Mateo 8:8 - Mauni Mamaga Iifaga

⁸ Kai ifani lopiaga iifa epamue einaka, “Lopia, lau au e'eleu puo, oi fomai lau e'u e'ai fokoko auga afaekaina. Foloafipugu e'u e'a folomai kai, moifa mo e'u kala'afi felo gamia.

Mateo 8:8 Iomraidhean Croise

Mateo 3:11

“Lau oi emi laomai apala'i foumakalaini'i laoma puo feisai mo baptismo lapenimi. Kai muniuai agemai auga ega isapu lau e'u isapu eka'egaina. Ke lau isa ife kamataga alaafiakae alapua afaekaina. Isa Deo ega Spiritu isapugai ke loai baptismo agepenimi.

Mateo 3:14

Kai Ioane Iesu epaapakipo ke epainia einaka, “Oi lau baptismo fopeniau kai kapa puo lau eeu lomai?” eoma.

Mateo 8:3

Ega aisama Iesu ima ekalaisa elao au faagagai eafiau kai eifa einaka, “Lau lalogo oi mapafeloiso laoma puo, felomu momia,” eoma. Ke fiakoa mo au faaga felo emia.

Mateo 8:7

Ega aisama Iesu einaka, “Lau alafai alapafelo,” eoma.

Mateo 8:9

Gome lau ifou isafa e'u lopia akaiki'a'i papa'iai lapinauga, ke e'u ifani au'i isafa papauai kepinauga. Lau i'ina au'i aga'o lapaina, ‘Molao’ laoma aisama, elao. Ke aga'o lapaina, ‘Momai,’ laoma aisama, emai. Ke e'u kala'afi lapaina, ‘i'ina mokapa,’ laoma aisama, ekapa,” eoma.

Luka 15:19

Lau oi gaumu fopamiaisau auga afaekaina. Ega puo lau oi emu pinauga au'i aga'o koa i'opoga fopamiaisau alaoma,’ eoma.

Luka 15:21

“Ega aisama gauga ama epainia einaka, ‘Amau, oi ke Deo fou eemiai laomai apala ipauma lakapaisa. Lau oi gaumu fopamiaisau pugu auga afaekaina,’ eoma.

Luka 5:8

Saimon, Peto keoma auga Iesu ega iifai mo ma'a ma'o keafii'i auga eisa aisama, ekauai emani'i alogaina. Ke Iesu agogai a'isaai eomukipo kai eifa einaka, “Lopia, lau laomai apala ikapa au: Mopua'afuniau molao!” eoma.

Ioane 1:27

Isa lau muniuai agemai auga au akaiki'a ipauma, ega isapu lau e'u isapu eka'egaina. Ega kainai lau isa ife kamataga ufe mo ganinagai alagupuka afaekaina,” eoma.