Mateo 5:3 - Mauni Mamaga Iifaga

³ “Lalau'iai keulalu au'i Deo eegai kapa felo'i keafi'i, gome Deo ega agofa'a isa apu'i.

Mateo 5:3 Iomraidhean Croise

Mateo 11:25

Egae kai Iesu eifa einaka, “O Amau, aagoa ufa fou Lopiaga Aumu, tenkiu lapenio. Gome oi kapa ma'oai lau laifani'i, ke lakapai'i au'i ikifa au'i, ke malele au'i fou ee'iai loogefake'i. Kai papiau imoi e'ele'i koa i'opo'i ikifa, ke malele ma'o laa'i au'i ee'iai lopaofakaea.

Mateo 11:6

Ke kaisau lau fauai afae'ualai auga, Deo eegai kapa felo'i eafi'i auga.”

Mateo 13:16

“Kai oi auga, pau maamiai lau kapa'ina lakapa auga oisa, ke kapa'ina laifani'i au'i ainamiai a'o ologo. Ega puo oi maami ke ainami fou Deo eegai kapa felo'i keafi'i.

Mateo 19:14

Ega aisama Iesu isa epaini'i einaka, “Imoi e'ele'i folokaisapu'i eeu kegamai, gome Deo ega agofa'a auga papiau imoi e'ele'i iina koa'i kemia au'i apu'i,” eoma.

Mateo 24:46

Ke au akaiki'a agemue agemai, isa ega pinauga epeniia auga agekapa ageisa aisama, kapa felo'i pinauga auga ega'ina agepenia.

Mateo 25:34

“Egae kai Kin ageoge papiau isa kaina kainai keapa au'i agepaini'i ageinaka, ‘Lau Amau eegai kapa felo'i oafi'i aumi, oomai agofa'a egama mo alogai, lau Amau ega agofa'a oi apumi eoma auga amoafia apumi gamia.

Mateo 3:2

Ke ega inogoai iina eifa oma, “Emi laomai apala'i amoumakalaini'i, gome Deo ega agofa'a emai kainagai,” eoma.

Mateo 8:11

Lapainimi, kina fuagai papiau ma'o kina e'agaukae afuga kaina, ke kina eake afuga kainai akemai Abraham, Aisak, ke Iakobo fou Deo ega agofa'ai, miamia akaiki'agai afu'i akeafia akeagu.

Mako 10:14

Kai Iesu ega'ina eisa aisama, gua ekupu ke ega imoi epaini'i einaka, “Imoi e'ele'i folokaisapu'i eeu kegamai. Gome Deo ega agofa'a auga imoi iina koa i'opo'i au'i apu'i.

Luka 11:28

Kai Iesu einaka, “Kaisau Deo ega iifa a'o kelogo ke kainai kepea au'i Deo eegai kapa felo'i keafi'i,” eoma.

Luka 18:14

Iesu palapole ega'ina eifania afegai, iina eifa oma einaka, “Iifa gome maamiai laifania. Kaisau ifo eau afagaina auga e'ele agemia. Ke kaisau ifo e'ele epamia auga akaiki'a agemia. Ega puo ega'ina au'i auni'i epo'iai tax eafia auga Deo maagai alo opaina emia emue ega e'a elao. Kai Faliseo auga auga Deo maagai alo opaina aemia,” eoma.

Luka 22:29

Ke Amau ega agofa'a lau epeniiau fa'ima eoma koa i'opoga, oi isafa apumi alapenimi ago'ima.

Luka 22:30

Ega koa oi lau e'u agofa'ai fou faagu faaniani, ke papiau fo'ima'i isapuga foafia foagu, Israel ikupuga 12 papiau'i e'i laomai afa fopeni'i laoma,” eoma.

Luka 4:18

“Lopia ega Spiritu eake peniau, gome isa lau isapu epeniiau. Ega koa iifa faunina ulalu au'i maa'iai faifafoua eoma. Ke eulaisau ketipula au'i akepealai auga, ke maakimi'i au'i maa'i felo agemia auga faifafoua eoma. Ke laomai apala'i ma'oai emokai'i au'i akepealai auga, ke Deo inipo kapagai ega gafegafe agepeni'i auga isafa faifafoua eoma.” Aisaea 61:1-2

Ioane 20:29

Kai Iesu isa epainia einaka, “Oi lau loisau puo lopako'aniau kai kaisau lau aeisau kai epako'aniau auga Deo eegai kapa felo'i eafi'i,” eoma.

James 1:10

Ega koa i'opoga, oi epomiai pa'amu'amu auga aga'o eaguega koa aisama, Deo isa isafa ekinaga ega papiau epamia auga felogo. Ke ega'ina auga kapa akaiki'a puo afaegea. Kai ega amu auga au kaikaina koa i'opoga agegea puo faeaina'au. Maami galao au kaikaina amoisa. Kina e'agau aisama, egefaopu au egaga. Ke kina isapuga egaga aisama, fiakoa mo eogogo kaikaina kemae kelulu. Ega koa emia, au iisa felo auga fiakoa mo egea laa'i emia. Ega koa i'opoga, pa'amu'amu auga ega moni mo pinauga epapea alogai, ega mae kina agemai aisama, ega amu ma'oai akegea afe'ai. Ega puo pa'amu'amu auga ega amu aina'auga faepa'aua kai, Deo isa ekinaga ega papiau emia auga alogama fepa'aua.

James 1:12

Ke oi epomiai au aga'o i'opo aga'o eega agemai. Kai isa ifo gamuga mo ageopo ageafiapia mo, ega pako'a afaepua'afuga koa aisama, Deo isa ega laomai felo afa agepenia. Ega'ina auga, papiau alo'i ko'agai Deo anina keani au'i ee'iai eifa epako'ania koa i'opoga, mauni umamo afugai fou akeagu. Ega puo i'opo agemai kai kaisau agekapula afae'ualai auga, Deo eegai kapa felo'i ageafi'i.

James 2:5

Aau akiu, ainami amopaaua kapa'ina alaifania auga a'o fologo. Iifa gome agofa'a alogai Deo alo ko'agai ulalu papiau'i ani'i eani au'i ekinani'i Iesu Kristo kepako'ania. Ke Deo epako'ania kaisau alo'i ko'agai Isa anina keani au'i ega agofa'a agepeni'i eoma. Ega kainai ulalu au'i kapa aga'o ee'iai laa'i mo ganinagai, Deo ega agofa'a isa apu'i agemia auga kepako'ania. Ega puo Deo maagai isa au'i kelopia alogaina.

Revelation 19:9

Egae kai agelo lau epainiau einaka, “Papiau kapa'i Sipi Gauga ega amagelofe miamia gapigapi fo'amaga fekeania eoma eifa koko'i au'i, Deo eegai kapa felo'i keafia auga fouga mopapua,” eoma. Ke eifa pugu einaka, “I'ina auga Deo ega iifa ko'a'i au'i,” eoma.

Revelation 22:14

Ke kaisau e'i tiapu keikua koa i'opoga e'i laomai felo au'i, Deo eegai kapa felo'i akeafi'i. Ega koa isa au mauni epipeni auga anina fekeania isapuga akeafia. Ke isa Ierusaleme taonina mamaga auga pa'afinai fekekoko auga isapuga fekeafia laoma.

Revelation 3:17

Oi ifomu foumu loifania loinaka, ‘Lau lapa'amu'amu lalaoaina, ke pau lapa'amu'amu efua, ke lau kapa aga'o eegai alaafi'afu,’ looma. Kai oi lolifu afe'ai, papiau oi keisao guamu keania, maamu ekimi'i, ke faagamu maini koa i'opoga loulalu alogaina auga oko alologo.