Mateo 8:2 - Mauni Mamaga Iifaga

² Ega'ina alogai au molumolu isafaga eafia auga emai Iesu agogai eanife'u kai eifa einaka, “Lopia, oi lau mopafeloisau alooma koa aisama, alopafeloisau agekaina,” eoma.

Mateo 8:2 Iomraidhean Croise

Mateo 10:8

Ke isafa papiau'i fopafelo'i, mae au'i fopamaunimue'i, molumolu isafaga keafia au'i faaga'i fopafelo, ke tiapolo papiau alo'iai keagu au'i fopapealai'i. Isapu i'ina oafi aagenia mo koa i'opoga, oi isafa fopipeni aage mo.

Mateo 13:58

Ke papiau isa akepako'ania kainai, egae mirakulo ma'o aekapai'i.

Mateo 14:33

Egae gaagai keaguka au'i isa ega koa ekapaisa keisa aisama, keau afagaina keinaka, “Iifa ko'a, oi Deo gauga paisa,” keoma.

Mateo 15:25

Ega aisama papie ega'ina emai Iesu agogai eanife'u kai eifa einaka, “Lopia, mopalagainiau,” eoma.

Mateo 18:26

“Ega aisama au ega'ina isa agogai e'ualai eanife'u kai egoinia einaka, ‘Eeuai alomu moafiapia mo, ke lau oi emu kapa ma'oai afa'i alapenimueiso,’ eoma.

Mateo 2:11

Ke kemai ega'ina afugai kekoko aisama, imoi ina Maria fou egae keisa. Ke kelao keloukipo imoi keau afagaina. Egae kai e'i amu afa'i akaiki'a'i keuka'i fe'a kegupuki'i, ke pipeni amu'i, gold, ke mulamula foga'i felo'i au'i, ke myrrh keoma auga fou kekagau'i imoi kepalao penia.

Mateo 20:20

Ega'ina afegai Sebedi gauga au'i ina'i fou kemai Iesu agogai keanife'u kai Iesu kapa felo aga'o isa gauga fepeni'i eoma.

Mateo 26:6

Ega'ina afegai Iesu elao Betani taoninai au aga'o aka Saimon, Iesu isa molumolu isafaga eafiia kai, epafelo auga ega e'ai eagu.

Mateo 28:17

Ke isa Iesu keisa aisama, keau afagaina kai epo'iai isa'i auga alo'i kepama'o.

Mateo 28:9

Ke fiakoa mo Iesu eapafoki fou kepiaogai, ke epamegoni'i einaka, “Oi oague ma?” eoma. Ega aisama isa kelao Iesu ife fo'inai keomukipo ifegai keafi kai keau afagaina.

Mateo 4:9

Egae kai epainia einaka, “Oi aloloukipo lau aloau afagainiau koa aisama, i'ina kapa'i ma'oai oi alapenio,” eoma.

Mateo 8:1

Iesu iku mapegai eapa epamalele efua eake emai aisama, papiau la'afou akaiki'agai isa muninai kepea.

Mateo 8:25

Ega puo Iesu ega imoi kelao kepagonia kai kepainia keinaka, “Lopia, kania'a moagamauga! I'a agakogo!” keoma.

Mateo 9:18

Iesu enini'ani laolao kai, Iudea papiau'i e'i la'afou afuga e'ima auga aga'o emai Iesu agogai eanife'u kai eifa einaka, “Lau gau ifiaoga pau mo emae. Kai mai alao faagagai imamu mo moogeaua kai, isa agemaunimue ageagu,” eoma.

Luka 4:27

Egae kai profeta i'oina aga'o aka Elisa eagu kina'iai, Israel agogai papiau ma'o molumolu isafaga keafiia keagu. Kai Deo Elisa Israel papiau'i ee'iai aeulaisa kai aga'o aepafelo. Kai Deo isa eulaisa Israel papiau'i laa'i au'i afu'i Siria ago elao, ifani lopiaga aka Naaman, molumolu isafaga eafia auga epafelo,” eoma.

Ioane 9:38

Ega aisama au ega'ina einaka, “Lopia lau oi lapako'anio,” eoma, ke eau afagaina.

Acts 10:14

Kai Peto einaka, “Lopia afaekaina. Gome lau ega'ina amu'i apala'i, ofu amu'i alaaniani'i,” eoma.

Acts 10:25

Ke Peto emai e'a pa'afina akegai ekoko alogai, Konelius elao Peto auni'i kepiaogai. Ke Konelius Peto ife fo'inai e'ualai eomukipo eau afagaina.

1 Korinto 14:25

Ke alogai ogefake kapa'i eopolani'i au'i akefoki kainai, Deo agogai ageloukipo ageau afagaina ageinaka, “Iifa gome Deo oi epomiai eaguega,” ageoma.

Revelation 19:10

Ega aisama lau isa ife fo'inai laomukipo maau afagaina laoma. Kai isa lau epainiau einaka, “Moisa! Ega'ina folokapa! Lau auga pinauga au aga'o, oi ke aamu akimu Iesu fouga ko'a mo oifafoua aumi koa i'opou. Oi Deo moau afagaina! Gome Iesu fouga ko'a mo auga Deo ega Spirituai profeta eifania auga.