Mateo 8:6 - Mauni Mamaga Iifaga

⁶ Ke eifa einaka, “Lopia, lau e'u kala'afi faaga fofouga emae paguai ekae ekiekie alogaina,” eoma.

Mateo 8:6 Iomraidhean Croise

Mateo 4:24

Iesu fouga epea efoufa'a Siria ago papiau'i ma'oai kelogo. Ega puo papiau isafa i'oi'i i'oi'i keafia papiau'i kemaiseini'i isa eegai epafelo'i. Isafa ega'ina au'i kiekie akaiki'a'i keafi'i au'i, tiapolo alo'iai keagu au'i, isafai epakauaini'i faaga'i efa'i'i au'i, ke faaga'i kemae au'i.

Mateo 8:7

Ega aisama Iesu einaka, “Lau alafai alapafelo,” eoma.

Mateo 9:2

Ega aisama au isa'i au aga'o faaga fofouga emae auga ileai eka kai kepuaisa Iesu eega kemaiseina. Ke Iesu ega'ina au'i ma'oai, ke faaga fofouga emae auga isa agepafelo auga kepako'ania eisa aisama, faaga fofouga emae auga epainia einaka, “Gauagai, alomu gakapula, oi emu laomai apala'i la'agegeaini'i,” eoma.

Acts 10:7

Agelo Konelius epainia efua elao aisama, Konelius au auni'i ega e'ai kepinauga au'i, ke ega pipalagai au'i epo'iai, ifani auga aga'o Deo maagai alo ko'agai ega pinauga ekapa auga fou eifani'i kemai.

Acts 8:7

Gome Filip ega pinauga ekapula alogaina, papiau alo'iai tiapolo apala'i maisagaga'i mo epapealai'i. Ke apoke ipauma papiau'i, ke melo papiau'i ma'o fou epafelo'i.

Acts 9:33

Egae au aga'o aka Aeneas faaga fofouga emae auga inipo imagea kuagai gua petiai ekaaka mo auga eisa.

Kolose 3:11

Ega'ina aguga alogai, oi Grik, o Iudea aumu ma, o oi maguaemu faaga iifalaina emia, o aemia ma, o oi ago i'oina aumu ma, o oi ago alo au'i apala'i ipauma'i koa lokagakaga ma, o oi kala'afi, o loagu aage mo ifomu emu pinauga lokapa ma ganinagai, kapa akaiki'a auga oi Iesu Kristo apuga, ke isa oi ma'oai alomiai eague, ke ufai ke agofa'a fofouga isafa alogai eague.

Kolose 4:1

Ke oi lopia aumi, oi emi kala'afi kapa'ina fekeafia auga fopeni'i, ke ma'oai i'opoga mo fopeni'i. Gome oi ologo oi isafa emi Lopia aga'o ufai eague.

1 Timoti 6:2

Kai kala'afi kapa'i e'i lopia pako'a auga aisama, akeopolaga isa e'i lopia pako'a auga puo, afakepinauga kapula auga kapa aga'o laa'i fakeoma. Isa ega koa fakekapa kai, kala'afi koa pinaugagai mo fekepinauga. Gome isa e'i lopia faugai kepinauga felo auga, afa felo kai aga'o aage afaeafia kai isa e'i lopia ageafia. Ega'ina mo laa'i kai, isa pako'a papiau'i ke e'i lopia isafa pako'a auga. Ke isa ma'oai Kristiano au'i kainai, aa'i aki'i koa i'opoga. Ega kainai Deo isa ma'oai ani'i eani alogaina auga fekelogo. Pako'a papiau'i maa'iai i'ina iifa'i fopamaleleni'i, ke magogo'i foau kapulania ega koa e'i pinauga fekekapa felo'i.

Filemon 1:16

Ke isa agefai eemuai aisama, isa oi emu kala'afi afaemia pugu kai, kala'afi ageka'egaini'i, aamu akimu Kristiano auga anina loani alogaina auga aga'o koa i'opoga agefai. Ke lau alou ko'agai isa anina laani alogaina kai, oi auga isa anina aloani pagainia. Ega'ina auga, isa oi emu kala'afi mo puogai anina afoloani kai, Lopia Iesu lopako'ania kainai, aamu akimu Kristiano auga aga'o koa anina aloani alogaina.