Mateo 8:12 - Mauni Mamaga Iifaga

¹² Kai Israel papiau'i Deo ega agofa'a papiau'i auga, afegai uminagai akepiulai'i, egae akeapepe nie'i akeapalolia,” eoma.

Mateo 8:12 Iomraidhean Croise

Mateo 13:38

Ke agoai laiti efauga auga, i'ina agofa'a. Ke laiti anina felo au'i Deo gauga, Deo ega agofa'ai akekoko au'i. Ke afa apala'i auga laomai apala inagome auga gauga au'i.

Mateo 13:42

Egae kai akeafi'i lo eufa emoge auga alogai ake'afo koko'i, egae akeapepe nie'i akeapalolia.

Mateo 13:50

Egae kai papiau apala'i au'i lo eufa emoge auga alogai ake'afo koko'i, egae akeapepe nie'i akeapalolia,” eoma.

Mateo 21:43

“Ega puo ega'ina iifaga koa i'opoga, lau oi maamiai laifa gomeisamo. Deo ega agofa'a oi eemiai ageafi'aua, ke ageafia papiau kapa'i pinauga ega'ina akekapa felo anina ageoge au'i agepeni'i.

Mateo 24:51

Ega aisama au akaiki'a ageoge, pinauga auga ega'ina ageafia ageau kapulania, ke pifoge papiau'i keagu afugai agepaagua, ke egae isa ageapepe, nie ageapalolia.

Mateo 25:30

Ke pinauga auga ega'ina kapa aga'o aepapagama auga amoafia, e'a afe uminagai amopiulaisa, egae isa ageapepe nie ageapalolia,’ eoma.

Luka 13:28

“Ke oi isa eegai agepiulaimi, ke egae ufu'a apa'a Abraham, Aisak, Iakobo, ke profeta ma'oai Deo ega agofa'ai keague au'i agoisa'i. Ega aisama agoapepe niemi agoapalolia.

Acts 3:25

Oi ega'ina profeta'i gau'i. Ke Deo ufainagai Abraham epainia einaka, “Oi okomuai muni akemai au'i fau'iai, Lau agofa'a fofouga papiau'i kapa felo'i alapeni'i,” eoma. Ega'ina auga, Deo pako'a kapula nini'anina isa ee'iai ekapaisa. Ke i'a ufu'a apa'a ee'iai isafa ega koa i'opoga ekapaisa. Ke oi isafa ega'ina iifaga oafiia apumi opamia.

Roma 9:4

Isa auga Israel papiau'i Deo ekinani'i au'i. Deo isa eafii'i epafa'a'i gauga epamiai'i. Ke isa Deo ega isapu ke eaea akaiki'a keisa au'i. Ke Deo isa fou pako'a nini'anina kapula kekapaisa au'i. Ke isa Moses ega iifa keafiia au'i. Ke isa Deo ega e'ai Deo ala fekeau afagai oma auga kelogo au'i. Ke isa Deo ega pako'a iifagai muni kapa'ina agepeni'i eoma keafiia au'i.

2 Peto 2:17

Ke profeta pifoge'i au'i auga, ipu alogai fei laa'i au'i koa i'opo'i. Ke apuapu lanina epua'i au'i koa i'opo'i. Ke isa fau'iai auga afu umina umuga ipauma auga kepafua ekae.

2 Peto 2:4

Gome Deo agelo laomai apala kekapa au'i aeafi gogopu'i kai, eulai'i ipeli kelao, egae afu uminagai akeagu mo agelao Deo papiau ma'oai e'i laomai felo, o apala afa agepeni'i kinagai kai.

Jude 1:13

Ke isa e'i meagai auga, a'u emoge goiso fukofuko ofuga emai foeai e'afoaua aisa auga koa i'opoga. Ke isa au'i mi'imi'i ufa guagai kelao kemai aage mo au'i koa i'opo'i, ke Deo isa afu'i umina ipauma ageka aoniamo auga afuga epafua ekae.

Revelation 22:15

Kai papiau ugauga kekapa au'i, amage koa lao'i mai'i kekapa'i au'i, auau au'i, deo pifoge'i keau afagaini'i au'i, ke pifoge anina keani ke kekapa'i au'i ma'oai auga taoni ega'ina afegai keague. Ega'ina papiau'i auga amu'e koa i'opo'i.