Mateo 7:1 - Mauni Mamaga Iifaga

¹ Ke Iesu eifa pugu einaka, “Aufalao aga'o kapa aga'o ekapaisa auga oi alomiai isa felo o apala ekapaisa folooma. Laa'i koa aisama, oi kapa aga'o alokapa aisama, aufalao aga'o isafa alogai oi felo o apala lokapaisa ageoma.

Mateo 7:1 Iomraidhean Croise

Mateo 7:2

Gome felo o apala alomiai agoopolaga agoifania aisama, Deo isafa oi eemiai ega koa agekapa. Ke aufalao aga'o ega laomai felo o apala afa ala openi oma auga i'opoga mo, Deo oi afa ega agepenimi omaimi.

Mateo 7:5

Pifoge aumi! Foufai ifomi maamiai au u'ufa ekae auga foafilaisa kai, maami ofakaegai aami akimi maa'iai iili aeapuga ekae auga agoafilaisa agekaina.

Luka 6:37

Ke Iesu eifa pugu einaka, “Papiau kapa aga'o kekapa aisama, oi alomiai felo o apala folooma. Ega koa oi papiau e'i laomai felo o apala afa afolopeni'i koa aisama, Deo isafa oi emi laomai felo o apala auga afa afaepenimi. Ke papiau kapa aga'o kekapa aisama, oi ega'ina papiau'i ee'iai foloifa apala. Ega koa oi papiau e'i laomai ee'iai afoloifa apala koa aisama, Deo isafa oi emi laomai ee'iai afaeifa apala. Kai papiau eemiai laomai apala'i akekapa'i koa aisama, oi isa e'i laomai apala fo'agegeaini'i. Ega agokapa oma aisama, Deo kapa felo'i ma'o paisa agepenimi, ke ma'o eemiai kekae mo ganinagai, ma'o mo laagai ageogeau'i agepenimi,” eoma.

Luka 6:41

“Oi ifomi maamiai au u'ufa akaiki'a ekae maami ekaisapua auga aloisa kai, kapa puo aami akimi maa'iai ama'ama e'ele ipauma ekae auga oisa ooma?

Ioane 8:7

Ke kepa'ani penia akeaponia aisama, e'ue eapa kai epaini'i einaka, “Oi epomiai aufalao aga'o laomai apala aga'o aekapaisa auga kepo gaafia isa gafou kakaua,” eoma.

James 3:1

Aau akiu pako'a papiaumi, oi fologo felo, Deo papiau e'i laomai apala'i afa agepeni'i aisama, pamalele au'i e'i laomai apala'i afa akaiki'a agepeni'i. Kai papiau aage'i au'i e'i laomai apala afa e'ele mo agepeni'i. Ega puo oi ma'oai pamalele aumi fomia auga opolaga foloafia.