Mateo 8:4 - Mauni Mamaga Iifaga

⁴ Ega aisama Iesu isa epainia einaka, “Foisa oi faagamuai kapa'ina emia auga kai aga'o maagai foloifania. Kai opainai folao sakedote ee'iai faagamu fopakina'i. Ke isa oi faagamu felo emia auga fekeisa, papiau fekepakina'i. Ke faagamu felo emia laoga maina Moses ega iifai eifa kapula penio auga kainai, amu Deo fopa'a penia,” eoma.

Mateo 8:4 Iomraidhean Croise

Mateo 10:18

Ke lau puouai papiau akeafimi akelaoainimi kafana, ke kin ago'iai iifa agopakaisa. Ega koa egae lau fou isa maa'iai, ke Iudea papiau'i laa'i au'i isafa maa'iai agoifafoua.

Mateo 16:20

Iesu ega'ina iifaga eifania afegai, ega imoi aina'i epalogo, isa Mesaia auga fouga kai aga'o maagai fakeifania eoma.

Mateo 17:9

Egae kai ikuai keake kemai alogai Iesu isa eifa kapula peni'i einaka, “Kapa'ina pau oisa auga, kai aga'o maagai foloifania felao Papiau Aumauni Gauga maeai femaunimue afegai kai foifafoua,” eoma.

Mateo 3:15

Kai Iesu einaka, “Pau lau faagauai kapa'ina femia auga mokapa. I'ina fakapa ega koa Deo maagai alo opai lao'i mai'i ma'oai ko'a'i mo fekemia,” eoma. Ega puo Ioane isa baptismo epeniia.

Mateo 5:17

Ke Iesu eifa pugu einaka, “Oi foloopolaga lau Deo ega iifa Moses epenia auga, ke Profeta kapa'ina keifania auga isafa laa'i mapamia'i laoma puo lamai folooma. Laa'i. Lau lamai auga ega'ina iifa'i laa'i fapamia'i puo alamai kai ko'a'i mo fapamia'i laoma puo lamai.

Mateo 6:1

Ke Iesu eifa pugu einaka, “Foisa felo oi emi laomai felo'i papiau kegaisa ooma puo papiau ago'iai folokapa. Gome oi ega agokapa oma koa aisama, Amami ufai eague auga eegai afa felo afoloafia.

Mateo 9:30

Ke maa'i felo emia afu keisa. Egae kai epaini kapulani'i einaka, “Foisa, kai aga'o i'ina fouga faelogo,” eoma.

Mako 13:9

Kai oi maami fogoa felo. Gome lau fauai oi kansolo au'i ima'iai akepaaumi, ke la'afou afu'iai oi akeaunimi, ke agofa'a lopia'i akaiki'a'i ke kin ago'iai agoapa, lau fou agoifafoua.

Mako 3:12

Kai Iesu tiapolo aina'i epalogo ke eifa kapula peni'i, ke aelogoaini'i isa kaisau auga akeifafoua.

Mako 5:43

Kai Iesu isa epaini kapulani'i kapa'ina emia auga kai aga'o maagai fakeifania eoma. Ke imoi ina ama epaini'i kapa aga'o imoi kegapenia gaania eoma.

Mako 6:11

Ke afu aga'ogai papiau afakeifa kokoimi, o ainami afakelogo koa aisama, afu ega'ina agopua'afuga aisama, keumakalainimi gouga fokapa ifemi aeapuga foauopuaina. Iifa gome maamiai laifania. Muni Deo papiau e'i laomai felo, o apala afa agepeni'i aisama, taoni ega'ina oi keumakalainimi au'i, afa apala ipauma agepeni'i. Ke afa apala ega'ina auga Sodom, ke Komora fou papiau'i e'i laomai apala afa agepeni'i auga ageka'egaina,” eoma.

Mako 7:36

Ke Iesu papiau epaini kapulani'i kapa'ina emia auga kai aga'o maagai fakeifania eoma. Kai isa epaini'i ma'o epamia kai aga'o maagai fakeifania eoma mo ganinagai, isa kelao kapa'ina emia auga fouga keifania akeapakipo.

Mako 8:30

Ke Iesu ega imoi eifa kapula peni'i kai aga'o maagai isa kaisau auga fakeifania eoma.

Mako 9:9

Ke ikuai keake kemai alogai, Iesu isa epaini kapulani'i kapa'ina emia keisa auga, kai aga'o maagai fakeifania felao Papiau Aumauni Gauga maeai femaunimue afegai kai, fekeifafoua eoma.

Luka 17:14

Ke Iesu maaga elao isa eisa'i aisama epaini'i einaka, “Amolao faagami sakedote amopakina'i ega koa sakedote faagami felo emia auga emi kagakaga kainai papiau maa'iai fekeifafoua,” eoma. Ke Iesu ega iifa kainai, molumolu au'i keagai kelaolao kai faaga'i felo emia.

Luka 21:13

Oi isa ago'iai agoapa iina koa faagamiai akemia aisama, ega'ina laoga maina agepalagainimi lau fou alao amai auga fouga isa maa'iai agoifafoua.

Luka 4:41

Ke Iesu papiau ma'o alo'iai tiapolo keagu au'i isafa epafelo'i. Kai ega'ina alogai tiapolo papiau alo'iai keagu au'i Iesu Mesaia auga kelogo puo, kepealai aisama keagaga keinaka, “Oi Deo Gauga!” keoma. Kai Iesu isa Mesaia auga papiau akelogo aisama, ega pinauga afaekapa felo eoma puo tiapolo efinai'i, aelogoaini'i akenini'ani pugu.

Luka 5:14

Egae kai Iesu au ega'ina eifa kapula penia einaka, “Oi faagamuai kapa'ina emia auga kai aga'o maagai foloifania. Kai opainai folao sakedote ee'iai faagamu fopakina'i. Isa oi faagamu felo emia auga fekeisa, ke papiau maa'iai fekeifafoua. Egae kai oi faagamu efelo auga laoga maina Moses ega iifa kainai fokapa, a'o Deo fopa'a penia,” eoma.

Luka 8:56

Imoi ega'ina ina ama kekauai keopofua kai, Iesu isa epaini kapulani'i kapa'ina emia auga kai aga'o maagai fakeifafoua eoma.

Luka 9:21

Ega aisama Iesu imoi eifa apu'i Peto kapa'ina eifania auga kai aga'o maagai fakeifania eoma.

Ioane 5:41

“Lau papiau fekeau afagainiau auga lapamafua.

Ioane 7:18

Kaisau ifo aina fouga eifania auga, ega koa ekapa auga papiau isa au akaiki'a fekepamia eoma puo ekapa. Kai kaisau isa eulaisa auga au akaiki'a fekepamia eoma puo epinauga auga iifa ko'a auga, ke pifoge kapa'i aga'o isa eegai afoloisa.

Ioane 8:50

Ke lau ifou fauai isapu akaiki'a faafia, ke au akaiki'au famia auga keagaga alakapuga. Kai aufalao aga'o auga, isa ifo au akaiki'a femia ke isapu akaiki'a feafia auga keagaga ekapuga, ke isa oi felo o apala okapa auga afa agepenimi.