Mateo 4:11 - Mauni Mamaga Iifaga

¹¹ Ega aisama Satani Iesu epua'afuga, ke Deo ega agelo kemai Iesu kepalagaina.

Mateo 4:11 Iomraidhean Croise

Mateo 26:53

Oi loopolaga lau Amau alaifaga aisama, Isa fiakoa mo lau fauai agelo 6000 aua aua e'i ikupu au'i 12 alogai afakemai ma looma? Iifa ko'a Isa ega koa agekapa agekaina.

Mateo 4:6

Egae kai epainia einaka, “Oi Deo Gauga koa aisama, i'ina afugai ifomu mopiulaiso. Gome Deo ega iifa pukagai iina kepapua oma: “‘Isa oi faumuai ega agelo ageifa kapula peni'i ake'ima feloiso. Ke ima'iai akeafiakaeiso ega koa ifemu kepoai afolo'anina,’” eoma. Sam 91:11-12

Mako 1:13

Iesu egae ago maininai a'o a'i'i epo'iai eagu, ke kina ma'oai mo ou'aga pani alogai Satani emai Iesu e'opoisa. Ega'ina afegai agelo kemai kepalagaina.

Luka 22:43

Ega aisama ufai agelo aga'o isa eapakina penia alo epakapulania.

Luka 22:53

Aufa kina mo oi fou Deo ega e'ai aagu kai, imami aga'omo ganinagai faagauai aloogeaua. Kai pau Deo ega logoai Satani umina ipauma auga elogoaina fepinauga auga, kina emai efua. Ega puo kapa'ina lau faagauai amokapa ooma auga okapa,” eoma.

Luka 4:13

Satani ega'ina mo aekapai'i kai, i'opo i'oi'i i'oi'iai Iesu e'opoisa kai aekainia. Ega aisama Satani Iesu epua'afuga, kina felo aga'ogai kai fe'opo pugu eoma.

Ioane 14:30

Ke i'ina agofa'a lopiaga emai puo, lau oi fou aganini'ani epo afaemaefa. Isa ega isapuai kapa'ina lau faagauai ekapa auga, kapa aga'o lau faagauai aemia.

1 Timoti 3:16

Ke i'ina iifaga kapula ipauma: Deo papiau aumauni ipauma emia, aagoai eake papiau epo'iai elao emai, Isa Deo ipauma auga epakinai'i. Ega'ina auga Iesu Kristo. Isa isafa Deo Gauga auga agelo papiau epakina'i. Isa Deo maagai alo opai auga, Deo ega Spiritu papiau epakina'i. Pau Deo isa ufai e'agauaina, Deo ega isapu akaiki'a afugai ekoko, kaina kainai fou keague. Papiau i'ina iifaga Iesu fouga keifafoua. Ke agofa'ai papiau isa kepako'ania. Ufainagai i'ina iifaga papiau akelogo felo kai, pau Deo papiau epakina'i. Ke Deo maagai i'a ala faau afagai oma, ke ala faagu oma a'a laomai felo femia auga epakinai'a. Papiau ma'oai i'ina iifaga kapula ipauma puo, alo'i ko'agai fekepako'ania, ke kai aga'o agepuniai afaekaina.

Hibru 1:6

Kai Deo Gauga fa'aniauga gamaiseina agofa'ai eoma aisama, isa faagagai kapa'ina agemia auga fouga ega iifa pukagai iina eifa oma: “Lau Deo e'u agelo ma'oai isa kegaau afagaina,” eoma. Deuteronomy 32:43