ዋንሳ ቆንጭ 6:12 - Oroth Caaqo

¹² Duray usuppuntha maatama dooyeez wode ta be7eeza; biitta wolqqama eni7o eni7eeza. Awa aafay kaaritii kaya afila aaziza. Aginaykka zoqqii suuth maaqqeeza.

ኦሮ ጫቆ

¹² ዱራይ ኡሱፑን ማታማ ዶዬዝ ዎደ ታ በኤዛ፤ ቢታ ዎልቃማ ኤንኦ ኤንኤዛ። አዋ ኣፋይ ካርቲ ካያ አፍላ ኣዝዛ። አግናይካ ዞቂ ሱ ማቄዛ።

ዋንሳ ቆንጭ 6:12 Iomraidhean Croise

Maatoosa 11:21

«Ayye Koraazinee katamas, ayye Beetesayda katamas, abis giiko, yi gancce oothintteez malatay Xiroosannee Sidoona oothintteez maaqqeezako, u binii budo tizhinttii, kayo afila ma77ii fa nagaraypp maaqqii attoda.

Maatoosa 24:29

«Ye wode ye meto gallasitaypp guye, elle awa dhumoda, agina fa poo7o kayoda. Xoolinttitay salopp wodhdhoda, ma salo yez wolqqitaykka buqinttoda.

Maatoosa 24:7

Woyay woyara, pettii kaatetithay hara kaatetithar olinttoda. Nayennee biitta eni7o gaame aqo hanoda.

Maatoosa 27:45

Usuppun saatepp yhanigii, uddufun saate hellodayis biitta ubbay dhumeeza.

Maatoosa 27:54

Mato halaqaynnee ezar Yesuusa naagiza wotaaddaritay biittay eni7eezannee aqayid haneezibaza be7eez wode gaame yashittii «Tuma yhay Xooss Na7a» yeegeeza.

Maatoosa 28:2

Qoppekka wolqqama biitta eni7o haneeza. Goday kiitanchchay salopp wodhdhii duufay doonayil yez shuchcha goli7isii ezal afa betteeza.

Marqqoosa 15:33

Usuppun saatepp aykkii, uddufun saate hellodayis biitta ubbay dhumeeza.

ዋንሳ ቆንጭ 11:13

Ye saatayid biittay wolqqama eni7o eni7in, katamaypp taphphintha kushay dhabeeza. Ma biitta eni7or laappun mukulo asay yhayqqeeza. Atteez asay iita kukkurii yashittii; salo Xoossayis bonchcho inggeeza.

ዋንሳ ቆንጭ 16:18

Yeypp zeelinthii zeelinggeeza; daday saarii dhuqqeez, biittay eni7eeza. Yey garkk wolqqama biita eni7o asii medhintteezaypp aykkii yesha eni7ekkaya.

ዋንሳ ቆንጭ 16:8

Oyddantha kiitanchchay xuu7a awal afa laalin, awa fa mishayir asa xuuggoday garkk awas wolqqa inggintteeza.

ዋንሳ ቆንጭ 8:12

Oyddintho kiitanchchay fa tulitula puggeeza. Awapp, aginappennee xoolinttitaypp hayidzii kushepp pettay shocintteeza; u poo7aypp hayidzii kushepp pettay dhumeeza. Gallasaypp hayidzii kushepp pettay, qammapekka hayidzii kushepp pettay dhumeeza.

ዋንሳ ቆንጭ 8:5

Yeypp guye, kiitanchchay ixaannee cuyshiz qendela ekkii, ezayid yarshsho aqaypp qaaqa tama kunthi sa7a sulle dhugeeza. Yeypp dada, dada saarth, zeelinthinnee biita eni7o haneeza.