Mateo 6:1 - Mauni Mamaga Iifaga

¹ Ke Iesu eifa pugu einaka, “Foisa felo oi emi laomai felo'i papiau kegaisa ooma puo papiau ago'iai folokapa. Gome oi ega agokapa oma koa aisama, Amami ufai eague auga eegai afa felo afoloafia.

Mateo 6:1 Iomraidhean Croise

Mateo 16:27

Gome Papiau Aumauni Gauga Ama ega eaea, ke ega isapu akaiki'agai ega agelo fou akemai aisama, ega'ina kinagai isa papiau kapa'ina kekapa auga kainai mo afa agepeni'i.

Mateo 16:6

Ega'ina alogai Iesu isa epaini'i einaka, “Faliseo au'i ke Saduseo au'i e'i palafa ipaufuga mulamula auga foisa felo, ke eegai ifomi fo'imaimi,” eoma.

Mateo 23:13

“Moses ega iifa pamalelega aumi ke Faliseo aumi fou pifoge aumi! Deo oi afa apala fepenimi laoma! Gome oi papiau Deo ega agofa'ai fekekoko auga pa'afina okupuga. Ega koa okapa oi ifomi alokoko, ke papiau egae kegakoko keoma au'i isafa alologoaini'i akekoko.

Mateo 23:5

“Kai isa kapa ma'oai kekapa'i auga, papiau fekeisa'i keoma puo kekapa'i. Ega puo isa fe'a e'ele Deo ega iifa faagagai kepapua auga akaiki'a kepamia kai kania'iai o fago'iai keoge. Ke afe'i tiapuga kuagai ufe koa i'opo'i kepa'au opu'i, tiapu kepakaikai'i au'i kepamaefa alogaini'i.

Mateo 25:40

“Ke Kin iifa agepamue ageinaka, ‘Iifa ko'a maamiai laifania. Kapa'ina mo lau aau akiu e'ele'i i'ina aga'o eegai okapaisa auga, lau eeuai okapaisa,’ ageoma.

Mateo 5:16

Ega koa i'opoga, oi isafa laomai felo'i fokapa'i emi eaea papiau laa'iai fopagefaua, ega koa papiau oi emi laomai felo'i fekeisa'i Amami ufai eague auga fekeifagaina.”

Mateo 5:46

Ega kainai oi papiau animi keani au'i mo ani'i agoani koa aisama, Deo eegai ega'ina laoga mainai afa felo agoafia ma? Ke tax isafina au'i isafa laomai apala ikapa au'i mo ganinagai ega koa akekapa ma?

Mateo 5:48

Ega puo oi Amami ufai eague auga alo opai lao'i mai'i alo epogu koa i'opoga, oi isafa Isa koa i'opoga fomia alo opai lao'i mai'i alomi fepogu.”

Mateo 6:16

Ke Iesu eifa pugu einaka, “Oi agoani gopegope aisama, pifoge au'i kekapa ko'a i'opoga folokapa alomi faemafu. Gome isa keani gopegope aisama, papiau isa keani gopegope auga fekeisa keoma puo, iisa'i keafi lilifua. Iifa gome maamiai laifania, isa e'i laomai afa keafiia efua.

Mateo 6:9

“Ega puo oi iina fomegamega oma: ‘Amamai ufai loague aumu, Akamu galolofa aoma.

Mako 8:15

Ega aisama ega imoi aina'i epalogo einaka, “Maami fekiakae! Herod ke Faliseo au'i e'i pifoge auga, palafa iuma mulamula palafa alogai keoge eufu koa i'opoga, isa e'i pifoge isafa euki papiau epo'iai ekoko epalifu'i auga foisa felo,” eoma.

Luka 11:35

Ke alomiai eaea ekaega auga, foisa felo umina faemia.

Luka 12:1

Ega'ina alogai papiau ma'o alogaina kemai Iesu eapa afugai kela'afou. Ke papiau ealogai alogaina, kegapea auga aekainia kainai kepa'ifu aga'o aga'o laa'iai keapau kelaoaina. Ega'ina alogai Iesu e'ina ega imoi epaini kakau'i einaka, “Faliseo au'i e'i pifoge auga palafa ipaufuga mulamula palafa alogai keoge eufu auga koa i'opoga. Ega kainai isa e'i pifoge euki papiau epo'iai ekoko epalifu'i auga foisa felo.

Luka 12:15

Egae kai Iesu papiau ma'oai epaini'i einaka, “Mogemoge kapa'i ma'oai foumakalaina. Papiau akepa'amu'amu mo puogai e'i agu felo agemia afaekaina,” eoma.

Luka 16:15

Ega aisama Iesu isa epaini'i einaka, “Oi auga papiau ago'iai ifomi alo opai aumi koa i'opoga opamiaimi kai, Deo guami alo eisa. Gome kapa'ina papiau maa'iai keisa kapa akaiki'a ipauma keoma auga, Deo maagai auga kapa aga'o laa'i,” eoma.

Ioane 12:43

Isa ega kekapa oma, gome papiau isa fekeifagaini'i auga anina keani alogaina kai, Deo isa feifagaini'i auga afa'agamo anina keani.

Ioane 5:44

Ke oi ifomi mo isau afagainimi auga anina oani kai, alouniaimoimo Deo ega mo aga'omo auga eegai au afagai emai auga alokapuga koa aisama, ala koa lau agopako'aniau agekaina?

Acts 3:12

Peto papiau isa ee'i kemai eisa'i aisama epaini'i einaka, “Israel aumi, oi i'ina auga efelo oisa auga folokauai foloopofua. Ke lai maamai alo ipauma foloisa. Oi oopolaga lai ifomai emai isapuai akapaisa ooma, o Deo maagai au felomai kainai i'ina auga apafelo epea ooma ma? Laa'i ipauma!

Kalatia 6:12

Papiau isa'i Iesu kolotiai emae auga fouga akeinogonia aisama, Iudea papiau'i isa akeafi apalani'i auga anina akeani. Ega puo isa kefaegai kepaafimi maguaemi faaga iifalaina gamia keoma. Ke isa ega'ina kekapa auga, Iudea papiau'i alo'i kegapagama keoma puo kekapa.

Hibru 2:1

Deo ega iifa pukagai Gauga fouga ega eifa oma puo, Deo ega iifa a'o'i alogoni'i efua au'i alo'a ko'agai faisa felo'i kai'iai fapakai'i. Ega koa epo'aisai kai aga'o Deo Gauga faemunia ke faepeagea.

2 Ioane 1:8

Maami fogoa fo'imaimi ega koa kapa'ina afipuguga opa'aua auga folopagea kai, afa fofouga foafia.