Ibəranəŋkowen 13:4 - Wakità Zəzagəla Wakità Aŋa Makəs Vok Slawda Mawga (Cameroun)

⁴ Kasaw gay lakəl aŋa mis la zil aŋha. Kak mis kazaɓ zil aw. Kak zil kaɗaha à gəl gaw babay aw. Sə̀làw kà Zəzagəla adàɗah seriya à azladza uwana à gəl, taɗehəŋ kiya uwaga, ŋgaha adàɗah seriya à azladza mabi­laga à gəl gesina.

Ibəranəŋkowen 13:4 Iomraidhean Croise

1 Korintiya 5:13

Kà uwana azlaməna à uda kà, Zəzagəla la uwana adàɗaha à atà seriya à gəl. Kuɗə̀kàw à uda dza uwana aɗàh mawi­siga la tataka aŋkul la abà, bokuba uwana wakità Zəzagəla apəhay.

1 Korintiya 6:18

Tsa kità zlà kà, kahoyaw à mabila à ahàl! Azla­tsa­kana anik anik uwana azladza taɗa à ahəŋ gesina kà, aɓəz à huɗ gà aw. Ama dza uwana aɗàh mabila kà, awis vok aŋha ala la gəl aŋha.

1 Korintiya 6:9

Sə̀làw la dziriga kà, azlaməna makəsa­fər tadàda à makoray Zəzagəla aw. Akul, kava­varaw gəl aŋkul aw. Azlaməna mabila, azlaməna manəf mazlazlay la azlaməna gəl gaw, ŋgaha la azlaməna matsa­tsəl vok kà atà kà atà zil zil kà, tadàda à makoray Zəzagəla tetuwa aw.

1 Korintiya 7:38

Dza uwana azəɓ mawuɗa aŋha kà, aɗaha delga, ama dza uwana azəɓ aw aɗaha sləray kà dzəba aŋha səla aw, aɗuwa vok kaykay aya.

1 Korintiya 9:5

Azlayla gi kà, gi aŋa mazəɓ mis masla madiŋal gəl à vok gà, kà mau­gu­zahay anu səla, bokuba uwana azlaməna masləlay anik, la azla­deda aŋa Sufəl gami, la Piyer aw takay?

2 Korintiya 5:10

Kà uwana uwaga kà leri gami, kà anu aŋa magay la huma aŋa Kristu, kà maɗàhla à anu seriya à gəl, kà kəla uwa­be­yuwi aŋa maɓəz humà masik aŋha, lakəl aŋa uwana aɗahàŋ gesina, adagay mawi­siga, adagay delga, à mok uwana agà la vok uwanay la abà.

Galatiya 5:19

Azla­tatak uwana asa à sləɓ vok aŋa dza kà maɗehəŋ kà, adzàɗ ala: Mabila, sləray àlàh gà, kəla sləray mawi­siga,

Galatiya 5:21

Ŋgaha azlaməna à adi, azlaməna guzu, azlaməna marazlay mawi­siga la azlasləray anik tsəhay gà uwaga. Gəpəh à akul à vok à abà bokuba uwana gədapəh à akul dagay uwarà kà: Azlaməna maɗàh tsəhay gà uwaga kà, tadàɓəza slaka la makoray aŋa Zəzagəla aw.

Efedəya 5:5

Sə̀làw kà, azlaməna mabila, ŋgaha la azlaməna maɗàh tsəhay tatak mawi­siga uwaga, azla­uwana tafa yewdi à tatak aŋa azladza à vok, la azlaməna masləkaw mazlazlay, la azlaməna huŋwa kà atà babay, tadàɓəza makoray aŋa Zəzagəla la aŋa Kristu tetuwa aw, kà uwana azla­tatak uwaga tahə̀ɗ à atà à adi ɗaɗuwa gay Zəzagəla.

1Tesaloniki 4:6

Tsa bà kiya uwaga kà, dza aɗaha tsakana à masla magay aŋha à vok lakəl aŋa azlamis aw, kà uwana ndzer, kasəlaw kà, Zəzagəla aɗah seriya à tsəhay dza uwaga à gəl, kà uwana mədapəh à akul à vok à abà lakəl aŋa uwaga.

1Timotawus 3:12

Say azlaməna mazlak à maham ahəŋ məna gay Zəzagəla, tagay la mis tekula tekula, tagay azlaməna manəŋla azlabəza aŋatà lela, la huɗ gày aŋatà gesina.

1Timotawus 3:2

Masiga aŋa azlaanik kà, say agay kà dza uwana dza aslala vok aŋa matsəɗal gay à tsəh aw kəla. Agay zil aŋa mis tekula, agay dza tələmmaga, agay masla makəs gəl aŋha, agay dza uwana sləm aŋha la ahəŋ, agay masla makəs azlaməlok dza la ahàl səla, agay masla masəl matapla à azlaanik babay.

1Timotawus 3:4

Kəla kà, agay la maslay kà manəŋla huɗ gày aŋha lela, agay masla mawulla haŋkəli à azlabəza aŋha, kà atà aŋa matsən gay aŋha, ŋgaha kà atà aŋa mazləɓ masla.

1Timotawus 4:3

Azladza uwaga kà tadà­varah gay kà mazəɓ mis la mazuw azla­tatak anik anik. Te­ke­ɗika Zəzagəla aɗahàhà azla­tatak uwaga kà, kà azlaməna madiŋal gəl à vok, uwana tasəl dziriga aŋa mazuway. A baŋa: ‘Kikay’, tagoɗal kà uwaga gesina kà, mawi­siga aya aw.

1Timotawus 5:14

Kà uwaga à uwana gəgoɗ à ka: Asa à gi kà azlamis kuɗa meɗega kà tadah à zil, tayyàh bəza, ŋgaha taf sləm à huɗ gày aŋatà suwaŋ. Ŋgaha kà anu aŋa mav tetəvi à masla məzam gami, kà masla aŋa mapəh mawi­siga lakəl gami aw.

Titus 1:6

Dza uwana kakəsani kà magay masiga kà, say agay zil gày, uwana taslə̀hàla vok aw, agay zil aŋa mis tekula, azlabəza aŋha tagay azlaməna madiŋ gəl à Yesu Kristu à vok, maday aŋatà agay delga kà azladza aŋa manərəz atà, taɗàh mawi­siga aw, ŋgaha tagay azlaməna makəs gay aŋa azla­baba aŋatà koksi­koksi.

Ibəranəŋkowen 12:16

Ɗahàw haŋkəli kà dza aŋa magay mabila gà aw, kà masla aŋa makweska azla­tatak delga aŋa Zəzagəla bokuba Esaw, uwana akweskà magay malkwoy aŋha gesina, kà maɓəɗla tatak may à gay aŋa mavakay tekula.

Mafətàla 22:15

Ama azlaməna falay, la azlaməzla, la azlaməna maɗàh mabila kà, tadàgəɗ à uda. Azlaməna makaɗ dza babay, la azla­uwana tasləkaw mazlazlay, la azlaməna manəf fida kà, tadàgəɗ à uda babay, tetuwa tadàɓək asik à huɗ gudəŋ à abà aw!