Mateo 8:3 - Mauni Mamaga Iifaga

³ Ega aisama Iesu ima ekalaisa elao au faagagai eafiau kai eifa einaka, “Lau lalogo oi mapafeloiso laoma puo, felomu momia,” eoma. Ke fiakoa mo au faaga felo emia.

Mateo 8:3 Iomraidhean Croise

Mateo 12:13

Egae kai ima emelo auga epainia einaka, “Imamu mokalaisa,” eoma. Ke au ima ekalaisa aisama, ima felo ipauma ima apie koa i'opoga emia.

Mako 1:41

Ke Iesu maiguaniai ima ekalaisa au eafi opogaina kai einaka, “Anina laani faagamu felo gamia laoma,” eoma.

Mako 4:39

Ega aisama Iesu e'ue ameku efinaisa, ke a'u epainia einaka, “Mo'olo! Moka umamo!” eoma. Ke ameku eapakipo, ke a'u eka umamo.

Mako 5:41

Ke Iesu ifiao imagai eafi kai epainia einaka, “Talita kumi,” eoma. Talita kumi i'a mala'aisai auga, ‘Ifiao e'elemu lau lapainio, mo'ue!’

Mako 7:34

Ke ufa eakae penia eapoki kai eifa einaka, “Efata!” eoma. Efata auga i'a mala'aisai, ‘Moalai,’ fouga eifania.

Mako 9:25

Ke Iesu maaga elao papiau la'afouai kepiau isa eega kemai eisa'i aisama, tiapolo efinaisa einaka, “Akeafu, ke ainafua tiapolomu! Laifa kapula penio, imoi alogai mopealai, ke folokoko pugu,” eoma.

Luka 4:27

Egae kai profeta i'oina aga'o aka Elisa eagu kina'iai, Israel agogai papiau ma'o molumolu isafaga keafiia keagu. Kai Deo Elisa Israel papiau'i ee'iai aeulaisa kai aga'o aepafelo. Kai Deo isa eulaisa Israel papiau'i laa'i au'i afu'i Siria ago elao, ifani lopiaga aka Naaman, molumolu isafaga eafia auga epafelo,” eoma.

Luka 5:13

Ega puo Iesu ima ekalaisa elao au faagagai eafiau kai eifa einaka, “Lau lalogo oi mapafeloiso laoma. Ega puo felomu momia,” eoma. Iesu ega'ina eifania aisama, fiakoa mo molumolu isafaga ega'ina auga epua'afuga, faaga felo emia.

Luka 7:14

Egae kai Iesu elao mae kofugai eafiau aisama, papiau mae kepua au'i keapakipo. Ega aisama Iesu mae auga epainia einaka, “Au agu'amu! Lapainio mo'ue,” eoma.

Ioane 11:43

Iesu ega'ina eifania efua aisama, eifa akaiki'a einaka, “Lasarus, mopealai mai!” eoma.

Ioane 15:24

Lau papiau aga'o pinauga aekapakapa'i au'i isa epo'iai lakapai'i puo, isa laomai apala'i kekapa'i au'i kelele'i alo'iai kekae. Ke pau isa lau mirakulo lakapai'i keisa'i mo ganinagai, alo'i ko'agai lau ke Amau fou animai akeani.

Ioane 5:21

Gome Ama mae papiau'i epamaunimue'i mauni mamaga epenii'i koa i'opoga, Gauga isafa kaisau anina eani auga mauni mamaga epenia.