Mateo 4:9 - Mauni Mamaga Iifaga

⁹ Egae kai epainia einaka, “Oi aloloukipo lau aloau afagainiau koa aisama, i'ina kapa'i ma'oai oi alapenio,” eoma.

Mateo 4:9 Iomraidhean Croise

Mateo 26:15

Ke epa'ani einaka, “Iesu oi imamiai alapaaua koa aisama, kapa'ina lau agopeniau?” eoma. Ega puo isa silifa monina 30 kepaauga kepeniia.

Mateo 4:10

Kai Iesu isa epainia einaka, “Satani! Eeuai moapa'au. Gome Deo ega iifa pukagai iina kepapua oma: ‘Emu Lopia Deo ifogamo foau afagaina, ke Isa mo ega pinauga fokapa,’ eoma. Deuteronomy 6:13

Ioane 12:31

I'ina agofa'a papiau'i e'i laomai felo, o apala akeafia auga kina inamo'e. Ke lau alamae ke alamaunimue aisama, i'ina agofa'a lopiaga i'ina agofa'agai alapapealaisa.

Ioane 13:3

Iesu isa Ama kapa ma'oai isa ega isapu papagai epamia'i e'ima'i auga elogo. Ke isa Deo eegai emai ke agemue Deo eega agelao pugu auga isafa elogo.

Ioane 14:30

Ke i'ina agofa'a lopiaga emai puo, lau oi fou aganini'ani epo afaemaefa. Isa ega isapuai kapa'ina lau faagauai ekapa auga, kapa aga'o lau faagauai aemia.

Ioane 16:11

Ke lau puouai Deo i'ina agofa'a i'ima auga Satani ega laomai afa epeniia efua, ke Deo ageoge lau akepako'aniau au'i e'i laomai apala afa agepeni'i auga agepakina'i.

2 Korinto 4:4

Ke pau i'ina agofa'a deoga, ega'ina papiau'i Iesu akepako'ania au'i alo'i ekupunia maa'i epakimi'inia, ega koa iifa faunina Iesu Kristo, Deo iisagai emai auga, ega isapu ke eaea akaiki'a fouga eaea afakeisa.

1 Timoti 3:6

Kai pau mo alo eponi auga Deo ega pinauga agekapa, ke pako'a papiau'i age'ima'i koa aisama, isa ifo afeau afagai alogaina. Ega koa agemia koa aisama, Deo, Satani ega aina'au afa epeniia epapealaisa koa i'opoga, isa isafa afa ega agepeni oma. Ega puo pau mo alo eponi auga i'ina pinauga faekapa.

Revelation 19:10

Ega aisama lau isa ife fo'inai laomukipo maau afagaina laoma. Kai isa lau epainiau einaka, “Moisa! Ega'ina folokapa! Lau auga pinauga au aga'o, oi ke aamu akimu Iesu fouga ko'a mo oifafoua aumi koa i'opou. Oi Deo moau afagaina! Gome Iesu fouga ko'a mo auga Deo ega Spirituai profeta eifania auga.

Revelation 19:16

Ke afe tiapugai, ke a'agagai isa aka iina kepapua oma: KIN MA'OAI E'I KIN, KE LOPIA MA'OAI E'I LOPIA.