Tito 3:5 - Oroth Caaqo

⁵ nu ootheez geeshsha oosay gishos baazin fa maarotithay gishos nuna ashsheeza. E nuna ashsheezay, nam7antho yelintto meechcharannee Geeshsha Ayyana baggar inggeez oroth yessara.

ኦሮ ጫቆ

⁵ ኑ ኦዝ ጌሽ ኦሳይ ግሾስ ባዝን ፋ ማሮትይ ግሾስ ኑና አሼዛ። ኤ ኑና አሼዛይ፥ ናምአን የልንቶ ሜቻራኔ ጌሻ አያና ባጋር እንጌዝ ኦሮ የሳራ።

Tito 3:5 Iomraidhean Croise

Maatoosa 3:11

«Yi, yi nagaraypp maaqqeezana erisodayis ta yinttan haathar xammaqiza. Zin taapp guyer yi7izay yinttan geesha Ayyanarannee tamar xammaqoda. E taapp lo7ithii miinggiza; ta hara attozin E caamma tookkodayis beezooya.

Luqaasa 1:50

Eza bonchchizitayil afa, e maarotithay medhinapp medhina hellodayis yeziza.

Luqaasa 1:54

Fa maarotitha qoppii, Fa aylla Isreele maaddeeza.

Luqaasa 1:72

Yeya E ootheezay nu aditayis fa maarotithi beezodaysinnee, fa geesh caaqa naagodayis.

Luqaasa 1:78

Nu Xoossay fa keeha maarotithayir wontta xalqqe nuus salopp kessoda.

Oroome 11:14

Ta yeya ootheezay taass asho dabbo maaqqeez Isreelitay qiirssi unttapp xiqqita ashshodayisii.

Oroome 11:6

E unttan dooreezay fa aadho keehetithayirapp attin u oosor baaya. Dooray oosor maaqqiko, e aadho keehetithay cere atteeza.

Oroome 12:2

Lo77o, ufayssizannee folo maaqqeez Xoossa kiita yi shaakkii erodayis yi qofar laaminttoyttapp attin yha alama aazippate.

Oroome 3:20

Yey gishos, oonkka higges kiitinttii Xooss tiina xillodayis danda7ooya. Higge as ubbitay nagaranchcho maaqqeezana beeziza.

Oroome 3:28

Xoossii as xillisizay ammanorapp attin higge naagor baazana nu eriza.

Oroome 4:5

Zin ooso oothowa oonkka nagaranchchana xillisiza Xoossa ammaniko, e ammanay ezis xillotith maaqqii payidinttiza.

Oroome 9:11

Mentte na7itay yelinttodaypp woy iita woy lo77o udekkazin xeegizaypp attin oosopp baazin dooro Xooss qofay miinggoday garkke

Oroome 9:16

Yikkee, Xooss dooro as shener woy as oosor baazin e maarotithayira.

Oroome 9:30

Yeezin, nu waagodee? Xillotith koyibe7ekka Ayihude baa asay ammanor xillotithi denggeeza.

1ቆሮንቶሳ 6:11

Yinttapp pettii pettii asay tiina yey garkke. Zini yi yhatti Goda Yesuus Kiristtoosa suntharannee Xooss Ayyanar meecintteeza; geezheeza; xilleeza.

Galaatiya 2:16

Zin asii Yesuus Kiristtoosa ammanii xillizapp attin higge naagii xilloozana nu eriza. Oonkka higge naagii xillowa gishos nuukka higge naagor baazin Kiristtoosa ammanii xillod garkk Kiristtoos Yesuusana ammaneeza.

Efisoon 2:4

Zin Xooss gita maarotithayppennee nuus yez E gita siiqaypp denddeezayid,

Efisoon 4:23

Yi wozina qofayir ooroxoytta.

Efisoon 5:26

E yeya ootheezay woosa keeth geeshshodayis koyii udeeza, geeshsheezaykka fa qaalay baggar haathar meeccii.

Qolaasiyasa 3:10

Medhizaya aaziz, eretithar laamintteez oroth hanotitha ma77oytta.

2 Ximaatoosa 1:9

Xoossii fa shenerannee fa aadho keehetithayir nuna dummasii, fa geeshsha woya udodayis nuna dooreezapp attin nuunii ootheez ooso gishos baaya. Yha aadho keehatitha Kiristtoosa Yesuusa baggar alame medhinttodaypp tiin nuus inggeeza.

Tito 3:4

Zini dhale maaqqeez Xooss keehetithannee siiqqay qoncceez wode

Ibraawe 10:22

Nuunii iita kahaypp geezhodayis nu wozina wurxinttii, nu asetitha xillo haathar meecinttii, luule wozinarannee folo ammanor Xoossiko shiiqoda.

Ibraawe 4:16

Yikkee, maarotith ekkodayisinnee maadee koshshiza wode aadho keehatithaypp denggodayis aadho keehatithay yeza aqo Xooss zufaanayiko yashitekka shiiqoda.

Ibraawe 6:6

guyeppe kaddeezita nagaraypp nam7intho mahodayis danda7inttooya. Abis giiko, unttii fa dhabos Xooss Na7a mahii sotizay garkk mazqalel afa eza sotteeza woya tiina kawushshiza.

1 Phixiroosa 1:3

Yesuus Kiristtoosana yhayiqopp denthii fa gita maarotithayir nam7antho yelinttayir dhaboowa ufayss inggeez nu Goda Yesuus Kiristtoosa Aday, Xoossay galatintto.

1 Phixiroosa 2:10

Yi tiina Xooss woya baaya, zin yhatti yi e woya. Yi tiina maarotithi denggekkazita, zin yhatti maarotithi denggeeza.

1 Phixiroosa 3:21

Ye pirdda haathay yhatti yinttan ashshiza xinqqate aaziso maaqqeeza. Yha xinqqatay galla qita meecco baazin lo77o kahar Xooss tiina qaala gelo, Kiristtoosa denddo baggar yinttan ashshiza.