Mateo 4:10 - Mauni Mamaga Iifaga

¹⁰ Kai Iesu isa epainia einaka, “Satani! Eeuai moapa'au. Gome Deo ega iifa pukagai iina kepapua oma: ‘Emu Lopia Deo ifogamo foau afagaina, ke Isa mo ega pinauga fokapa,’ eoma. Deuteronomy 6:13

Mateo 4:10 Iomraidhean Croise

Mateo 16:23

Kai Iesu isa eaipenia kai epainia einaka, “Satani, muniu mai lao! Oi lau ifeu fa'anina fa'ualai koa kapa lomia e'u keaga lokaisapua. Oi Deo kapa'ina fekapa eoma auga aloopolaga kai papiau aumauni kapa'ina fekekapa keoma auga mo loopolaga,” eoma.

Mako 1:13

Iesu egae ago maininai a'o a'i'i epo'iai eagu, ke kina ma'oai mo ou'aga pani alogai Satani emai Iesu e'opoisa. Ega'ina afegai agelo kemai kepalagaina.

Luka 10:18

Ega aisama Iesu eifa einaka, “Kimage eafi efiakoa koa i'opoga, ufai Satani ega e'ualai oma laisa.

Luka 11:18

Ega koa i'opoga, Satani isafa ifo ega agofa'a ageaupea koa aisama, ala koa i'opoga isa ega agofa'a ageapa? Lau ega laifa oma, gome oi oifa lau Belsabul aka isapugai tiapolo laula'i ooma.

Luka 13:16

Kai i'ina papiega i'a ufu'a apa'a Abraham okogai amai auga gauga, Satani inipo 18 alogai egopeisa ofa ekopi. Kai Deo oau afagaina kinagai puo, kapa'ina isa egopeisa auga eegai falapapealaisa ma ooma? Laa'i, fapapealaisa paisa,” eoma.

Luka 22:3

Ega aisama Iesu ega apostolo 12 epo'iai aga'o aka Judas Iskariot keoma auga alogai Satani ekoko.

Luka 22:31

Egae kai Iesu Saimon eifaga kai epainia einaka, “Saimon, Saimon akiuagai, Satani Deo egoi penia elogo oi palafa kepagopo koa i'opoga fe'opoiso eoma.

Luka 4:8

Kai Iesu einaka, “Deo ega iifa pukagai isafa iina kepapua oma: ‘Emu Lopia Deo ifogamo foau afagaina, ke Isa mo ega pinauga fokapa,’” eoma.

Ioane 13:27

Ke Judas palafa eafiia aisama, fiakoa mo Satani isa alogai ekoko. Ega aisama Iesu isa epainia einaka, “Kapa'ina mokapa looma auga fokapa fofiakoa,” eoma.

Acts 26:18

Ke alaulaiso Iudea papiau'i ke Iudea papiau'i laa'i au'i ee'i alolao lau fou aloifafoua. Ke maa'i alopakiakaea, uminagai akepealai eaeagai akepea, ke Satani ega isapu akemunia Deo akeaipenia. Ke isa e'i laomai apala'i akeumakalaini'i Deo e'i apala age'agegeaini'i. Papiau lau kepako'aniau puo Deo maagai alo lolofa au'i kemia efua au'i, Deo ega agofa'a apu'i eoma auga agepeni'i. Ke muni lau akepako'ania au'i isafa, Deo ega agofa'a agepeni'i,’ eoma.

Acts 5:3

Ega aisama Peto einaka, “Ananias, kapa puo Satani alomu epogu Deo ega Spiritu lofogeisa? Oi emu ago lo'afa'afalaina, ke moni isa loafiapia kai iisa auga moni fofouga koa i'opoga lomaiseina.

1 Korinto 5:5

Ega aisama oi au ega'ina apala ekapa auga emi la'afou alogai fopapealaisa Satani imagai fopaaua. Ega koa Satani isa faagagai kapa apala aga'o agekapa aisama, inae aagoai eague alogai, agekiekie ageulalu alogaina. Ke ega koa faagagai agemia aisama, ageopo pagai ifo ega laomai apala'i ageumakalaini'i. Ke muni Lopia agemai aisama kania ageagamauga.

1 Korinto 7:5

Ke oi akafami fou feu foloumaka aage mo kai ifomi alomi ko'agai fomegamega agooma koa aisama, fou kaimialao iifa fopaapa, kina pika koa mo alogai aunimi folofeu. Kai ega'ina agokapa afegai aisama, fomai akafami fou fofeu pugu, ega koa oi alomi apokega kainai Satani fae'opoimi.

2 Korinto 11:14

Isa ega kekapa oma auga folokauai, gome Satani ifo isafa eafi kagakaga Deo ega eaea agelo aga'o koa emia!

2 Korinto 12:7

Ke Lopia lau kapa akaiki'a'i, logo ma'oai keka'egaini'i auga kapa'i epalogoniau au'i kai'iai faaina'au. Kai Lopia Satani elogoaina, ega iifa ipapea auga aga'o emai faagau epakiekie, ke ega'ina auga lau faagau ini koa eonia lalao lamai. Ega koa lau faaina'au auga eegai epaapa kipoisau.

2 Korinto 2:11

Ega koa Satani ega'ina laoga maina faepapinauga, i'a fae'imai'a. Gome i'a isa kapa'ina ekapakapa auga alogo efua.

James 4:7

Ega puo oi imaaumi fofouga Deo fopalao penia, ke Isa mo aina foafia. Ke Satani kapa'ina anina eani amokapa eoma auga foumakalaina. Ega aisama Satani oi agepua'afunimi eemiai agepiaukoko.

1 Peto 5:9

Kai oi emi pako'ai foapa kapula kai isa foumakalaina. Gome agofa'ai oi aami akimi Kristiano au'i oi kiekie alo'iai okoko au'i i'opo'i mo isa alo'iai kekoko auga ologo.