1ተሰሎንቀ 5:12 - Oroth Caaqo

¹² Nu ishuntho, yi gancce oothizita, yinttan kaalithoday garkkennee zoroday garkk Goday dooreezita bonchchoday garkk yinttan ta woossiza.

ኦሮ ጫቆ

¹² ኑ እሹን፥ ይ ጋንጨ ኦዝታ፥ ይንታን ካልዳይ ጋርከኔ ዞሮዳይ ጋርክ ጎዳይ ዶሬዝታ ቦንቾዳይ ጋርክ ይንታን ታ ዎስዛ።

1ተሰሎንቀ 5:12 Iomraidhean Croise

Luqaasa 10:7

Ooso asis damooze beeziza gishos yi geleez keetha yinttis shiisheez baz ubba miittarannee uzhittar ezayid gam7oytta. Pettay karapp pettay kara yuuyppatte.

Waannisa 4:38

Yinttii daaburekazana shiishoday garkk taanii yinttan azazeeza. Yhankkitay oothii daabureez aqo gelii yi u daaburssi aafa ekkeezitta» yeegeeza.

ሀዋርታይ ኦሶ 20:28

«Fa aaddas fa suuthar wozeez Xoossa woosa keetha naagoytta. Geeshsha Ayyanay yinttan wude henggizita udii shuumeez wudayisinnee yi ubbayis naaginttoytta.

ሀዋርታይ ኦሶ 20:35

Yi yhay garkk daaburii oothittar daabureezita maaddodayannee Goda Yesuusa, ‹Ekkizaypp inggizay anjjintteeza› geez qaala yi qoppodayis beeziza taanii yinttan ubba bazar beezeeza» yeegeeza.

Oroome 16:12

Goday oosor daaburiz maachchi Xirufaynaranne Xirufoosa saro goytta. Ma Godayis gaame daaburii oothiz, ta qadhdhiza Xersiso saro goytta.

Oroome 16:6

Yi gishos oosor gaame daabureez Mayramo saro goytta.

1ቆሮንቶሳ 12:28

Woosa keetha Xoossay, tiina hawaarita, nam7intho nabita, hayidzintha asitamaarita, kaallii malatita oothizita, pathizita, yhankkita maaddizita, woosa keeth aqizitannee, duma duma doonar odizita gaddeeza.

1ቆሮንቶሳ 15:10

Zini Xooss aadho keehatithayid yhatti maaqqeezay tana; E taas inggeez aadho keehatithay cer attekkaya. Taanii yhankko hawaaritaypp aathii daabureeza. Zini taara yez Xooss aadho keehatithay ootheenepp attin tana baaya.

1ቆሮንቶሳ 16:16

Yinttikka u garkk asisinnee, unttara oosor daaburiza ubbayis kiitenttoday garkk ta yinttan woosiza.

1ቆሮንቶሳ 16:18

Unttii yinttan ufaysseezay garkk tanakka ufaysseeza. Yey garkk asita denthithoytta.

1ቆሮንቶሳ 3:9

Nuunii pettipp Xoossayis oothiza eez oosanchchita maaqqeez gishos yi Xooss ooso gade; Xooss keethe.

2ቆሮንቶሳ 11:23

Unttii Kiristtoosa oosanachcho? Taanii eeya as garkk odiza, unttapp aadhiz Kiristtoosa oosanchcho. Taanii oosor gaame daabureeza; unddenna wode acintteeza; garafintteeza; gaame wode yhayiqos heleeza.

2ቆሮንቶሳ 5:9

Yeyi gishos, nu yha asetithayir yezin woy yha asetithayipp shaakinttin, nu amay eza ufayssodaya.

2ቆሮንቶሳ 6:1

Nuunii Xoossar wolla oothiza as maaqqeezay garkk, yi ekkeez aadho keehatitha cere mahaamay garkk nu yinttan woossiza.

Galaatiya 4:11

Ta yi gancce yinttis daabureezay cere attodeshsha gi ta yashshiteeza.

Filphisoosa 2:16

Yeykka hanizay de7o inggiz qaala miinth aykkithara. Ye wode ta daaburssay ta oosay cere attekka gishos Kiristtoosa yi7iza gallas ta yinttal ceeqinttoda.

Filphisoosa 2:19

Taanii yi yess bagga si7ii ufayttodayis Ximaatoosa yinttiko ellisii dakkoday Goda Yesuusa shene maaqqodana ta ammaniza.

Qolaasiyasa 1:29

Xoossii fa damma wolqqar taal oothiza gishos yhanno hellodayis e wolqqar butitizannee daaburiza.

1ተሰሎንቀ 2:9

Nu ishuntho, nu oosannee nu daaburssa yi eriza. Yinttis Xooss Wonggile odittar, yinttan waayithaamayis qammannee gallas ootheeza.

1ተሰሎንቀ 4:1

Wurssitha, ta ishuntho, Xoossa ufayssodayis yi wayizii yezodayis beezizako nuuppe yi tamaareeza. Yhattekka yi yhay garkk yeziza, zin yhatti yi kaseesaypp aathii oothoday garkk Goda Yesuusa sunthayir nu yinttan woossizannee zoriza.

1ተሰሎንቀ 5:14

Nu ishuntho, boozita kaccoytta; yashittizita minthoytta; daabureezita maaddoytta; as ubba danda7oytta yeegii nuunii yinttan zoriza.

1 Ximot oosa 5:1

Dhiirath cimita ne ade garkk bonchchor zorobapp attin kaccippe. Yelaga dhiirathita ne ishe udii bo7oba.

1 Ximot oosa 5:20

Yankkitay yashitoday garkk nagara oothiza oonakka as ubbay tiina gayiloytta.

2 Ximaatoosa 2:6

Biita wootar daaburiza ooso athay fa daabura aafaypp miiz tiina as maaqqodayis beeziza.

Tito 1:3

Nuna ashshiza Xoossay fa wode hellin yha kiita ododay garkk taas hadara inggeeza.

Tito 1:5

Taanii nena Qarxeesa ashsheezay, neenii atteez baz lo7ithod garkkennee taanii kiitteezay garkk katama ubbayid woosa keeth aqisizita doorod garkkesii.

Tito 2:15

Neenii yhaya tamaarssoba, kunth mawuter zorob, Seeroba oonikka nena leqqippe.

Ibraawe 13:17

Yinttan aqisizitayis kiitinttoytta, u mawutayppekka oommor yezoytta, unttii oyicinttiz mawute yeza gisho yi shemppayis waayiza, yi unttis kiitinttiko u fa oosa ufayssar oothoda, yeypp attiko azanttar oothiza, yey yinttan maaddiza baz baaya.

Ibraawe 13:7

Yinttis tiina Xoossa qaala odeezi waanta asita qopoytta, u yessannee u oosay aafa bi7ii qoppii ammanor aazoytta.

ዋንሳ ቆንጭ 1:20

Neenii ta ushachch kushayid be7eez laappun xoolinttitannee laappun worqqa kochchitay bili7ithay yhay: Laappun xoolinttitay laappun woosa keethitay kiitanchchita; laappun worqqa kochchitay laappun woosa keethita.»

ዋንሳ ቆንጭ 2:12

«Pherggamoonee woosa keeth kiitanchchayis yhay garkk yeegii xaafoba. Nam7i baggar leepintteez mashsha yezay yhay garkk yeegiza:

ዋንሳ ቆንጭ 2:18

«Tiyaxiroona woosa keeth kiitanchchayis yhay garkk yeegii xaafoba. Tama lath aaziz aafe yezay, ma tamar teeleez naase biraata aaziz tok yezay, Xooss na7ay, yhay garkk yeegiza:

ዋንሳ ቆንጭ 2:3

Neenii garzhor miingeezanannee ta sunthay gishos doli7ekkazar meto ekkeezana ta eriza.

ዋንሳ ቆንጭ 2:8

«Samirnneesa woosa keeth kiitanchchayis yhay garkk yeegii xaafoba. Tiinayinnee wurssithay, yhayqqeezaynnee yhayiqopp denddeezay yhay garkk yeegiza:

ዋንሳ ቆንጭ 3:1

«Serddeese woos keeth kiitanchchayis yhay garkk yeegii xaafoba. Laappun Xooss ayyaanitannee laappun xoolinttita aykkeezay yhay garkk yeegiza: Taanii ne oosa eriza; sunthis ne path yeza zini, ne yhayqqeeza.

ዋንሳ ቆንጭ 3:14

«Loodoqa woosa keetha kiitanchchayis yhay garkk yeegii xaafoba. ‹Amin77ii› maaqqeez ammanintteez tuma markkay, Xooss medhetith ubba haarizay yhay garkk yeegiza:

ዋንሳ ቆንጭ 3:7

«Filaadelfa woosa keeth kiitanchchayis yhay garkk yeegii xaafoba. Geeshshinnee tumanchchay, Dawute qulppe fa kushe aykkeezay, yhay garkk yeegiza: e gorddin oonkka dooyodayis danda7ooya; ma E dooyin oonkka gorddodayis danda7oowa.