Mateo 9:3 - Mauni Mamaga Iifaga

³ Ega aisama Moses ega iifa pamalelega au'i isa ifo'i mo epo'iai keifa keinaka, “Deo mo papiau e'i laomai apala age'agegeaini'i. I'ina auga Deo eegai eifa apala!” keoma.

Mateo 9:3 Iomraidhean Croise

Mateo 26:65

Ega aisama sakedote lopia fa'aga ifo afe tiapuga e'i'inia kai eifa einaka, “Isa Deo eegai eifa apala! Kapa puo isa fekeifafoua papiau'i aga'o fokapuga femai pugu? Amoisa, isa Deo eifa apala penia auga pau ifo'a aina'aisai eake.

Mateo 7:29

Gome isa Moses ega iifa pamalelega au'i koa aepamalele kai, Deo ega isapu eafia auga koa epamalele.

Mako 14:64

Isa Deo eifa apala peni aagenia mo aina ologonia efua. Kapa'ina oopolaga?” eoma. Ke ma'oai keifa apala penia femae auga iifaga kepako'ania.

Mako 3:28

Iifa gome maamiai laifania. Papiau e'i laomai apala'i ma'oai, ke Deo keifa apala peni aagenia mo au'i e'i laomai apala'i Deo age'agegeaini'i.

Mako 3:29

Kai papiau kapa'i Deo ega Spiritu keifa apala peni aagenia mo au'i, e'i laomai apala'i ega'ina Deo afae'agegeaini'i. Kai e'i laomai apala'i ega'ina au'i afa'i akeafi'i aoniamo,” eoma.

Mako 7:21

Gome au gua alogai opola apala'i kemai. Ega'ina auga ifiao o'oae fou feuga, aufalao aga'o eamage kai papiau i'oina aga'o eamage efua auga fou kefeu aagemo, ke papiau aga'o fou fofeu auga opolaga.

Luka 5:21

Iesu ega eifa oma aisama, Faliseo au'i ke Moses ega iifa pamalelega au'i, egae keagu au'i ifo'i epo'iai ke'ina opola'i kekapunia ke keifa keinaka, “Kai aga'o papiau e'i laomai apala'i age'agegeaini'i afaekaina. Deo mo papiau e'i laomai apala'i age'agegeaini'i agekaina. I'ina au kapa kai Deo koa i'opoga papiau e'i laomai apala'i e'agegeaini'i eoma? Iifa gome, isa Deo eegai eifa apala,” keoma.