ዋንሳ ቆንጭ 14:6 - Oroth Caaqo

⁶ Yeypp guye, medhina Wonggile sa7all afa yez kaatetith ubbayis, koch ubbayis, yara ubbayisnnee duma duma doona odinttiza ubbayis markkattodayis salora piradhdhiza hara kiitanchcho ta be7eeza.

ኦሮ ጫቆ

⁶ የይፕ ጉየ፥ መና ዎንግለ ሳአል አፋ የዝ ካተት ኡባይስ፥ ኮች ኡባይስ፥ ያራ ኡባይስኔ ዱማ ዱማ ዶና ኦድንትዛ ኡባይስ ማርካቶዳይስ ሳሎራ ፕራዛ ሀራ ኪታንቾ ታ በኤዛ።

ዋንሳ ቆንጭ 14:6 Iomraidhean Croise

Maatoosa 10:27

Ta yinttis dhuma odizana yi poo7o odoytta; ta yinttis haye kale kalkkasheez baz derell afa woyas awajjoytta.

Marqqoosa 16:15

E unttiko, «Biitta ubbayil yhanigii as ubbayis Wongile odoytta.

Oroome 16:25

Xoossis galata maaqqo. Taanii, Yesuus Kiristtoosa baz odiz wongile qaalayir bini wodepp ayikkii qosinttii gam7eez tumatithar, Xoossay yinttan ammanor miinthii essodayis danda7iza.

Qolaasiyasa 1:23

Yi, yi ammanor eni7ekka miinggii xaphphii yezodayis beeziza. Yi Wonggile qaala si7eez wode ekkeez ufayssa miinthii aykkoytta. Ye Wonggila yi si7eezannee alame ubbayil sabbakintteeza. Ta, Phawuloosakka yha Wonggelayis oosanchcho maaqqeeza.

2ተሰሎንቀ 2:16

E nu Goda Yesuus Kiristtoosannee nuna qadhdhii nuus fa aadho keehetithar medhina minthathonnee lo77o ufayss Xooss Aday nuus inggeeza.

Ibraawe 13:20

Medhina caaqo suuthar bayira duritayis henthanchii maaqqeez nu Goda Yesuusana yhayiqopp dentheez sarotith Goda

1 Phixiroosa 1:25

Zini Goday qaalay medhinas miinggii yezoda» yeegiza. Yinttis odintteez Wonggile qaalay yhaya.

ዋንሳ ቆንጭ 10:11

Yeypp guye, taako, «Neenii gaame kochitayis, woyas, duma duma doonar odinttizitayisinnee kaatitayis tinbbite mahii ododayis beeziza» yeegeeza.

ዋንሳ ቆንጭ 10:7

Zini laappuntha kiitanchchay fa tulitula sisiza wode Xoossii fa aylle maaqqeez nabitay baggar qoncciseez xuura qofay polinttoda» yeegeeza.

ዋንሳ ቆንጭ 13:7

Ye do7ay geeshshitayra olinttii, unttan gamoday garkk wolqqa ees inggintteeza. Koch ubbayil, gade ubbayil, duma duma doona odinttiza ubbayllannee zerethi ubbayil mawute ees inggintteeza.

ዋንሳ ቆንጭ 3:10

Neenii, ‹Garzhoba› gi ta kiitteez kiita naageez gishos kunth alama faacodayis ye7od waaye wodaypp taanii nena naagoda.

ዋንሳ ቆንጭ 5:9

Unttii, «Xaath maxafitto ekkodayis, maatame bili7odayis nees beeziza. Abis giiko, neenii shukintteezaya; zerethi ubbaypp, duma duma doonapp, yaritappennee kaatetith ubbaypp, ne suuthayir Xoossayis wozeeza.

ዋንሳ ቆንጭ 8:13

Yeypp pettii gollo salol dhoqq gi, piradhdhodar be7eeza. Ye gollay fa qaala dhoqq udii, «Atteez hayidzii kiitanchchitay fa tulitulo puggodayis yez gishos sa7a yez asayiko ayye! Ayye! Ayye!» yeegodar si7eeza.