazləɓay aŋa Kristu uwana Zəzagəla apə̀ha­nula, kà uwaga à uwana ‘Kamkam’, gəgoɗ akul:

1Yuhana 1:3

Tatak uwana mənənàŋ, ŋgaha la uwana mətsənàŋ, məta­pa­kulla, kà akul aŋa magay tekula la maham gay à vok la abà, la Baba, ŋgaha la Kona aŋha Yesu Kristu.