ዋንሳ ቆንጭ 4:6 - Oroth Caaqo

⁶ Zufaanay tiina birille aaziza fociz burccuko abbay yeza. Tiinarannee guyer aafe kumeez shemppor yez oyddii medhetithitay zufaanay yuushayirannee zufaanay gancce yeza.

ኦሮ ጫቆ

⁶ ዙፋናይ ቲና ብርለ ኣዝዛ ፎጭዝ ቡርጩኮ አባይ የዛ። ቲናራኔ ጉየር ኣፈ ኩሜዝ ሸምፖር የዝ ኦይዲ መትታይ ዙፋናይ ዩሻይራኔ ዙፋናይ ጋንጨ የዛ።

ዋንሳ ቆንጭ 4:6 Iomraidhean Croise

ዋንሳ ቆንጭ 14:3

Xeetannee oyttamannee oyddii mukulo asitay zufaanayi tiina, oyddii shemppor yez medhetithitay tiinannee cimitay tiina eqqii biitapp wozintteezitaypp hara oonkka tamaarodayis danda7oowa oroth mazmuure yexxeeza.

ዋንሳ ቆንጭ 15:2

Yeypp guye tamar walakintteez burccuko abba aaziza baz ta be7eeza. Ye abbay gaxa do7a, e misilannee e sunthay tayba gameezita ta be7eeza. Xoossii unttis inggeez diitha aykkii burcuko abbal eqqeeza.

ዋንሳ ቆንጭ 15:7

Oyddii medhetithitaypp pettay, medhinas yez Xooss kachchii kumeez laappun worqqa xuu7ita laappun kiitanchchitayis inggeeza.

ዋንሳ ቆንጭ 19:4

Laatamannee oydd cimitayinnee shempor yez oydd medhetithitay zufaanayil betteez Xoossayis xuggunii, «Amin77ii! Hale luuya» yeegii goynneeza.

ዋንሳ ቆንጭ 21:11

Ye katamita Xooss bonchchor poo7iza. Ye katamitii poo7o yasphphiide giz al7o shuchch garkk; geeshsh birille garkk phociza.

ዋንሳ ቆንጭ 21:18

Katamay ginbbe yasphphiide giz shuchchar gasintteeza. Katamay burcuko garkk pociz geeshsh worqqar oosintteeza.

ዋንሳ ቆንጭ 21:21

Taphpho nam77ii pengitayis taphpho nam7ii inqitay yeza. Pettii pettii pengay pettii inqor oosintteeza. Katamitii ogay lo77o burcuko garkk pociz tilla worqqapp oosintteeza.

ዋንሳ ቆንጭ 22:1

Yeypp guye, kiitanchchay tana Xooss zufaanayppennee Duray zufaanaypp goggiz burcuko garkk pociz gita de7o haath ta beezeeza.

ዋንሳ ቆንጭ 4:4

Ye zufaanay yuushayid laatamannee oydd zufaanitay yeza; unttal afa booth ma7o ma77ii, ommal worqqa zawude gaddeez laatamannee oydd cimitay betteeza.

ዋንሳ ቆንጭ 5:11

Ta be7adar zufaanay, oyddii medhetithitaynnee cimitay yuushayid gaame kiitanchchitay yeza. U gaametithay mukulo toke mukulonnee taphphii mukulo toke taphphii mukulo maaqqeez giirtha si7eeza.

ዋንሳ ቆንጭ 5:14

Oyddii medhetithitaykka, «Amin77ee» yeegeeza; ma cimitaykka xuggunii goynneeza.

ዋንሳ ቆንጭ 5:6

Yeypp guye, zufaanayil oyddii medhetethitayisinnee cimitayis gancce, shukintteez Dur garkk eqqeezana ta be7eeza. Ees laappun kacitaynnee laappun aafitay yeza. Yeyititay sa7a ubbayil kiitintteez Xooss ayyaan laappunita.

ዋንሳ ቆንጭ 5:8

E ye xaath maxafitto ekkeez wode oydd medhetithitaynnee laatamannee oydd cimitay Duray tiinayid guphinggeeza. Unttii pettay pettay diithinnee geeshshitay woosa maaqqeez ixaannee kumeez worqqa shaate aykkeeza.

ዋንሳ ቆንጭ 6:1

Duray laappun maatamitaypp petta dooyodar be7eeza. Ma oyddii medhetithitaypp pettay, dada garkk guumithar, «Yhana ye7oba!» yeegodar ta si7eeza.

ዋንሳ ቆንጭ 6:6

Oyddii medhetithitay ganccepp kezeez giirth, «Bagga kilo gistte; pettii dinnare, maakka pettii kilonnee bagga bangga pettii dinnare maaqqo. Zini zayitennee woyne qohippe» yeegodar si7eeza.

ዋንሳ ቆንጭ 7:11

Kiitanchchitay ubbay, zufaanayisnnee, cimitayisinnee oydd medhetithitay yuushayir mari eqqeeza. Unttii zufaanay tiina xuggunii Xoossayis goynneeza.

ዋንሳ ቆንጭ 7:17

Zufaanitay gido betteez Duray unttan heenggoda. De7o pultto haathiko unttan kaalithoda. Xoossii u aafaypp afuth ubba uccoda» yeegeeza.