Mateo 4:3 - Mauni Mamaga Iifaga

³ Ega aisama i'opo auga Satani emai isa e'opoisa einaka, “Oi Deo Gauga koa aisama, i'ina kepo'i mopaini'i palafa kegamia,” eoma.

Mateo 4:3 Iomraidhean Croise

Mateo 14:33

Egae gaagai keaguka au'i isa ega koa ekapaisa keisa aisama, keau afagaina keinaka, “Iifa ko'a, oi Deo gauga paisa,” keoma.

Mateo 16:16

Ke Saimon Peto keoma auga iifa epamue einaka, “Oi auga Mesaia, Deo eague aoniamo Auga Gauga aumu,” eoma.

Mateo 26:63

Kai Iesu komo mo eoma. Ke sakedote lopia fa'a Iesu epainia pugu einaka, “Lau Deo eague aoniamo auga agogai pako'a nini'aninai oi laifa kapula penio, ko'a mo foifania. Oi Mesaia, Deo Gauga aumu ma auga maamaisai moifania?” eoma.

Mateo 3:17

Ke ufai aufalao aga'o eifa einaka, “I'ina auga Lau Gau alou ko'agai anina laani alogaina. Ke isa eegai alou egama alogaina,” eoma.

Mako 1:1

Iifa faunina Iesu Kristo, Deo gauga fouga auga inae e'ina.

Mako 3:11

Ke Iesu papiau epafelo'i alogai tiapolo apala'i Iesu keisa aisama, agogai ke'ualai keomukipo kai keagaga keinaka, “Oi Deo Gauga Aumu,” keoma.

Mako 5:7

Ke tiapolo au alogai eagu auga eagaga einaka, “Iesu, Deo ufai au'oniai Au Akaiki'a Ipauma Auga Gauga Aumu! Lau oi eemuai kapa'ina lakapaisa? Lau afoloafi apalaniau auga, Deo maagai moifa ko'ania!” eoma.

Luka 1:35

Ke agelo einaka, “Deo ega Spiritu oi ageake penio, ke Deo ufai au'oniai eague, Au Akaiki'a Ipauma Auga ega isapuai agepakaisogonio aloinae. Ega puo oi Deo maagai alo lolofa imoina alopamauga, ke papiau isa akeifaga Deo Gauga akeoma.

Luka 22:70

Ega aisama ma'oai Iesu kepa'ani penia keinaka, “Ega koa aisama, oi Deo Gauga ma?” keoma. Ke Iesu einaka, “Oi oifania auga ko'a. Lau Deo Gauga paisa,” eoma.

Luka 4:3

Ega aisama Satani Iesu e'opoisa pugu eifa einaka, “Oi Deo Gauga koa aisama, i'ina kepo mopaina palafa gamia,” eoma.

Luka 4:41

Ke Iesu papiau ma'o alo'iai tiapolo keagu au'i isafa epafelo'i. Kai ega'ina alogai tiapolo papiau alo'iai keagu au'i Iesu Mesaia auga kelogo puo, kepealai aisama keagaga keinaka, “Oi Deo Gauga!” keoma. Kai Iesu isa Mesaia auga papiau akelogo aisama, ega pinauga afaekapa felo eoma puo tiapolo efinai'i, aelogoaini'i akenini'ani pugu.

Luka 4:9

Egae kai Satani Iesu eafiia pugu Ierusaleme taonina elaoaina. Egae Deo ega e'a ofaofa kua onina ipaumagai auni'i keapa kai epainia einaka, “Oi Deo Gauga koa aisama, i'ina afugai mogopolai moake.

Ioane 1:34

Ke Deo kapa'ina lau maauai eifania auga emia laisa puo, isa Deo Gauga auga ko'a mo laifafoua,” eoma.

Ioane 1:49

Natanael Iesu ega eifa oma aina elogonia aisama eifa einaka, “Rabai, oi Deo Gauga aumu ke oi Israel e'i Kin Aumu,” eoma.

Ioane 20:31

Kai oi Iesu Mesaia ke Deo Gauga auga fopako'ania, ke ega'ina pako'agai agu pagai maunina foafia eoma kainai i'ina kapa'i ipapua'i emia.

Ioane 9:35

Iesu au maaga epafelo auga la'afou afugai kepapealaisa auga fouga elogo, ke elao eisa aisama epainia einaka, “Oi Papiau Aumauni Gauga lopako'ania ma?” eoma.

Acts 9:20

Ega'ina alogai fiakoa mo Iudea papiau'i e'i la'afou afuga elao, Mesaia fouga einogonia, ke eifa Mesaia auga Deo Gauga eoma.

2 Korinto 1:19

Gome lau Silas, ke Timoti fou Deo Gauga, Iesu Kristo fouga oi epomiai ainogonia aisama, lai “E,” ke “Laa'i,” alaoma. Kai Iesu Kristo faagagai auga, “E,” moa'ina aoma.

Kalatia 2:20

Kai lau Iesu Kristo kolotiai emae auga muninai lapea. Ega'ina auga isa kolotiai emae koa i'opoga, lau isafa kolotiai lamae. Ke pau auga lau ifou kapa'ina makapa laoma auga alakapa kai, Iesu Kristo alouai eague auga, lau kapa'ina fakapa eoma auga mo lakapa. Isa lau aniu eani alogaina kainai aeumaka ifo imaauga Deo epa'a penia kolotiai emae, kaniau eagamauga. Ega puo pau agofa'ai laague alogai, isa Deo Gauga lau epalagainiau auga alou ko'agai lapako'ania.

1 Tesalonika 3:5

Ega kainai lau oi ala oagu oma auga fouga alalogo epo emaefa aisama, faagu auga aekainia. Ega puo Timoti laulaisa efai ega koa oi Iesu opako'ania paisa ma auga malogo laoma. Lau ega koa lakapaisa auga, i'opo papiauga afefai keaga aga'ogai afe'opoimi, ke lai egae emai pinauga akapaisa auga, kapa aga'o laa'i afemia auga mani'ina lapa'aua puo ega lakapa oma.

Hibru 12:16

Ufainagai Aisak gauga fa'aniauga Esau, ama au fa'aniau kapa'ina agepenia eoma auga feafia koa i'opoga kai, inaega ekimu aniani mo puogai Deo gefa aeaunia aina aeafia, Deo isa kapa'ina fepenia eoma auga akina imagai e'afa'afalaina. Kai Esau muniai eopopagai, Deo kapa'ina au fa'aniau'i apu'i eoma auga feafimue pugu eoma. Ega puo maisapepega mo keaga aga'o ekapunia, ama opo gaafimue, kapa'ina isa apuga eoma auga gapenimue eoma. Kai ama eumaka. Ega'ina auga fouga ologo felo. Ega kainai foisa felo, aagoai kapa aga'o anina oani puo Deo kapa'ina agepenimi eoma auga, Esau koa i'opoga folomia folo'afa'afalaina. Ke Deo folomunia, aagoa kapa'i apala'i ipauma'i au'i muni'iai folopea.

Hibru 4:14

Ega puo i'a a'a Sakedote Lopia Fa'a akaiki'a e'agaukae elao ufai auga, Iesu Kristo Deo Gauga auga fau'aisai eague epinauga kainai, i'a a'a pako'a aifafoua auga faafi inokania.

Hibru 7:3

Melkisedek ina ama laa'i ke ufuga apa isafa laa'i. Ke isa ega mauni ke ega mae kina kai aga'o aelogo. Isa auga Deo Gauga koa i'opoga sakedote agemia aoniamo.

1 Ioane 3:8

Kai aufalao aga'o laomai apala'i ekapa'i aefuafua auga, Satani apuga. Gome aagoa ufa fou kegama aisama, Satani isafa ega'ina kinagai e'ina laomai apala'i ekapai'i mo emai pau. Kai Deo Gauga auga, Satani ega pinauga gaauoka eoma puo, emai i'ina agofa'agai.

Revelation 2:10

Oi faagamiai kapa'ina akemia agokiekie auga mani'i'i folopa'aua. Lau lapainio, oi epomiai isami Satani ga'opoimi ageoma, tipulai agepaaguimi. Ke kina ou'aga alogai oi agokiekie alogaina. Kai oi emi mae kuagai ganinagai, emi pako'a lau eeuai fooge paisa. Ega koa agokapa aisama, lau oi afa felo ipauma alapenimi, agu pagai maunina agoafia.