Mateo 4:12 - Mauni Mamaga Iifaga

¹² Ega'ina afegai Iesu Ioane kepatipulania auga fouga elogo aisama, emue Kalilea ago elao.

Mateo 4:12 Iomraidhean Croise

Mateo 11:2

Ioane Baptista tipula e'agai eaguega kai, Iesu kapa'ina ekapaisa auga fouga elogo aisama, ega imoi eulai'i kelao Iesu kepa'ani penia keinaka, “Au aga'o agemai keoma auga oi, o aufalao aga'o i'oina ma fa'ima?” keoma

Mateo 14:3

Herod ega eifa oma, gome isa Iesu fouga aelogo koa kai, isa ifo akina Filip akafa Herodias eakafania puogai Ioane Baptista eafiia egopeisa tipulai epaagua.

Mako 1:14

Pau Ioane kepatipulania afegai, Iesu Kalilea ago elao iifa faunina Deo ega agofa'a fouga einogo.

Mako 6:17

Gome Herod ifo, isa akina akafa Herodias puogai ega au au'i eulai'i kelao Ioane keafiia kepatipulania. Gome isa Herodias eakafania.

Luka 23:5

Kai isa keifa paisa keinaka, “I'ina auga Kalilea agogai e'ina emai inae ega pamaleleai Iudea papiau'i keagu afu'i ma'oai elao, papiau alo'i eaniia a'oa'o akaiki'a epa'uegenia,” keoma.

Luka 3:20

Ega aisama Herod Ioane epatipulania. Isa laomai apala'i ma'o ekapai'i. Ega mo aeoma kai Ioane isafa epatipulania puo, laomai apala'i ega'ina laa'iai, laomai apala aga'o eogeaua pugu.

Luka 4:14

Ega'ina afegai Iesu Deo ega Spiritu isapuga alo epogu, ago maini epua'afuga emue Kalilea ago elao. Egae isa e'ina ega pinauga ekapaisa. Ega aisama isa e'ina epinauga paguaga eegai, Kalilea ago pagua'i ma'oai alo'iai isa fouga efoufa'a.

Luka 4:31

Ega'ina afegai Iesu Nasareta taonina ikuai auga epua'afuga eake elao Kalilea agogai Kapenaum taoninai ekoko. Egae Iudea papiau'i Deo keau afagaina kina'iai, elao la'afou afugai ekoko papiau epamaleleni'i pugu.

Ioane 1:43

Ke egani aisama, Iesu gakailai Kalilea ago galao eoma. Ega'ina alogai au aka Filip eisa ke epainia einaka, “Muniuai mopea,” eoma.

Ioane 2:11

I'ina auga Iesu mirakulo ekapa kakaua auga, ke ega'ina mirakulo auga, Kalilea agogai Kana taoninai emia. Ega koa ekapaisa, isa ega isapu ke ega eaea akaiki'a auga epafokia, ke ega imoi isa kepako'ania.

Ioane 3:24

Gome i'ina kapa'i auga Ioane tipulai aeagu koa kai kemia.

Ioane 4:43

Ke kina gua afegai, Iesu ega'ina afuga epua'afuga elao Kalilea ago.

Ioane 4:54

Iesu Iudea agogai emai Kalileai aisama i'ina mirakulo ekapaisa. Ke i'ina mirakulo auga Kalilea agogai Iesu ega mirakulo ikapa gua epamia auga.